我都有呀 叫佢搵某國佳麗同佢生啦
我話你係搵我笨
生仔呢樣野一定要兩個都心甘情願，真係眠乾碎濕。同埋請工人只係外判工作，無外判到個責任，雙方都要負出好多精神。無得逼。
6個讚
湊嗰方面我就唔擔心 佢好有責任感 同埋平時都照顧得我好好 所以佢唔會唔理， 我只係擔心錢 朋友話我嫁咗個平民但係又要中產嘅生活
某程度上我自己攞嚟
3個讚
咁你慢慢諗下，見步行步啦，我就咁睇我就覺得佢唔係真心中意小朋友，只係人有佢有或者傳統思想。在我睇黎，愛小朋友除咗自己想要，都要諗自己可以俾到咩小朋友，佢又唔會為咗要小朋友而賺多啲。佢有冇諗過生左係放幾多時間湊b？真心愛小朋友都要陪伴。佢做飲食都可以諗開餐廳之類去搵多啲。
你都可以自己試吓做檢查，睇吓會唔會未必大機會有小朋友再睇下點做，佢年紀都唔細，可能係佢精子有問題生唔到都唔出奇。
如果你有信心佢包辦哂湊, 咁你接唔接受到平養 bb?
你可以自己揾錢黎過中產生活, 其實同嫁唔嫁平民無乜關係
1個讚
你講得好好呀 我真係好想佢啲精子有問題 佢係好傳統覺得要有個小朋友人生先圓滿 不過佢平時見到朋友啲細路都好恨要 同埋都真心鍾意同小朋友玩嘅 。。我有鼓勵佢去開餐廳但佢又好淆底驚蝕咗就連果筆錢都冇埋。。一直都唔敢行動。。
佢由幾時想生？
佢不嬲都想生 上年開始提出真係要生喇 早1，2個月話最遲下年一定要生喇！ 話再唔生佢都老 驚體力跟唔上個小朋友， 我一直都係拖字訣 但今次知道終於拖唔到啦
如果呢單嘢冇共識好難攪
可能佢結婚就係想生仔
1個讚
都唔好計邊個搵邊個笨
成個family月入5萬 固定支出加埋日常支出都洗左差唔多3萬
初生BB都或者可以負擔到
但到小朋友大 唔hea養又要學費又學野又補習又盛
way forward老公年紀大打散工又未必搵到21K
成個家庭既重擔去左我度 我係樓主真係唔制 唔好講笑啦
唔生就離婚 但勉強生出黎 好容易令兩公婆感情唔好
如果生完最後都係要離 到時仲多個單親既小朋友
唔鐘意就唔好生 小朋友唔係生命既裝飾品
4個讚
但到小朋友大 唔hea養又要學費又學野又補習又盛＜＜＜ 我都有計呢堆嘢畀佢睇 我話你起碼月入三萬再講啦 唉
直接講自己唔鐘意小朋友唔想生喇？離唔離婚就變成係佢諗，如果佢真係因為唔生b而同你離婚，咁佢都愛你有限？
9個讚
咁就簡單la 自己食藥咪得。。。
1個讚
生BB係要有commitment. 如果生完又唔想湊又唔鍾意,到時先離婚咪仲慘,害埋個小朋友
都係嗰句,要有共識
冇嘅話真係好難行落去
我有講 跟住過一排佢又會哎我 生一個啦一個姐。。 佢冇話要同我離婚 不過我真係唔生我都想唔想阻住佢 不如放佢走啦。。如果繼續拗 感情都會差。。
另一方面我都會諗 我哋一齊十年 係咪去到而家生仔呢一刻傾唔掂就要分開呢 佢值唔值得我去生呢 未諗通。。
我同我先生係經濟上係好鬆動 但係都未敢生
就係覺得自己未ready負做人爸媽既負任
個小朋友生左出黎係白紙 所有野都係靠我地
由佢乜都唔識 點樣教 點樣陪伴 全部都係心機 時間 同埋金錢
由佢初生到讀大學 講緊係20年既"犧牲"
有D人鐘意小朋友會覺得值得 覺得rewarding 但係呢d野無話寫包單
我覺得起碼要計一計頭幾年既時間同錢係要invest幾多
大家有個共識先可以再討論
會唔會一齊餵夜奶 換片 生左邊個睇住 請唔請姐姐
返學去邊度返 學唔學野 etc
Otherwise是但生出黎是但教 小朋友第時會好辛苦 (由其是係香港)
大個又怨返兩老就無謂啦
3個讚
一直食緊 用套一陣佢吉穿咪死
2個讚
唔關做廚事，係個人嘅上進心責任心
我老公之前做到 head chef
都會不停搵 part time，送外賣都做埋
個人有料唔怕唔穩定，永遠工接工
老細加佢人工都一加加 $5000
佢話要轉行再搵多啲第時自己開餐廳
從來佢工作上冇令我擔心過
飲食其實大把工，只有佢呻搵唔到人
不過當個男人咁勤力嘅時候
時間係一定少咗，唔好期望佢幫到太多
到時咪又係你，冇心點湊呀唔好搞
8個讚
可能你先生就係覺得你都唔係100%唔想 所以係咁想令你動搖
大家都要個理性討論 講你真實既諗法比佢聽 比條數佢睇 講你擔心既野 你點解唔想
難聽d講句 唔生最多係自己後悔 生左就後悔都太遲
1個讚
我嗰件一啲都冇上進心因為佢屋企完全唔使佢擔心 少爺仔出身 成世都未辛苦過 。。但係佢有責任心 照顧屋企煮飯做家務佢都會做 照顧得我好好
我就調返轉 屋企本身小康 跟住到欠債破產 辛苦咗好多年 所以我好擔心錢。。