唔明點解大家咁講
座山唔會走，你鍾意年年爬都得
仔女老婆可以話變就變，今年搞爛左，下年唔同你去旅行lu
8個讚
我反而覺得最嬲唔係富士山，而係佢話之前已經自己去完泰國，又去英國，跟住又話嚟緊要去布吉，我接受唔到個老公可以掉低老婆仔女，一年自己去幾次旅行
4個讚
一句：你老公自私
好簡單啫，比佢去，下次到你同自己朋友去旅行，佢一湊二留港或者帶埋去旅行，佢ok你咪由佢囉
永遠記住：男人一定要等佢做你做緊嘅嘢先會知死，所以我所有嘢200%對等，你做乜我做乜
Sorry未爬文，只係睇樓主第一個post
佢去完東京自己走先，你再一拖二留日本
唔係掛，佢唔會擔心你哋安全嘅咩
學樓上咁講你哋一家人去關西先，送你哋走佢再stay behind 東京join朋友得唔得
接受到，每人都有私人空間，結咗婚唔代表唔可以自己去旅行
不過條件係個女人都可以咁而個老公ok
X2，直頭好似無家室咁！
我都覺乜大家咁冷靜嘅？
比著我，可能直接問佢：嘩？乜你有咁大班唔使顧屋企人嘅朋友嘅？邊度識返黎架？我都想擴闊眼界呀
通常老婆唔嬲就會做
老婆嬲，唔比第一次，就無下次
隔一排再傾，冇嘢係解決唔到
其實男人講得出聲，就算問你都好，佢都係「通知」你，根本就想去，咁叻知道有問題嘅就直接推咗人。好老實講，如果樓主老公今次聽老婆話，但成個行程嬲爆爆、唔開心、心不在焉，都係難頂。
我諗我會嬲到打佢囉，樓主好EQ，不過對住男人唔洗咁忍喎。
我睇晒樓主既replies
咁首先我非常明白點解樓主咁 upset, 明明一家人去trip, 家下話一齊去但又分開幾日同朋友玩，再join 一兩日又話返香港先
玩咩，不如一係佢自己同friends 去，一係一家trip 冇得「兩全其美」
但今次trip 我覺得唔應該樓主退讓因為啊爸爸都自己去咗幾個trips, 今次暑假應該陪吓老婆仔女啦
深層次D就係樓主upset 自己唔係priority 咁
一段關係時間長咗就會有所改變，而改變是常態
身為過來人 都想勸吓樓主睇開D D
夫妻關係就係咁; 有時你愛佢多D有時佢愛你多D，又可能已經"昇華"變咗家人既感情
我覺得anytime 都有互相尊重同愛護就最重要，細節既嘢就唔好睇得太重要
例如樓主話平時老公都係一個好爸爸，樣樣嘢有商有量而今次唔係啊同學既誘惑 根本就係一個happy family trip，所以呢一點（自己唔係priority）就唔好太執著，嬲一陣就算 唔駛諗得太深入
咁你又太激動
如果係我，我都唔會接受到
一定會同佢嘈餐勁嘅
與其要我咁樣去，我會寧願唔去
哈哈, 俾我唔出手都會日日單打到佢燥, 一直怨到去完個trip返來。想像下樓主老公一個人行緊富士山然後樓主自己一打二, 諗起都攰。
而家咁樣比著我會決定唔去, 同佢講路途遠我真係
攪唔掂. 跟住就唔啋佢, 星期六日全日就掉底兩個
小朋友比佢睇, 自己去搵朋友玩又好, book 酒店同
朋友開 party stayscation 等佢自己湊小朋友.
1個讚
非常好，我都一定會玩嘢，最重要比佢湊返小朋友，佢要幾多自由比佢，前提係你都要攞返咁多自由
1個讚
係呀，所以其實我唔係話叫樓主忍，係樓主本身已經爆左老公啦，之後要處理嘅係個trip點。俾著我又唔會想因為咁就唔去旅行。講真要知樓主性格係點先知點解決。如果兩個都硬碰硬，係咁嘈/發顛/打都無咩意思。
1個讚
要佢咁叻知道有問題，點都要俾人話過第一次先知
係呀，旁觀者可以點講點鬧真係好容易
但樓主聽完之後又會唔會真係開心咗？
尤其樓主都有講，老公本身都好錫佢哋好顧家，出呢個post嘅原因係想搵個男會員講吓點樣溝通到，其實係好理性，唔係想人哋一齊鬧佢老公
所以我覺得今次搵到大家諗法，其實真係可以解決，大家一齊開心去旅行
同埋唔好執著老公自私呀嗰啲原因而鑽左牛角尖，咁就真係會有條刺以後都返唔到轉頭