一早計劃咗暑假去旅行
一家四口去關西，大仔想去環球影城，細女話想去福井睇恐龍博物館。
本身諗住大阪三四日，京都三四日，再慢慢上福井。
日期度好晒，我連酒店都決定好，就差老公confirm埋大假就訂機票。
今朝食老餐果陣老公講：
話有幾個舊同學約佢去行富士山，佢話不如東京入大阪走。
我話下咁機票假錢差好遠，東京去福井距離好遠，唔講車錢，點解要小朋友舟車勞頓咁辛苦。
跟住講講下，佢話其實東京仲啱小朋友去玩。
仲話諗咗頭六日去東京，之後佢同朋友返香港，我自己帶兩個再福井同關西。
我聽到果一下當堂著晒火，我話頭六日東京，你同朋友去富士山咁我同小朋友跟埋？（答你地咪喺湖口玩），我話比到盡咪最多一日留東京，即刻成個旅程一家四口嘅時間只係得一日？之後我自己山長水遠同兩個小朋友去福井（仲有山長水遠回程）？我自己要拎晒行李同睇實兩隻野喎？（一個升小六同一個升小一）
跟住佢話：反正你都唔駛返工，去多一兩星期有乜所謂，咪中間點都可以住幾日，金澤都可以Hea多兩日……
我話咁不如一係我地分開去，一係我哋另外揾日子成家一齊去關西，我唔想咁辛苦，今次我又唔想去河口湖。
佢返工前仲喺度講都唔明你執著啲乜，東京冇野啱玩咩？講講下又話邊度都唔去。
我嬲到冇聲出，冇再同佢講野。
今晚諗住同兩個小朋友去家姐屋企飯先返屋企，唔想對佢咁耐。
呢度，有冇男會員教下我可以點樣同佢溝通。我唔想鬧交。
其實喺佢眼中個老婆係咪噤唔重要
人地約佢，佢答返：「我要陪老婆同仔女去旅行」有幾難？
佢自己同朋友去玩我從來冇say no
17個讚
我唔係男會員，不過由你講個啲，我覺得你去旅行既目的係想一家人一齊玩，好照顧仔女想去既地方，但你老公好似只係join個trip，佢無個種想一家人玩既諗法。
佢好似比較想同舊同學玩。咁佢當然係唔啱，但佢本身係咪好小時間可以同朋友玩個啲？同埋本身佢鐘唔鐘意family time? 因為我見你plan行程都好似只係睇小朋友鐘唔鐘意，可能你老公難得有假，都唔會剩係想去小朋友like個啲恐龍同usj。
我覺得如果有budget 有時間，都真係可以一人退一步，傾下個行程。
你老公可以唔洗咁多日同朋友，你小朋友又可以cut小小行程。去旅行都係為左開心，無謂嘈交。同埋可以揀包車遊/自駕遊會無咁辛苦。
1個讚
絕對唔係
佢啱啱同朋友去完泰國玩左幾日
五月個自己去英國揾朋友
十月會去布吉，都係揾朋友
只可以講，冇幾可有朋友約佢去富士山
我仲問佢係富山定富士山
佢話有同朋友講去福井、朋友話咪又係日本，有幾遠。
2個都好火，冷靜下先
remind 下爸爸小朋友今次旅程一早期待去關西既spots, 而唔係去東京，東京都無佢地想睇既野。
如果想成家人就爸爸一個，爸爸係咪可以諗到一個2全其美既plan? 一家去東京，fit 晒爸爸同仔女行程既plan? 記得叫佢諗，唔好你拎上身執手尾！
如果佢offer 唔到，又明顯唔想湊b要自己去，其實有錢都無話辛苦既。你咩去邊都的士lor, 住晒靚酒店有bell boy 幫你拎行李去取代爸爸既位置lor. 佢唔去既話，記得拎多d budget 唔好辛苦自己！
1個讚
好明顯唔係爸爸心態，係一個未結婚既後生仔心態
我未有小朋友之前都係一年4個trip, 呢家去旅行都要就小朋友，唔係好似佢咁free like a bird
15個讚
佢未至於係唔想睇小朋友
但佢只想一次過搞掂同朋友加一家人嘅行程
因為七八月佢多同事拎假，唔拎得多
咁咩叫佢諗新行程lor, 最緊要叫佢自己親口同小朋友交代點解轉左去東京呀，佢地既情緒你唔包呀
3個讚
但佢已經去咗咁多個朋友trip，我覺得你可以冷靜下再同佢講想有family time，今次陪你哋先，如果佢錫仔女既，仔女可以嗲佢話佢哋真係好想爸爸陪。
佢做爸爸係屋企嘅，乜都會幫手
平時佢想同朋友玩都都會配合
但係咪喺男人眼中無論點遷就都唔夠？
正如樓上會覺得我行程主要諗小朋友冇諗大人
因為大人景點會悶，同唔到小朋友去
如果其中一日係我帶小朋友去海遊館，佢去睇自己野再之後會合食晚我當然冇問題
我只有種以地事秦嘅感覺
我諗住過兩日先再講
又或者佢會當冇件事唔再提呢件事
我只係覺得身為女人，比果種「不被重視」嘅感覺hurt咗
即係咁，如果我有朋友約我去北海道避暑， 我叫唔陪我去一個星期，佢自己單挑小朋友去東京佢係咪都ok？
其實睇番，佢一年幾個trip都係探朋友/同朋友去。
一早講明咗係family trip，小朋友又講咗想去邊玩。同朋友去少一個trip會死架？同朋友講「我同老婆仔女玩呀，下次先」好難架？
樓主都唔係唔比佢去，只係一早講好去邊，叫佢就吓老婆仔女一次咋喎。
8個讚
唔冷靜應該今朝嘈咗
我好努力唔想鑽牛角尖
但諗唔到原因唔去嬲
有d唔一樣。如果佢係搵錢你係ftm, 應該唔可以咁樣propose, 始終佢係搵錢個個
但如果你2個都搵錢，屋企地位比較對等，你可以試下，睇佢點講
我咁樣諗意思唔係話你唔啱，但係嘈交一定唔會係只有一方面啱哂。
我自己無小朋友，但我覺得一家人最好就balance下大家都有大家有興趣既行程。例如我同老公，都無理由要佢成個trip陪我行街。
我當然都會明你想一家人陪下小朋友。但就哂小朋友又唔係個個接受。同你小朋友都唔係話超級細，唔可以俾佢覺得大人就哂佢，小小悶既景點都接受唔到？
2個讚
我係全職媽媽
但我唔認為拎佢錢就係地位唔對等
（當然你可以話冇一個男人咁諗）
萬一有咩事，我絕對有能力同小朋友離開呢個家一蚊都唔要。
我退讓係因為尊重大家
唔想下下都鬧
25個讚
其實最好去2個trips，佢去左family trip 再去自己trip lor, 而唔係夾硬合2為一
如果無假，就問佢屋企緊要定朋友緊要lor, 鬼叫佢既貪玩又無假咩
但點講都唔係由你去接收以上轉變帶來既情緒同手尾lor
我無咁既意思，純粹係個男人絕係上黎話［刪］水喉，大家一拍兩散邊度都唔去，就好無癮。
當然，你可以話我仲有錢可以請一家人去，但個意義已唔同晒。
就算我係揾錢果個，都唔會咁propose
我自己都覺得如果係咁我自己同小朋友自己去係最好安排