我老公係我每次發完癲就會改一改，其實好攰….點解我好聲好氣時當我無到，係要激到我核爆先黎知嚴重性…….
但係好變態嘅係，佢會改，改10-20%，咁我又心存僥倖咁希望發顛後佢會改到少少….變相令我脾氣更差……
唉，唔知你明唔明我講乜，總之想講，男人改到又如何….當初應該搵個價值觀相同嘅人會開心好多….
2個讚
佢哋平時咁錫你同個仔，如果佢知道個仔見到爸爸唔join佢哋旅行，佢會唔會好失望？
我唔想鬧交
但我覺得其實所謂最好嘅解決方法係讓步妥協
但我冇能力令佢明白我點解咁失望
可以退讓，但呢刻我會諗退讓到邊個位？自由我唔係冇比？點解朋友一問佢就可以轉？我係咪咁唔值得個老公以自己為先？
我明呢傢失望加嬲自己會轉牛角尖
咁呢啲失望日積月累，我諗我去到小朋友大個咗可以獨立嘅時候，我就會離開佢
其實兩個小朋友好易話為，
有得食有得玩係ok 嘅
只係一嚟轉完其實佢都係走去join朋友
而我又覺得佢話轉就轉所以失望
我明樓主。個老公已經為自己開心去/將會去三個trip,相對每年一次嘅family trip,都要將七、八日嘅假其中六日比左朋友。咁究竟family trip嘅定義係咩？
13個讚
唔好俾佢覺得你可以自己一個人湊兩個去旅行
或者小朋友見唔到佢喺度都仲會開心繼續
一係全家齊齊整整，一係就唔好去
咁佢OK嗎？
真係再同佢傾吓，係咪其實佢覺得你可以一個人搞掂，所以佢先至覺得join朋友冇問題
Yes 你已經好理性好包容
但每樣嘢都有原因，佢可以覺得同朋友去，然後老婆湊住小朋友去，到底點解佢覺得呢個方法可行？
真係要問吓佢點解…
我最怕係佢不嬲都覺得你係女強人，佢喺呢個家庭上面其實都幫唔到啲咩手，咁不如自己同朋友去
都有可能
因為肺炎前我都自己單拖帶小朋友去旅行
都試過佢遲join / 早退
咁我覺得呢個就係個問題嘅癥結
佢真心覺得各有各去係最理性嘅方法
佢完全忽視左老婆仔女喺情感上面嘅需要
你真係要俾返佢覺得其實你係搞唔掂兩個小朋友嘅
兩個小朋友都好需要佢喺度
所以其實佢唔係真係話轉就轉朋友最重要
而係佢太信任你搞得掂，而登富士山又真係一年一次好吸引。 (我唔係話佢啱，我只係講緊佢諗乜)
我覺得你老公應該係覺得你好叻, 平時我返工, 你都攪得掂自己同小朋友,太太好叻, 可以攪掂D野,
唔係你老公無以你為先, 而係太太好勁, 可以自己處理到好多唔同既事,佢可以好安心交野比你
(由佢個句, 你同小朋友3個可以去金澤玩, 佢好放心, 亦信任你)
同埋舊同學… 舊同學真係… 同自己一齊成長左5,6年, 讀書, 打波, 打機呢D時光, 係男人既人生戰績
大左無幾多機會一齊去旅行, 去出玩, 而家有呢個機會, 所以佢會一口答應
同屋企人去旅行, 真係幾時都有,
但同舊同學去, 呢個機會唔係年年有, 理解, 不過可以再傾下
大家點樣先攞到個平衡, 大家都開心
1個讚
你地今朝先係第一次傾喱個改動? 咁可能都係朋友提出, 佢就諗住同你傾下, 無諗過你咁大反應. 可能今晚就會有其他諗法.
行富士山, 搭車+行要搞48小時, 之後實攰到陪唔倒小朋友.
如果最後都係決定東京大阪一齊去, 建議去左大阪先, 成家人玩幾日, 跟住佢去東京join朋友行山, 你同小朋友玩多兩日/早d返香港. 咁唔洗小朋友搭長途車, 可以一家人玩, 佢又行到富士山, 佢之後自己同朋友慢慢recover.
佢自己會辛苦d, 無辦法, 又想同朋友玩, 又想陪屋企人.
(我都同朋友行過富士山, 明白係好難得ge體驗, 因為好可能一生人只會行一次.)
富士山最遲九月頭都仲有得行. 或者佢地暑假後先去囉.
我。。。接受唔到。。。。。直頭係無將家庭放響心
5個讚
呢種咪就係 典型男人嘅愚蠢做法，如果用婆媳關係做比喻，即係一餐飯同時請老婆+阿媽食，一次搞掂兩個女人，快夾爽。但事實就係每兩邊都唔開心，覺得不被重視，覺得個男人hea。
1個讚
我都覺
俾著係我我會嬲，家人唔及佢d 朋友重要咩？都係一年一次family trip，點解要同朋友瓜分時間？咁想見咪佢地第日再約囉，有冇咁緊要要今次即刻鬧哂交都要去。
5個讚
真係睇到透晒
點顛都好，最尾咩又係要執尾
1個讚
行富士山登頂，發爛
我覺得無得讓
只有2條路
1）回歸真正family trip。無其他option
2) 你地3母子自己去， 但以後唔需要再提及任何family trip ，連香港郊遊都唔會再有
家庭對我好重要，我真係接受唔到 咩佢去6日同朋友玩完走先。。。。wtf… 我睇到你寫已經好嬲
5個讚
比我都嬲啦
Plan好哂，book哂先黎改，仲要老奉
明明係family trip變固執
我諗佢一早講，樓主唔會咁嬲囉
仲有，小朋友嘅行程都係每個細路各一個姐，咩冇諗老公，佢自己都可以提出，但冇理由而家一野推翻哂所有野去就佢見朋友囉
樓主都俾老公同朋友自己去玩去旅行，我唔覺得係樓主問題
而家分開去大阪同一齊去東京都冇乜分別，我會揀分開去，仲要老公賠多一個family trip俾我同小朋友
大家的忍耐力很高。
我已經爆左佢，已經去左幾個trip 都係同朋友去。難得暑假可以成家去旅行都話同朋友去，你地跟就跟，吾跟就算，仲吾火！即係由頭到尾都唔想同老婆仔女去啦！
3個讚
其實唔係，比著我一定會發癲爆喊扮晒都唔知點算呀好驚呀點搞呀
但純粹係因為我知我老公受呢招。
至於樓主老公 ，我覺得佢似係好理智咁覺得樓主搞得點，富士山一年得一次，咁呢個係最好辦法，佢完全唔明咁樣有咩問題。佢忽略咗家人情感上嘅需要，佢真心唔明白。男人嘅嘢你講唔明白佢，佢一路都以為你只係晦氣說話發脾氣，企得更硬。
所以一面倒咁鬧佢老公都冇用，唔通真係要有條刺然後離婚先最開心。
我淨係祝福樓主可以同到老公溝通到，老公可以睇到究竟個問題係邊，兩個可以過到呢一關。