可能平日太free 太放飛自我。。。
夫妻關係好難經營
太free又話縱
管得嚴又話反彈
可以話你係屋企睇住令佢覺得好安心，佢就放心出去happy
可能都要balance 返，佢free 幾多次你又free 返幾多次，如果關係係對等同互相尊重既話
識嘅、佢啲朋友都成日上我哋屋企食飯。
無論最後妥唔妥協
都抵消唔到佢話轉就轉嘅失望
我覺得對佢老公黎講 其實行程係其次 主要係想同朋友玩多過同老婆仔女 就算今次就晒佢 全家改去東京去富士山都好 佢都係唔enjoy
3個讚
我係佢就分兩轉去，一次就哂老婆仔女做個好爸爸。
呢啲當然自己去，係我就唔會拖埋自己屋企人會我啲同學，我啲同學去完富士山，100% 會去玩啲男人先會去嘅地方。
2個讚
如果佢真係完全唔care你哋，好可能一早提出各有各去啦
喺佢個角度嚟講，一個trip滿足2個目的，既可以成家人齊齊去旅行，又可以同朋友一齊上富士山，何樂而不為
俾著係我都會好似佢咁（我係女人，不過我係會掉低老公仔女自己去旅行嘅女人
）
如果我係你，我會照返原本計劃一家去關西，最尾1,2日放生佢同啲friend去富士山，想留多幾日然後喺東京/大阪走就佢自己決定
咁安排既可以滿足佢同friend登富士山嘅願望，行程上又俾佢知今次係family trip行先
2個讚
可能我上面都打到1999
原本計劃係一家四口去關西+京都奈良+褔井
咁佢話暑假只可以請一次假（星期一至五+前後weekend) ，佢會join頭7-8日之後佢返香港先，本身我都計劃自己單拖同小朋友完成以下行程。
咁今朝佢話朋友約佢去富士山，就話東京入東京走，我話行富士山邊到，係咪我同小朋友都一齊行，佢話唔係，佢想自己同朋友行，話小朋友跟唔切腳程。
咁佢自己去富士山，計埋頭尾兩日，行完佢又好大機會要recover， 咁我同小朋友痴過嚟做乜？呢幾日其實你都唔係諗住陪我哋傢喎？
咁我就話一係大家分開去，一係你地暑假前去左富士山先……嬲嬲地講咗句明明話同小朋友去福井，呢傢喺東京點過去。佢就講話東京去福井有幾遠……
重點係佢冇諗過同我地一齊enjoy
係想一家人出發，到埗就加入朋友行程
結婚耐咗，發覺好多嘢發癲係無用，好嬲好失望都好，點癲，你都改變唔到一個男人。反而真係要講得好清楚，如果唔係男人唔明。佢哋覺得有一、兩日全家人一齊，已經係親子旅行，佢覺得係問題，就唔會咁做。
其實我都講咗話分開去
或者一家四口行程更改日子又得，佢同朋友傾下暑假前去富士山又得
當然佢今朝一話有朋友約我係著左嘅，跟住佢覺得呢啲分開去係悔氣說話
但去到佢又係分走去揾朋友，我改嚟嘅意義係為咗比人睇全家出發去旅行？
講得啱，所以我成日都同老公仔女講，我發癲，係純粹發洩情緒，無expect有人會改
2個讚
我應該點先令佢感受到我嘅失望。
呢傢講乜佢都應該都當我發悔氣，講多兩講可能就話算啦邊到都唔去啦。
其實溝通係透過理解，然後體諒大家嘅諗法
我明你覺得點解你咁用心plan好晒，最後佢竟然就咁話要同朋友去玩算，反而要你就返佢
但如果你代入佢嘅角度，返工返得好辛苦，旅行嘅目的係為咗好好放鬆，但成個trip都係冇佢鍾意嘅嘢，咁佢就會諗吓點樣令個trip有價值啲自己都可以玩得開心
你開心嘅來源可能係見到小朋友開心就開心
但佢因為平時嘅壓力佢想要去旅行嗰種無憂無慮嘅快樂
所以其實佢唔係真係想轉或者無視你哋，純粹係佢自己都有自己嘅需要。如果平時佢對你哋都好好，你睇吓可唔可以嘗試代入佢嗰度諗一諗佢出發點
利申先，我唔係想幫佢講說話，而係想用第三者嗰度等你兩邊睇呢件事，因為你一轉左牛角尖覺得佢唔緊張你同family，你就會好唔開心，以後都會有條刺
應該未必，只係一開始聽到個trip全部都係為小朋友，所以佢先諗吓點樣可以改到個行程令自己都玩得開心，於是就諗咗搵朋友一齊玩呢條橋。
會唔會就係呢個位，令佢覺得本身自己都唔係100%喺個行程當中，所以參與度再低多少少唔係問題？
我覺得你可以再諗諗自己接受到讓步讓幾多出嚟，再平心靜氣同佢傾，如果你係唔樂意讓步（我係呢類
），就要俾佢知清楚，我兩個小朋友年紀比你兩個個距離細啲，但我已經覺得好難諗行程，因為有啲大玩到嘅，細就玩唔到，細玩到嘅大嘅唔會想玩。如果只係plan滿足到小朋友已經唔容易，再加個大人「變節」真係攪唔掂
又或者可以好似樓上有位會員咁講，成家一齊plan,睇吓佢點樣可以砌到個大家都開心嘅行程出嚟，話唔定佢真係有計呢？
1個讚
其實我想澄清番
行程係一齊plan
原本嘅行程景點佢都有份提議
唔講旅行
平時出街，去邊食飯，探邊個
都係大家有商有量
我只係失望，原本係大家一齊去玩
變咗係佢到埗去join朋友
係話轉就轉，所以我好失望
佢係朋友約佢，佢諗都唔諗就答應咗
我認我呢傢就係
平時比足自由
到難得一次全家去旅行
人地一約佢就諗都唔諗就轉
我都會諗點解我一定要就你？
可能最終佢唔會同朋友去
但果下人地人問佢就諗住放低老婆仔好嘅失望
我要諗方法令自己行出嚟
除非我唔鍾意佢啦、就佢係咪care我都唔會失望
1個讚