唔想生唔好夾硬生。
何況我覺得以你地收入唔夠錢生- 如果是但一個失業，而失業嗰個係你，就變咗老公一個人用23K 養全家。
不過同意佢講法就是一家人唔好計咁多。計吓條數，佢每月付出家庭開支後剩5K，你剩16K，如果有B，每人攞多5K 出嚟養，咁你都仲有私己錢而佢乜都冇。佢都會過得好緊。
所以個分歧就係佢願意為有BB 而過得掹掹緊，你唔願意。
睇吓佢係咪冇BB 就一定分囉，如果係既，早啲放生大家，你值得你唔生既自由，佢亦都值得搵個人幫佢生。
5個讚
生小朋友真係真係2 公婆要超大共識，因為生咗出嚟…. 冇得「塞返佢入去」
其次錢、經濟又係好緊要，除非你哋有好可觀嘅儲蓄，之後唔使比家用&減一半吃喝玩樂開支，咁可以考慮，否則以你而家嘅開支情況，真係會吃力。
至於你話唔鍾意小朋友、怕煩，反而我相信可以改變
佢願意所有錢都拎晒出黎 佢對錢乜都無所謂 個人又無乜消費，但我 連一蚊都唔想拎出嚟去養一個我唔想佢存在既bb
我明既, 有時性格就係咁~ 人人都唔同
但講真, 你而家情況係, 你愛錢定愛BB? OK 愛錢~ 咁再問你, 愛錢定愛老公? 其實我覺得你會揀錢.
even你決定揀要你老公都應該只因為係, 你唔想無左佢果份錢…
你係愛錢多過愛你老公…
但如果你係我另一半, 我應該早就會響男女朋友階段選擇分開.
在我角度愛係愛無得計較, 當然我唔係大愛到要養埋個老公, 但只要大家有盡力付出就無分你我.
換個角度, 如果因為唔生BB, 無左個老公, 我比你再出去搵過一段感情, 咁你肯定你新既另一半會有如你老公一樣, 佢嘅錢就係我嘅錢 我嘅錢就係我自己嘅錢?
但左推論右推論都好, 以你禁現實禁計較既性格, 真係唔適合生BB…
一個BB需要既愛同金錢仲有心力, 係要好多好多, 係無私奉獻.
為人父母, 就算自己唔食都要比個仔/女食得飽穿得暖.
我係勁大洗既人, 做左人呀媽之後, 我已經唔買衫唔買袋, 有時都唔敢比自己洗禁多, 為既就係小朋友.
你真係要好好諗清楚, 你做唔做到
15個讚
你講得好好 我就係諗我搵唔番一個願意咁無條件肯比我既人。。所以我又唔敢走 我自己都無信心仲搵到個又錫我又愛我又有錢既人。。
如果咁 我就要留低 留低就要改變心態先好去生。。我份人太唔知足。。
佢冇錯，但都唔代表要為佢生仔
你而家呢個狀態，生咗後悔vs唔後悔機率：10:0
你唔係變態, 係你本來就唔想生, 呢d嘢, 冇得迫, 就算你老公比個deadline你係冇意義嘅
明吖
你同你老公冇共識就唔好生。bb係一個生命，有養育嘅責任，如果生咗你覺得冇咗你所享受嘅嘢真係唔好生。你可能會怨小朋友/老公，咁就唔好喇。
你應該同你老公講清楚你意願。夫妻二人係一個家庭，三個人又係一個家庭。婚姻家庭你同另一半都要有共識。
不過又提外話，我同你差唔多大，有小朋友亦有姐姐照顧，美甲facial完全冇影響。而家會整完返屋企同小朋友，放工諗下買乜做小朋友明天早餐，其實都可以好平衡。
1個讚
我一直以為自己鍾意小朋友但都覺煩喎、同都有好多問題唔止錢要處理
要諗最worse、一個要為佢負責到成人既生命
要真心愛先好生
2個讚
我又係咁覺得，係咪呢代人係咁樣
做左咁多年夫妻咁樣計法？
3個讚
睇到呢句我都會講句: 你唔好生啦…
如果你生完後心態無改變 (even 得1% 可能性), 小朋友大個咗知道原來媽媽係"唔想佢存在"的…諗起都心痛 
10個讚
唔好生，會累左個小朋友。睇下老公接唔接受到，如果接受唔到就等佢安排之後條路。
2個讚
我覺得係因為一個想要一個唔想要，所以就會希望想要既付出多啲。
如果兩個都想要，心態就唔同。
係呀 就係計較明明係佢想生 點解都要我付出？如果佢一蚊都唔洗我比 我就ok
自己2邊都唔想放 又驚分開左搵唔番第二個，，所以就諗係咪可以生。。
傻啦，你以為生仔有錢就搞得掂？
懷胎十月，又嘔又盛，又多風險，一陣又怕高血糖最怕妊娠毒血。
唔好理順產定開刀，痛嘅都只有你。
生完又要時間復原，漲奶又辛苦，有陪月都咁話，你都係冇得訓
5個讚
睇完呢句可以慳返啖氣
佢都冇力爭上游嘅上進心，同埋都係好安於現狀
第時生咗出嚟都唔覺得佢會幫手湊
再加上你自己對生活質素嘅追求，生咗出嚟，大家都係喺度怨，最後都係離婚
同埋貧賤夫妻百事哀
我自己都係搵夠錢先生BB，有錢先有選擇
2個讚
以為… 但結果？
我係堅鍾意小朋友，都會一樣覺得煩、辛苦㗎，就好似好鍾意某啲嘢，都一樣有辛苦嘅跟尾，但我仲認為好值得。
1個讚
湊反而我無驚 睇佢平時點照顧我就知 應該係佢湊 我唔湊多
錢就 佢有儲錢 同埋有炒股 所以覺得夠
佢聲稱到時萬一唔夠 倒垃圾都會去做不過我唔會信
佢覺得我諗得太負面 情況未去到咁差。。
我成日同佢講貧賤夫妻百事哀 窮人唔好生仔 佢覺得我好偏激明明大把人窮過我地都生到養到