其實樓主重物質係冇問題
但如果為左唔離婚而生，就真係害人害物
3個讚
再搵機會同你老公傾傾 問下佢如果你都係唔生係咪會選擇同你離婚 或者佢無諗過原來bb同你係2選1
我有同會坐低傾過 我都有講明 我係決定唔生 咁你會點做？佢無話要離婚 佢話咁咪算囉 唔生 或者過幾年 等佢搵多d儲多d再生
但我知佢係好好好好想生 就算佢話算囉 佢第日都會怪我 如果我決定唔生 我就會放手 等到佢提出離婚就無謂啦
生仔唔可以迫
唔like真係唔好生
因為like小朋友嘅生咗都有後悔嘅時候
更何況唔like
香港前景咁 唔好害下一代
除非計劃移民
1個讚
你依家揀離婚 呢個揀左就一定會發生 但係你話驚佢遲吓怪你 呢個唔一定發生架嘛 我自己就唔會為咗之後有機會發生而選擇依家去離婚
1個讚
太天真，男人講就天下無敵
到佢放工返到嚟同阿 B 抱一抱玩一玩
咪又係塞個奶嘴俾佢叫佢快啲瞓啦
阿 B 瞓唔著喎阿媽氹啦我唔使返工咩
再唔係一句舊屎我媽都係咁樣湊㗎啫
半夜夜奶呀喊呀又話唔使返工唔使瞓咩
長憂九十九，育兒生活唔啱你冇得妥協
唔好美化你嘅想像，永遠唸最壞打算
殺到埋嚟燒著自己一定崩潰
4個讚
我老公好清楚我為人，佢應承湊大份，但佢知道如果佢到時湊少啲一定比我少上天花板，佢亦好清楚知道我唔會心軟，就算心軟，我湊完都會令佢日子不好過
佢計過度過知道奶嘢，好ok唔生了
你而家就咁講，到時佢氹下你你又loop都係唔需要好地地離婚
又拖幾年，到高齡產婦，佢又重提件事，你又再重新嚟過個cycle
1個讚
唔想生真係唔好勉強，咪害個小朋友同自己
勉強生出來，你將來難免會怨恨個小朋友同老公
折磨幾年後，又再離婚，個小朋友會好慘，你都會好痛苦
不過，結婚之前無傾過?
看到頭幾句. 我可以話你知唔好生. 人工唔係多, 咁多去咗供樓, 生完邊個照顧? 搵老人家照顧, 俾一個月三千買奶粉尿片都唔夠.
我啲細路讀中學, 真正一闊大三, 日日搭巴士返學, 買午飯, 啲嘢唔好諗住樣樣二手, 啲校服一年唔夠啲汗漬多到要換, 啲書年年改, 年年唔同. 一陣好彩老師話小朋友有天分, 叫佢參加啲比賽, 比賽又係錢. 幾百到千幾. 唔好彩, 話有特殊需要, 搵專家睇下又幾千. 仲有頭幾年成日病, 睇醫生都千千聲.
我月入同你差唔多, 小朋友開支全都係我, 其他生活開支全都係我老公, 我地仲要無保險, 我又唔駛俾錢老人家(政府養).我都覺得唔夠.
7個讚
唔計其他，淨係學嘢都5-10K/月，樓主唔知捨唔捨得俾。
2個讚
梗係唔捨得
又搞到一年去少兩次旅行呀
一個月10K 一年買少左一個H袋添
5個讚
無錯 現階段既我的確覺得去旅行 買野 更重要
覺得生bb只有辛苦我 身 心 荷包。。。
其實你咁清楚自己諗法&感受係好好既事, 總好過生左先黎後悔…
但呢啲諗法你有無同你老公講過? 佢有咩反應?
1個讚
佢知道 佢話就算生左 會努力供給我一切所需 令我生活不變 但我知道佢根本就冇呢個能力。。
咁你會唔會介意邊個出多出少？ 同埋比晒小朋友開支係咪都係猛猛緊？
唔想生就千其唔好生呀
錢都算起碼可以再搵過，
而身，心，責任係一世架
三思，三思
3個讚
咁你係咪其實有錢就可以生？如果佢唔洗你湊，你又繼續可以去旅行買嘢。好奇一問。
係
咁你計好其實要幾多錢先做到，睇你老公同屋企人出唔出到呢個錢，再同佢傾。
不過都諗定最壞打算，佢哋做唔到你可以點。
不過我同你都係鐘意去旅行既人，啱啱有左之後都去咗兩次旅行，同之後都會去外國。你都要預有左之後身體會無咁舒服，去旅行都無去得咁爽，魚生個啲又唔食得。