我見身邊好多女性朋友，好抗拒小朋友，唔會生B。但意外有左，個BB出世後，心態就轉左，好快就變到母愛氾濫，以前去旅行扮靚shopping已經唔重要，仲會生第二個
生仔唔係人有我有。如果要生，你地要傾清楚財政上點分配外，仲要講好照顧同教細路既責任。
我自己無生小朋友。但身邊好多做左父母既，先發現好多野係生前諗得好理想，同現實好大出入，會心力交瘁。但so far，佢地覺得有苦有樂。
2個讚
我見身邊好多女性朋友，好抗拒小朋友，唔會生B。但意外有左，個BB出世後，心態就轉左，好快就變到母愛氾濫，以前去旅行扮靚shopping已經唔重要，仲會生第二個＜＜＜＜
咪就係我個個friend都咁同我講 但係我都擔心自己會唔會就係嗰一個例外
佢哋個個都話到時生咗出嚟你就乜都唔會再計較 總會覺得好值得㖭
你都有D矛盾喎
我都係養得到而選擇唔生，世界咁痛苦做乜仲要帶多個黎受。
人地係人地，自己係自己
人地得唔等於自己得
6個讚
我都覺得做人好辛苦唔明點解要帶個bb黎受苦 但係同佢講呢啲point係冇用 佢係好樂觀正面嘅人 佢唔覺得做人係辛苦 吹漲
1個讚
係有例外都唔少添，新聞都睇到唔少PK阿媽
有少少顧慮都唔建議生，唔想/唔識/無時間教都唔好生!!
只係教功課就已經等於你自己讀多次書，仲未計生出黎係咪健全
5個讚
但睇呢2句…
你的確好計較, 不過你自己都直認左~
我其實唔係好認同, “你要生又要我幫手出錢” 其實…個BB, 同個家, 係大家有份~
生育兒女, 無得計較, 你連老公都計…
(我明既, 數一定要計, 但未必要去到禁介懷, 反而我計算既係, 究竟2個人加加埋埋夠唔夠錢去做一件事)
再講… 你根本唔想生, 又要係數口禁清
你要改變自己先有得行落去呢, 或… 如果你唔改變, 咁你老闆要改變收入 先有得諗(增加最少每月1萬)
咁如果所有野狀況不變, 無左頭家, 無左老公, 你又OKAY唔OKAY?
我唔係串你, 我真係問, 你會點取捨, 否則我諗唔到你地2個可以點行落去… 一上床行埋, 就會進入生BB話題, 係避唔到架WO~
2個讚
絕對係,湊小朋友係真心辛苦
就算有啲本身鍾意小朋友,最後都因為太辛苦,搞到婚姻/家庭出問題
更何況有啲本身就唔太鍾意小朋友,最後真係搞到個小朋友覺得自己唔應該出世…
我見過太多慘劇,所以真係建議樓主,為自己,為小朋友,唔好妥協
4個讚
你朋友講得真岩
1個讚
呢樣嘢我就係未諗得通 所以我仲掙扎緊生唔生。。 如果唔想生大過唔想冇咗佢 就要分開。。。
我知我係好變態計得咁清楚 我覺得佢嘅錢就係我嘅錢 我嘅錢就係我自己嘅錢 而且我本身已經好不滿買咗樓之後 我一年變咗得2次旅行 仲要之後我買親袋 都要自己畀錢 佢淨係資助幾千蚊 越諗我都覺得自己越變態 我真係好計較錢㗎 其實我都知自己有問題
係架，好多人都咁同我講，而我自己好多朋友都真係有咁既轉變。但我性格唔適合同小朋友相處，一聽到喊聲扭計聲就會發癲，所以唔生。
但有段時間都有試過努力下。上天要你做父母，就點都會有任何方法/情況/渠道令你有。個天安排你係呢個世界出現既目的，唔係要做父母既角色，就點都唔會比你。
所以我好佛系。我試過自然/人為方法都無，咁即係我唔係做人類父母既角色，最後原來係做毛孩父母既角色，對我來講真係最好既安排
我係相反例子
生之前覺得一係唔生，一生點都要2個
但生完，發現養1個已經唔容易
我地月入夾埋都叫有60k
但又要比錢4大，又請姐姐
又供樓又有保險
其實無乜幾多錢淨
我本身無乜打扮需要，係會間中按下摩睇下中醫，又唔好名牌
不過我好注重食材
迪迪尼有成家做晒金卡pass
平時weekend同小朋友出去吃喝玩樂都好易過千
小朋友興趣班每月5k到
所以養一個岩岩好
我只係怕越唔想有嘅人越易有 所以我唔敢試
所以你地要傾清楚先，錢銀/湊仔/教仔/生活既改變etc.要全部同佢分析利弊。可能你老公無考慮呢d野（大部分男人對呢d野頭腦簡單），以為天生天養，又或者覺得而家話乜都得，到真實情況就係兩回事。講就天下無敵，做就有心無力
1個讚
係，所以我地諗到好理想，一定要點點點，一定要得到。但最後原來係諗得太美好，諗多左。上天會比適合既野我地，包括困難/失敗
1個讚
其實我都幾同意，我人生有幾次轉捩點都係好似銘銘中安排左咁。
我老公都係比我想生小朋友，結果我都中咗。不過佢係願意付出錢同時間。所以我都佛系啦。
其實佢人工低但付出比你多喎⋯⋯
你仲計較咩？生bb 係雙方、你有為佢而生同搵笨既感覺就真係唔好生、唔好俾奢望佢、老實唔講錢、最後點都係阿媽付出多啲既
4個讚
欣賞你坦白、咁你要諗下愛你老公定物質生活多
2個讚
如果你真係咁計較錢銀嘅嘢，你真係唔好生！
其實2公婆，下下都覺得佢嘅錢即係你嘅錢，你嘅錢即係自己嘅錢的時候，萬一你老公冇咗份工要洗你嘅錢，佢就真係好慘好辛苦。
唔好意思，我只係覺得唔好睇錢太大，感情一定重要過錢。佢真係好錫你，你有啲身在福中不知福！
7個讚
有小朋友好難下下分清楚錢, 好多立雜日用品同突發使費. 小至幾十蚊紗巾大至過千蚊睇兒科醫生.