無論別人承諾過什麼, bb出世後你唔照顧教育都係你不負責任.
嗰個係你子女. 未有bb前你可以堅決唔生.
但因為別人鼓吹你生, 又對你承諾什麼什麼, 你就唯有生, 係極度幼稚.
再者, 其他人承諾什麼都係冇用. 最後一個二個冇左件事唔出錢唔幫手, 你真係唔理唔湊唔出錢請工人, 由個bb餓死?
12個讚
經過一晚 又再睇多次大家畀我嘅意見
我知道答案顯而易見
我會好好再搵佢傾一次 如果傾唔掂就放過大家啦。。
就係我做唔出。。所以先諗咁耐
如果我做得出 是但生左掉比佢哋唔理咪得
我成日覺得 佢今日愛我唔代表聽日都愛我
所以無承諾可以相信
我以前無返工, 老公俾家用我.
而家有返工, 我老公出多啲(所有水電煤上網手機、供樓、屋企大維修(過萬嗰種),週末出街食放題. 我無再收佢家用.
我負責以前係俾幼稚園學費, 買餸, 日用品, 小朋友娛樂, 仲有啲電器壞咗我去買, 搵人嚟洗冷氣…連去其他小朋友生日會買禮物都要錢, 試過一個月有三個生日會, 無奈只可以去一個.
而家小朋友大咗, 開支只有越來越大, 因為佢哋啲要求都大咗.
2個讚
樓主就算老公有錢其實都唔應該生bb, 根本唔係鐘意小朋友。我有朋友老公有錢但自己好憎細路，冇耐性，我見佢仔都覺得慘，冇家庭溫暖可言。小朋友係活生生既人黎，要俾錢俾愛心俾時間佢，你就算養寵物都要陪佢喇，bb就更加喇，唔鐘意真係唔好生黎害佢。
9個讚
咁你老公同唔同意佢無呢個能力? 佢有無實質 planning 去揾多啲錢? 由而家開始叫佢每個月 keep 起個數預第時 bb 洗費?
如果只 concern 錢呢個問題, 係易攪啲, 因為量化到…
好多女人年輕都愛打扮享受, 但有bb後就盡力兼顧打扮同湊仔. 到佢上小學一齊去旅行又好容易.
其實你而家未明白有小朋友的幸福. 我做媽媽前都無法想像那是什麼, 只想自己可以成世著靚食好去旅行. 但小朋友一路長大你會體會到世上的另一種幸福快樂.
4個讚
同埋我覺得年代真係唔同左… 睇到你講生日會, 我都有同感… 因為我今個月都 join 左3個生日會 
以前生日會可能講緊去人地屋企, 而家講緊係包個 playroom + 攝影師, 我話去 join 都唔好意思買份 cheap 野…
仲有平時出去公園玩下咁, share 下零食, 好多都會拎日本 bb 零食出黎…
1個讚
其實我知道自己有好多問題
本身份人好介意錢 亦好偏激 亦都因為原生家庭 不斷負債還債 好多問題 間接我今日變成咁 一提錢就驚
我認為我先生撇除搵錢唔夠多 係好值得為佢生 我亦都知道自己有好多問題未解決 所以其實我上星期都開始咗去睇心理醫生 本身早幾年我都有焦慮抑鬱症 就係因為佢突然堅持要買樓 我覺得壓力好大 所以就爆發咗出嚟
但喺呢段時間入面 其實佢都好照顧我 對我好好 喺患病嘅期間先會睇得清楚邊個係真係對你好 所以我覺得自己咁唔想生仔呢樣嘢 有機會係情緒衍生出嚟 因為我好多好多嘢諗 我全部諗嘅嘢都係負面
我自己諗。。如果我可以改好自己對事情嘅看法 對錢嘅看法 我相信我可以有轉變 所以我都希望努力去試下先 呢樣係我最後可以做嘅嘢 但我都唔知結局會係點。。。
1個讚
可能因為之前原生家庭問題令你要錢先有安全感, 其實你唔洗咁自責, 你又唔係去偷去搶, 只係想將自己揾返黎既錢分配去令自己快樂既地方, 係好正常既事 
你揾到 root cause 去揾專業人士幫忙係好好, 希望向住呢個方向, 可以令你之後生活愉快啲 
2個讚
但返而係咁，你應該一定要好返先可以生喎，你情緒唔好，係會遺傳同影響小朋友。佢對你好唔代表你要以生仔報答佢。
我開頭覺得如果係錢問題，咁用錢搭救。但如果身體有事同咁多問題一齊，唔應該生。
2個讚
我上年11月停左藥 叫好返？
佢知道情緒病好返後都最好等一年先生 所以叫我下年生我覺得我好返8成左右 總有d時候都係心慌慌 同埋比較負面
我冇幫小朋友搞過大型生日會. 雖然佢讀IS, 所有同學家境都好好, 但根本冇人care你搞唔搞生日會. 搞唔搞純個人喜好.
1個讚
佢咪淨係得個講字 話我睇唔到唔代表佢無努力 我估佢係講緊炒股同埋話 佢會諗方法 唔洗我擔心 但其實佢份人不嬲都無上進心 所以我都聽左就算 變相係我不停左計右計好擔心
其實佢有儲錢 佢而家夠錢比我去私家生同請陪月 6299果邊就話左可以比 2,30萬既（ 放心佢哋一定會比 唔係吹 因為錫到個仔lon 呀仔話乜都係好） 但我娘家就support唔到我 不過我媽咪可以幫我湊 其實我老公話情況冇我想像中咁差嘅 呢幾年點都會捱得過 但我會好擔心將來囉。。。。
1個讚
其實情緒病係會有基因遺傳嘅
你本身已經唔想生,你想像吓生咗個小朋友,係會有頗大機會同你一樣有情緒病…
我都唔想諗落去
不如你自己開開心心過算啦
所以我一直都認為生小朋友係帶佢呢受苦 特別係我生 我真係好適合單身
叫佢實實在在每個月 / 每半年入錢比你黎證明佢真係有賺
你要計啲控制唔到既野, 係會令到個人好 stress
點解只係要捱呢幾年? 個 bb 係私家出左世, 請埋陪月就唔洗用錢? 定你老公預計佢人工會有大幅增長? 講真如果接受到窮養係可以洗好少錢, 要睇下自己點諗…
我意思唔係因為同學攪大型生日會我有壓力要攪生日會。我意思係我去 join 都要買份體面既禮物, 呢啲都係養 b 既支出
可能你會話 “有壓力黎咪唔好去囉”, 我認同既, 不過就算我買呢份禮物無經濟壓力, 都係一個突如其來既支出 
(Sorry 其實我都係慳妹黎 )
4個讚
樓主，以目前黎講，你真係唔好生小朋友，其實你都唔適合做媽媽。
你既問題其實唔係錢，而係你既心態。現實d 講，一個小朋友，真係困你一世既，生完，真係會冇咗好多自我，而你性格似乎都比較自我，所以如果生咗B, 你會好痛苦。
又咁講，如果另一半因為冇生B 而同埋怨你或同你離婚，咁其實佢都唔係你既right man.
12個讚
炒股要小心，太多case一鋪清袋