前題 ：我麻麻小朋友 覺得好煩 同唔想洗錢，但我老公好鍾意 必定要生最少一個
終於黎到催我生仔既deadline 老公話最遲下年一定要生
講講背景 我33 老公38
月入我27k 老公23k
供樓 管理貴 保險 21k （佢比13k 我比8k）
我要比家用3k
佢自己＋我地吃喝玩樂 5k ＞佢比
計完條數我就覺得佢搵我笨 你要生又要我幫手出錢？問題係我好唔想生 覺得佢搞著我 而且我覺得你想生應該你負責晒所有費用 但連請姐姐既錢都未夠比。。
但如果加埋我份糧就緊係無問題 但我覺得咁對我好唔公平（ 佢唔會咁覺得 佢認為大家係一個家庭 唔應該計較咁多）。。 但我份人好計較錢 同埋平時都係享樂型 好驚生左乜都無晒 無錢旅行 facial 扮靚。。係應該話禁下計數機都知無。。
因為生仔問題 自己煩左成個月 都諗唔通 甚至諗到係咪要同佢離婚？離婚我又會過得更好嗎？但其實我老公平時又對我好好 佢想生bb亦都無錯。。佢成日都話佢d朋友個個都搵少過我地都生到 甚至2個 我地點會養唔到？係呀 因為人哋老婆唔使去旅行 扮靚 買袋，人地老婆比晒成份糧出黎都得
有時覺得自己係咪好變態？同另一半都可以計得咁足？但我淨係睇到生b對我百害而無一利。。我係咪太偏激了？
但唔生 就要分開啦。。
2個讚
唔想生就唔好生，兩個想都要面對好多問題，何況你根本唔想。
14個讚
佢無錢但好鐘意，好似好難講得過喎，佢咁鐘意會唔會叫佢真係行動上搵多啲？
生仔黎講女人一定係付出多啲(肉體/時間/事業)，佢連錢都唔負出多啲講唔過。
不過你都要諗下，如果真係唔生佢要離婚，你接唔接受到？同如果唔生，應該會成日為呢樣野嘈。
其實乜都唔使計
男人條數點計都係紙上談兵
想像很美好，現實很殘酷
身體係你，唔想生就真係唔好生
媽咪未 ready 只會係悲劇
但預咗佢堅持的話就行唔到落去
勉強遷就都只會老來埋怨
大家想要嘅唔同
係。。一齊左10年 以前冇諗過自己咁唔想生 亦都冇諗過佢堅持要生 大家都以為可以改變到大家
佢冇學歷做飲食業 人工搵極都係咁上下 我有叫佢搵part time 佢就話唔通一日做足24個鐘？？？
當時結婚應該係為咗愛 咁暫時結咗五年佢都對我好好嘅
咁真係唔應該生，呢行唔穩定，生完一陣間份工有咩問題咁點，同有左小朋友一定開支更大。
佢呢個人工，諗退休都要儲好多錢啦，佢真係負擔到小朋友？生小朋友又係為咗咩呢？
如果扮生唔到，咁佢都係會選擇離婚？
1個讚
所以我先放唔低 係咪真係要為咗生bb呢樣嘢而離婚 …
真係要好好考慮清楚，如果你真係唔中意湊小朋友，就唔好生
懷孕嘅過程媽媽已經要經歷好多艱辛，懷孕後對身材、身體都會留低痕跡
湊小朋友係一件好困身、要全情投入、一生一世嘅事
如果女方唔係真心想生，呢啲所有過程都會變成痛苦
6個讚
可唔可以話你計左生小朋友要50萬（for example, 銀碼自己計)，叫佢儲咗呢筆錢先。
講真，佢呢個年紀，呢個事業，再搵其他人都未必肯同佢生，某啲佳麗另計，但小朋友會辛苦。
2個讚
如果咁真係唔好生… 呢個組合真係睇唔到出路, 如果你老公話佢會進修, 甚至學廚, 都叫有一線希望…
你老公人工唔高都唔緊要, 最大件事係工時長… 第時阿 b 邊個湊? 叫佢夜晚幫下手可能會話 “返足成日工返黎仲要湊B?”
5個讚
佢做呢行好唔穩定 所以佢都有儲錢 佢覺得可以頂到呢啲唔穩定 佢覺得我諗得太差。。 同埋6299果邊有 所以佢唔擔心老左會點 係要捱呢十年8年。。
其實我真係有諗過扮生唔到
佢話生唔到唔緊要但唔可以唔試就唔生