但我話咁不如分開去，佢又覺得我發悔氣
（當然我唔多唔少都有）
如果要鬧交，我都可以即刻話佢你約完話唔去就唔去，我發一兩句悔氣都唔得？
呢傢冷靜返少少，我都覺得行程更改做東京冇話唔得。
都係果句，朋友話約佢就轉，失望遮。做女人我會想老公事事以自己為先。（當然呢樣太理想化）
同埋睇你願意放生佢幾多
係咪平日多機會放飛自我，所以覺得今次都過到骨
衰冇假期
有假有$每月去玩可以
（你老公覺得）富士山一年一次機會，福井USJ 東京少啲時間限制
唔係，佢諗住旅程頭六日係東京加富士山，仲要有幾日係同朋友喎，之後佢返香港，我同小朋友留低「想點玩，玩幾耐都得。」
所以就係地位重唔重要問題，
呢個一家四口旅行，都係今年先去一次。
你個感覺係佢唔重視 family trip
佢個感覺係你個trip唔重視佢
我爸媽細個帶我哋去旅行，佢哋會care左對方想去邊先，然後可能有半日係啱細路仔就算
所以d family trip 好開心。
我自己有細路，佢大個我都會咁做。
不如你同你老公再好好傾下，話大家一齊重新再plan過個 trip
你問佢如果淨係我地成家唔 involve 其他人，襯細路仲肯痴我地玩嗰陣影多d相，咁佢想去邊，你又講返你想去邊
我覺得你有能力同佢傾到佢今次淨係同你哋玩，朋友留返下次，加油！
3個讚
再傾下先
重點個行程唔係有其他人加入
而係佢放低我地幾日自己加入其他朋友
玩完可能陪我地一兩日就自己返香港
回望過去，你認為佢係咪一直都係一個好為小朋友「出心出力」嘅爸爸先？
平時都係交帶比你？定有啲嘢一定會親力親為？
如果唔係，咁你真係唔使火，佢只係做自己。
如果係，咁就要諗吓原因，仲乜可以同朋友去旅行幾次，今次為小朋友一家去一次都咁
大picture 嚟講，我覺得男人係自私，但亦睇到樓主唔退讓，我明係好嬲，俾著我都會，我無好努力追哂post，其實樓主有冇表達唔想老公離隊？
或者可唔可以老公玩完東京先join 你哋或掉轉？
好難，無suggestion比到，好多男人處理問題好唔成熟，未長大同無足夠責任心。
2個讚
如果可以, 我會叫佢老公, 先陪屋企人玩3-4日, 之後先再去搵舊同學,
最尾一日返香港前, 難波/ 關西機場見
東京如果淨行富士山, 唔知72小時得唔得,
由大阪出發, JR / 夜行巴士
由東京返大阪都係3個鐘內, 其他時間佢老公自己安排
攰都係攰佢老公, 好過連小朋友都要一齊攰
你哋可以提早出發，一家人玩咗先，佢之後再join朋友玩嗰陣你可以同小朋友返香港。男人係好要面嘅，如果你唔俾佢同朋友玩佢會覺得好無面無癮佢朋友堆之中亦會覺得你係麻煩老婆，你想一家人一齊好正常，但佢想同朋友玩亦其實無問題，試吓諗個兩全其美嘅方法
佢真係outgoing
佢記唔記得自己有頭家要照顧
2個讚
既然你老公咁鐘意去旅行 咪去兩次
一次同朋友 一次同你地
問題源於朋友，你老公 d 朋友唔你 d 朋友？
我老公 d 朋友 9 成幾都係我 d 朋友嚟，佢哋有咩嘢都搵我傾埋一份
呢度好多太太都好厚道，俾我應該忍唔住發癲，講明family trip你無啦啦變咗同朋友玩，自問接受唔到…
9個讚
比起發顛，我諗我更多係失望，失望佢咁都講得出
但又唔可以唔理解，時間有限，每個人都有自己priority, 唯有唔岩傾到岩。錢可以解決既問題，老公又唔介意老婆揸旗亂fing, 都無咩唔可以解決。
2個讚
其實我意思一樣，即係佢淨係Focus呢個trip唔會搵其他人
如果你個行程係吸引嘅，佢覺得佢都enjoy嘅，
咁佢就唔會同其他人玩，會enjoy個family trip
你同佢傾傾啲行程點樣就返你哋兩個人
而家個感覺係好一面倒淨係陪小朋友去旅行
你都有講，佢平時係好顧家嘅爸爸，
我覺得佢會提出咁樣嘅request係因為你係ftm ，佢覺得你唔明白佢返工有幾辛苦，同埋佢覺得去旅行就係希望可以輕鬆吓自己開心吓
但如果成程都係為咗小朋友，咁就浪費咗一個旅行嘅機會
當然啦，你可以話結咗婚就唔可以咁自私應該有責任點點點
但事實上係每個人都有自己感受，去個旅行都想開心吓。
好好傾吓啦，我覺得你老公最後係會妥協，爭在你點同佢傾俾佢感覺到呢個trip會開心過同朋友去。
我最失望就係我發現我唔係佢嘅1st priority
3個讚