每個人故事唔同 每個人養小朋友方式又唔同
你依家唔想生 咪又或者突然你有一日想生
唉！希望你係上得嚟，係一個有良知嘅人、唔希望你做一個負責任嘅阿媽，但做一個負責任嘅人： 唔
好生
咁嘅話你都信？
生得出嚟就要負責任至少到小朋友成年啦，生命嚟㗎！
你擔心唔生要離婚，但冇擔心佢，因為你做阿媽做得唔好，同你離婚？
1個讚
33仲好後生，本身都未定性，可能過幾年你會想生，又或者想同其他男人生 
1個讚
但2個人相愛先結婚，結婚唔係為咗生仔 
唔生都唔代表2個人一定唔可以開開心心。 你傾下睇下老公點諗先喇， 還是你已經唔愛老公…？
但睇咗咁耐，真係唔好生，bb 係需要媽媽，冇媽媽照顧同愛錫點成長？ 養隻貓都要放心機時間喇！
唔好信lor, 假架，大把人奶野。為tum你生咩都講得出，之後唔認數大把。
簡單d, 如果出面所有人都信唔過，你可唔可以包底養and 湊個b? 唔鍾意小朋友唔緊要，有責任心都補救到，只係你唔enjoy 湊仔jie, 小朋友都仲可以安全成長。
但如果你無母性又無責任心，又唔夠錢outsource 比人搞，真係好頭痕。
不過呢，有時細路黎得都有緣份既…
4個讚
做媽媽並不只金錢上付出
時間，精神都好攞命，所以先會有產後抑鬱。
你有咁明確唔想生，真係唔好生。
但就要點說服另一半
1個讚
仲要如果有病有SEN包一世照顧佢，無限犧牲
1個讚
你而家唔生, 即離婚, 你仲有時間搵過第二個愛你嘅, 雖然唔一定搵到,
你而家唔生, 老公未離婚, 然後再過多幾年你老公決定離婚, 唔係話年紀大冇資格搵到第二春, 不過香港相對保守, 你會難D搵。
咁不如你而家攤牌, 越遲落決定對你越無著數, 男人去到83都可以搵個27歲同佢生。
至於錢問題, 反正離婚都可以分佢層樓, 短時間你唔會有太大問題。
其實你只係想搵個長期飯票+觀音兵, 趁仲有市場就盡快轉身離去
11個讚
冇人要都好過生個細路出嚟又後悔
我都覺~
sorry 樓主, 我諗你係愛自己遠多於愛你老公
唔止係生BB 既問題, 而係你同你老公一齊生活, 你都直認你老公錫你對你好既同時, 似乎一去到錢銀就要計住老公既錢係我既錢, 但我搵到既錢唔係老公既錢。
結得婚老公就係你家人, 我唔清楚你同你父母/ 兄弟姊妹相處時係咪都成日計住屋企既錢即係我既錢。
買樓後去少左旅行, 你已覺得係為頭家犧牲左好多生活質素。其實如果你咁想有生活質素, 大把錢去旅行、做facial 扮靚、買名牌袋, 又一分錢都唔想使響家庭既話, 我認為你比較適合做單身貴族, 可能你只係想要觀音兵而唔係一個長相廝守既男人。
10個讚
我都算係一個好計算嘅人, 但我嘅計算係give and take, 人生永遠都係不停選擇同取捨(我唔會用犧牲呢個term),
如果你1st priority係呢個男人, 而你要留係度嘅唯一方式只能生仔, 咁就生, 但你就真係完全唔理個BB, 由你老公/男家處理, 你繼續做靚靚OL, shopping/facial, 病左你唔理, 夠年齡返學你亦唔理, 唔係寸你, 就算呢個年代一樣有阿媽唔理仔女。
不過記住一樣野, 你識計, 你老公都識計數
4個讚
就咁睇樓主文字, 佢唔會後悔, 萬一生左先離婚, 佢係放棄custody嗰個,
如果兩邊都唔要仔女, 就比政府養, 佢唔會後悔, 應該慶幸可以咁輕易甩身
2個讚
樓主話老公講明如果試左都生唔到就無辦法
同時佢自己都有(偷偷地?) 食藥避孕
亦都深知一攤牌就會失去佢口中愛錫佢既好男人
我估佢只會一直拖, 繼續暗地食藥, 然後扮配合造人
佢後來都有提過如果唔生, 就唔會自私阻住老公, 會主動退出, 唔清楚佢邊句真邊句假,
講真, 比樓主拖到收經又點, 又唔係第一次有男人係出面搵個女人生仔, 到時主動權就唔係老婆身上
2個讚
係~再前少少就話咩驚放手自己又後悔
太天真啦、其實最後有咩都係搵阿媽、你真係可以咁狠心？住十個月都唔到你迫遷啦
其實都係、樓主只係唔想係呢個經濟環境下同呢個男人生
2個讚
多謝大家幫我分析
我話唔湊唔教唔養其實兇下佢地姐 想睇下佢地乜反應 會唔會縮 事實上生左我就做唔出。。
其實答案我都心中有數 只係一直唔想面對
離開我當然唔捨得 話晒大家都一齊10年 而且我都好依賴佢 佢亦對我好好 除左生bb 我地其他無乜問題
但我知道 如果我決定唔生 就要讓路比人 唔可以咁自私阻住佢 話晒佢想生bb佢都無錯
因為真係殺到埋身 佢話想bb下年出世 我真係好迷茫 呢個月都不停咁諗。。諗唔通。。上來想大家比下指引 我會zip高枕頭再諗清楚。。
謝謝
3個讚
如果我激進你聽完就算：冇咗個男人冇所謂，搵過第二個或者自己一個囉，生咗個B痛苦我先想死呀
咁其實就ok
你都係說服緊自己jie…
我無睇呢個post, 但我都有姐妹好似你咁，唔想生，被人迫要生。佢係講明唔生先結婚，到呢家過左咁耐，又過埋35歲，都係谷住要生，唔生既後果同你差不多。
只可以講u r not a 窿。
但就算開綠燈，佢都唔順利，呢家佢要做人工，而且為左養身子做好多野，job 都quit埋去專心落呢件事。
所以，你都隨緣啦…
3個讚