疫情後我帶左小朋友去左2次旅行,發覺以上呢個concept 要educate 小朋友,否則佢地真係take it for granted.
至於小朋友vs大人行程都需要balance, 又要睇小朋友幾細幾痴身,turn out 你要從一個family trip 脫隊,都要狠下心先得。而如果只有父母帶仔女無人靠,更加難離開lor…
疫情後我帶左小朋友去左2次旅行,發覺以上呢個concept 要educate 小朋友,否則佢地真係take it for granted.
至於小朋友vs大人行程都需要balance, 又要睇小朋友幾細幾痴身,turn out 你要從一個family trip 脫隊,都要狠下心先得。而如果只有父母帶仔女無人靠,更加難離開lor…
與其係話小朋友接受唔到
我會覺得有啲情況大人都享受唔到
例如去唐招提寺,我自己可以慢慢行半日
唔食飯都得
例如我同大b自己去過美秀
小朋友合作同冇扭計,但期間會有問題問,我要答,要定時定候食嘢去洗手間
咁相比帶埋佢,我會鍾意自己去呢類「大人」景點
鍾意嘅地方可以睇耐啲
睇唔夠自己調整行程睇多日又得
係咁架啦,同小朋友去vs同自己去好唔一樣架。。。
我就係失望喺呢個位
係咪男人角度係我揾錢養家,返嚟做好曬一個爸爸要做嘅嘢,你呢傢咁少事唔開心啲乜?
而我個角度係自問比足自由度,係咪一年去一次成家人嘅旅行,朋友約一句就可以老婆同仔女攞埋一邊,夾咗朋友先要老婆仔女去就?
其實小朋友就易講得掂嘅,有得食有得玩就好易話為,係我自己情緒失控想揾人傾下。
你有無信心自己帶兩個小朋友去?兩個都係女?去洗手間點安排?
我自己同小朋友去冇問題,都有經驗,
洗手間都好少事,
係要諗定萬一病咗要點安排。
所以我聽到佢話「東京去福井好小事」我好著火、因為就佢同朋友玩而要舟車勞頓,而佢係唔打算參與。
exactly
我覺得既然係family trip,咁就應該一家人一齊傾行程,每個家人都應該有自己鍾意既景點,我屋企小朋友比樓主小朋友仲細,但我地都係一齊睇旅遊書,小朋友要接受去大人悶景點(當然大人景點一定無大人自己去咁爽),我成日同佢地講我地去小朋友景點都覺得悶架,但我地都會陪你去,你地都要陪我地去。
難得嘅假期,咪一家人傾下點樣可以個個都開心。
行程係本身係大家一齊傾,環球影城佢自己好想去,本身會去奈良,我冇興趣,但佢話未睇過鹿想睇都加咗,酒店都係同埋佢一齊簡傢
只係之後有朋友約佢,佢就覺得想去東京。
咁佢其實係肯聽你哋講個種,定一意孤行?
我覺得佢一定係唔啱,但只係諗吓點做個結果大家開心啲。
如果嘈完,佢知你哋感受肯陪你哋既,咁就由佢,嘈下當講感受。然後又扮貼心咁都安排一兩日同佢朋友,大家win win。
但如果佢係唔會理嘈交,照話要同朋友,咁你咁激氣都無用,不如就用多啲budget安排到你唔會咁辛苦。
不過好明顯睇到你老公唔太involve親子,會唔會之後再係呢方面諗原因等佢投入啲。佢啲朋友無小朋友?
唔知今晚返嚟佢會唔會再講
或者唔提當冇件事
我嬲嘅位只係覺得佢格硬要我同仔女夾佢同朋友嘅行程,我退讓話分開去佢個口又話唔想。
我衰啲咁諗,佢可能怕奶奶同姑奶話佢暑假自己去玩都唔陪老婆仔女,因為姑奶有出過聲話佢自己成日去玩。(當然我以前自己去玩佢都有比個說話聽,不過我冇理。)
呢個case如果要win win, 分分鐘爸爸係同機去,一落機就搭新幹線往自由飛奔,留低樓主偽單親,到老公happy完返黎會合為止,個下分分鐘係機場再見。
連佢屋企人都出聲覺得佢有問題。。。
唔知應該點表達
如果唔係朋友約
佢會enjoy呢個旅程,會幫手睇小朋友玩得好開心,會話唔好怕貴book近啲車站酒店唔駛行得咁辛苦
我有時有野做都都會自己同小朋友出去
唔係乜都唔理嘅爸爸
只係呢個位,大家一早約好一齊去,佢話朋友約就轉咗地點,重要係佢同朋友玩果幾日,我係自己同小朋友玩(因為佢同朋友話要行啲唔啱小朋友行嘅山,可能有一至兩晚係同朋友過夜。)。
今朝我問佢詳細點玩,佢又話個朋友未plan好,淨係講富士山。
咁會唔會係其實佢想去東京多啲?
我最嬲係,佢飛奔自由之後係自己返香港。
而佢飛奔果幾日好大機會有一半以上自己搞掂,咁點解仲要就佢咁辛苦。
又一次証明跟熟人去旅行好容易爭吵反面
去旅行係一件好個人化既喜好, 好難跟人夾.
朋友呢傢約佢,佢就即刻想去東京。
姐係排同朋友玩高過親子,有啲貪玩諗自己多啲咁?我都有小小明佢既,但真係睇佢最尾知你嬲既時候點決擇。
下,唔會掛,你講到平日佢都願意湊,唔係應該自己happy完趕黎幫你頂既咩
除非佢玩得仲耐過你地啦,咁就自己返香港jie