生抽在社交網留言︰「電影中，導演同演員多數都係打工㗎咋。唔係好似外行人以為咁，可以話事㗎。當然，有出品人身兼導演同演出嘅，不過唔多囉。我講自己咋！」
「你去餐廳食嘢嗰陣有冇先查清楚食材嘅來源？」
「保護乜嘢？侵犯咗乜嘢？好奇。」
「唔願意就咪拍啦！」
如果生抽哥係講受薪演員係冇錯嘅。但佢又間接道出呢班係冇人工不是公眾人物嘅外行人亦冇人幫佢地查清楚會點用條片。如果屋企人簽咗同意書佢哋有條件去唔願意拍咩？
3個讚
人地未成年，有say咩。
退一萬步，佢覺得非一線演員有say咩
5個讚
不嬲都唔多鍾意佢
呢句更加顯得佢涼薄
導演又唔話得事
又無投資方
個project、班偷拍既cam man 都係石頭爆出黎架?
1個讚
正所謂受人兩分四，係要睇人面色。如果係一線明星，你可以話佢耍大牌扭計唔合作吊高嚟賣。但人哋又唔係專業演員，又一個仙都冇收過，點可以用專業演員嗰套同啲妹妹比啫。
5個讚
如果有家長吾簽同當時學生咁細個， 上堂肯定日日有老師搵， 果種壓力係無形…… 果d人只會輕輕鬆鬆講句轉校囉！
3個讚
咪係~
諗下迫針時如果全班得一兩個小朋友唔打針
個小朋友都可能受唔少壓力
家長都唔少說話聽啦
更何況呢個project 玩足幾年
2個讚
我岩岩睇左陶傑， 鮑偉聰同鄧小樺做嘉賓果集， 好認同鮑生的觀點
1個讚
認同佢唔算魔鬼，只係蝦9妹妹仔既 bitchy old seafood 咁囉
2個讚
有聽，鄧小樺都喺度，陶同鄧都對張導留一線，我唔覺得太反感，但鮑偉聰分析得比較獨到，欣賞佢哋老拍檔但敢於反對對方，冇嘢喎
1個讚
坊間好明顯係啦而家
坦白講：我覺得絕對有關
如果張大導係撐周冠威同佢friend，你估而家有冇全城插佢？
所有嘢佢自己揀，埋得政權堆，自己又有單嘢奶屎，啲人點會放過佢？
拿我唔係話佢冇錯呀吓，我都覺得佢離譜
3個讚
好多嘢係人嘅問題，唔係立場嘅問題。
5個讚
你咁講，個人覺得你忽視咗呢件事最基本嘅問題：
點解片中想退出嘅學生唔可以退出？
點解要求唔公影而遭拒絕？(雖然已經用不同名義上影咗N嘅多場)。
點解要學生再簽多份同意書(合約？)時要呃呃氹氹？
如果以上嘅問題有合理嘅解釋，我會同意你話「係一場政治風波」。
仲有，將呢件事拖埋周導演來講，對周導演好唔公平，如果自己對呢件事嘅理由係情理兼備，何必拖上周導演呢？
8個讚
你咁講同spin有咩分別？
唔係因為佢入政府而鬧，
一直都鬧緊佢拍攝過程有問題
5個讚
好多人都唔覺自己已經係政治先行，但我覺得都正常嘅，因為香港呢幾年變得高度政治化，人又點會冇變吖
幾認同陶傑個句呢個係政治事件，雖然後面係有d唔認同，鮑偉聰亦分柝得好岩
1個讚
以上3個問題其實主導權都係學校，點解唔問返學校唔俾學生退出，點解容許公映，係咪學校想籌多錢，出名d，宣揚教學理念，所有素材擁有權都係學校
另外其他幾位學生其實係覺得開心有人拍低佢地嘅成長記錄，咁佢地嘅意見又需唔需要尊重呢，都係個句，學校處理手法係有問題，唔想出鏡嘅應該剪左佢，但而家冇做到結果搞成咁
2個讚
你唔係，但好多人都因為咁鬧多腳
冇忽視，但張導埋咗政府堆再做單咁嘅嘢，咪衰埋一堆囉
同莊思敏離婚及楊明醉駕一樣，係踩多腳
咁張導係好差㗎喇擺明
有少少係你埋得政府堆一定係衰人啦，一定係迫害人果個，但望真d佢係衰，但又未至於去到魔鬼，要臨老唔過得世個隻，反而應該睇清楚邊方面係最大責任，暫時我覺得係學校
至於前pa指控佢刻薄個d，當花生好啦，老實講大家係職場上打滾多年，再刻薄嘅事都見過啦
2個讚
我冇忽視張導責任，但事實係有政治成份
唔係拉埋周冠威嚟講，只係打個比喻：如果張同周好熟，肯定大家對佢留一線啦而家
不過你連打比喻都話好似累咗周咁咁唔公平我就收返
張x賢借錢借咗幾百萬，借足幾年，都係最近先被踢爆，好多人對佢留一線