你不如唔好諗生唔生啦！
直接諗吓同老公點面對前面條路好過。
3個讚
其實每個人都有人身自由，生咗出嚟之後我係勁鍾意BB，所以我唔介意犧牲自己某啲生活質素
但同時間都要尊重有啲女人根本就唔鍾意生BB，其實都唔係關錢同現實嘅問題，係佢自己本身對自己生活有佢嘅諗法同追求。而條件好現實，唔夠錢就係唔夠錢，如果要犧牲自己本身嘅生活去成全一啲唔係自己想要嘅生活，咁對佢自己本身都唔公平。
任何人都唔係為另一個人而生存，如果淨係因為老公要生，就要妥協先叫做愛，咁呢種無左自己嘅愛都好畸形。
我幾認同樓主目標清晰，同埋佢真係好理性咁分析生咗出嚟要付嘅責任同埋佢自己嘅生活取向，既然唔想生，亦都唔想因為生咗而改變自己生活係冇問題㗎喎。誠實少少現實少少對自己好啲，先係而家自由社會獨立女性對自己身體嘅尊重。
7個讚
就係驚自己放手又後悔。。。。。唉
如果你以上所講嘅嘢，全部真心話，唔好介意我直接： 如果你為咗留住老公而生，同生個BB 出嚟「玩9 」全部人包括自己冇分別
13個讚
佢地個個咁想我生 點會覺得比我玩9左 得我自己玩9自己
1個讚
樓主如果你最尾決定生，千奇唔好再計住計住，計較咁多，最終大家都辛苦
你文字講到唔想生，但我覺得你心底裏其實會為佢試吓。
我都小小明呢種心態既，其實我自己同身邊嘅人都無話真係好鐘意小朋友，但自己既小朋友就多數都會鐘意。
我都係想對方付出多啲個種人，你自己睇下老公為咗生仔可以再努力幾多囉。
兩公婆是但一個唔想生都唔應該生，基本道理
成日話係咪因為唔生B就放棄婚姻，我話你知：你生完萬分痛苦乜人生都冇晒比晒個B，冇咗自己，你仲痛苦過離婚。有冇錢只係小事
你可以話我激，但唔該唔好以其他人生完之後好鍾意小朋友去justify一個錯誤嘅決定，大把人本身幾鍾意小朋友都勁後悔生B，孭一世責任
你未生已經咁掙扎，完全冇理由生
女人唔好為生B留個男人，上一代大把女人咁做，你問下佢哋十個有幾多個後悔？我肯定有十一個
7個讚
因為生唔生，你先係最大決定權嘅話事人！
你生，人哋就assume 你想要，你假如冇做足本份、而又要人哋幫，就係玩9 佢哋。
其實我唔覺得你有問題，只係太矛盾，所以希望唔好介意我言詞中有D差
2個讚
仲有，再諗下呢個社會，又諗下你嘅心理質素同條件，你個B都唔會好幸福
我話嘅：唔生
2個讚
你唔洗諗得咁極端，唔生=離婚
你老公都唔話唔生就離婚，而且你先33，仲有時間諗，亦又時間同老公傾。 如果你唔中意小朋友，唔洗「為」」老公而生，無論佢出幾多/少錢。講緊生出嚟係一個生命，冇得試下。
2個讚
其實搵錢唔多 但肯落手落腳做就好夠
大把老公踢一腳先郁一腳 放低錢就得阿媽揍
不過生唔生都係你兩個自己決定啦
生小朋友窮有窮養 富有富養
而且你兩個人工加埋都好過好多人啦
無論你搵幾多都好 都總係會唔夠洗嘅
你搵得多自然又洗得多 咩都追求好啲嘅姐
我地兩公婆開頭都堅決唔生嘅
但最後都唔係計劃內咁有左bb，有時真係緣份黎嘅，
Bb依家歲幾
雖然揍佢真係又激氣兼無哂私人時間，做乜都要以仔為先，但我地都無後悔有左佢，我總覺得多謝佢黎做我仔仔，等我有機會感受到懷孕到出世 睇住佢越黎越大個 慢慢一步一步學習 嘅呢種奇妙感覺
或依家等緊佢大個一齊周圍去玩
2個讚
我有事先聲明我乜都唔會理 只負責生出黎（我兇下佢地姐
） 佢地都堅持要生 佢地＝老公 6299
如果我唔生 就無謂咁自私阻住佢啦 老左又怨我。。我決定唔生既 會自動退出
1個讚
佢咪就係成日咁講。。
同埋經常用d fd做例子 搵少過我地都生到2件 仲可以去旅行 想說服我知情況唔係咁差
你有一千個朋友同你講生咗之後好鍾意冇後悔
老公比一萬個信心你佢會幫手湊同努力搵錢
你有十萬個擔心唔生你老公會同你離婚
都唔會及一個原因：你唔想生
女人要知道自己做乜，做人阿媽責任係最大，係一世，你而家猶豫根本已經好清楚唔應該生
6個讚
見過好多，兩公婆粗話唔生小朋友，到個老婆生唔出嗰時，個老公湊m好羨慕身邊有朋友有小朋友
好快識個第二個女人，生幾個
2個讚
性格問題，我識得有一個朋友同老公over20年連買包煙都計
我係一個唔太計較既人，幾多年都唔會。
我係。。。自己有剩d錢就ok 出大份唔係問題果隻
我都有咁諗。。都驚。。 驚到時我已經人老珠黃同佢離咗婚 自己一個住劏房 又冇男人愛
再睇你其他回應。。。
算啦 唔好生喇。。。 生左都唔見得開心
我亦覺得你應該唔係秤職既媽媽
咁不如開心自在啦，而且，要生既35歲前都可以既。。。你而家都未定性。。。或許再過幾年你會唔同想法卦。。。起碼你再先愛你老公多一點愛錢少一點先得。。。
至於你老公既關係，唔生就分。。咁我只能祝福你
5個讚