冰封三尺，我覺得當中應該仲有其他事，或樓主態度可能令佢唔舒服，先會令一個新人響辦公室喝人。所以件事本質誰對誰錯好難講。
但對人無禮貌仲要大庭廣眾之下咁做就好豬，招人口實。打唔打招呼係後話，你要做嘅係先同你上司、佢上司同HR主動備案。唔係打小報告，係用客觀冷靜語氣講返成件事，重點係佢情緒容易失控，影響辦公室和諧工作氣氛，工作交流會受影響。咁講係要為將來佢無論同你或其他人再起衝突嘅可能性做備案。你同佢比較最大優勢係工齡，一個做咗咁多年都冇人事問題嘅員工 vs 四個月火爆新人。佢咁快同人起衝突，其實連介紹佢入職果個人都尷尬。
不過話說回來，你同人哋唔熟，係咪要多事介入人哋食飯問題呢？個個人嘅界限唔同，你為咗自己「睇唔過眼」就多嘴，其實都係無禮貌嘅一種，有人介意有人唔介意，只係咁啱呢個同事唔鐘意，所以你響呢件事都有責任。
樓上好多人都講得啱, 我知你係珍惜食物既人, 但係同呢位同事唔熟
就唔好多事, 佢只係你同事唔係朋友, 佢既私事就唔理佢咁多.
如果我係你, 我以後會直接無視佢, 唔會同佢打招呼, 就算佢同我打
招呼我都唔會理佢.
以後只在公事上溝通, 仲有所有事如果係共同做的話有咩就
black & white email 講多次 CC 埋上司, 以免傻人屈你.
多謝你嘅意見。
我嘅無心一句，對佢嚟講可能極乞人憎。
點都好，你話我小器啦，我都唔明點解好似X左佢全家咁，要變左佢去set rules, 同我講點先至係「基本禮貌」。
我真係無佢咁得閒成日望住佢，反而除咗我之外，佢成日365度擰嚟擰去望人。呢個其他同事都有講。我唔知佢係咪妄想症，就係一次我提佢有人係門口，可以去開門，佢就「形住」我係長期留意佢。
佢覺得我多事，其實我另一個同事都有同佢講過開門。但點都好啦，佢係唔鍾意我，呢個係事實，我亦唔係小學雞，如果真係「得罪佢」，我數得出嘅，真係得呢兩次咁大把，我都相信佢有好多嘢唔鍾意我，但我控制唔到。同埋我都係嚟返工，唔該佢有咩唔順利，唔好向我發脾氣。
多謝你嘅意見。
我唔知佢會唔會都係呢度會員，
我唔怕比佢睇到我呢個帖。
過咗年咩都重新嚟過，我會盡可能無必要都唔會同佢有交流，眼神也不了，我係嚟返工賺錢，佢咁唔鍾意我，我亦唔係嚟受佢一個氣，佢要發脾氣教仔唔該返屋企。
或者你講左個重點。
可能我年紀大，以前出嚟做嘢，做開嘅同事叫我點做，我都會跟。
我同佢講可以出去開門，第一，呢個係佢工作責任，我唔係想點佢，係作為一個staff, 好明顯佢都冇諗，如果自己係客人，企喺門口咁耐都冇人開門，人哋會點諗我哋公司d staff.
人哋嚟親我哋公司都冇次主動開門，淨係識大動作起身望。come on, 可唔可以比返少少common sense?
難聽d講句，呢啲咁基本嘅常識都冇，真係唔怪之得要人哋介紹入嚟。
我都遇過有班極品，果時我新入職但資歷耐過佢(同事A)，佢爆我時我還拖，之後佢唔敢再爆我，而CDE同事亦唔見得好好，勁無禮貌 
。
遲過我入職果位(同事B)算幾nice，但無人肯教佢野，答佢時就講笑話要請食野先得，之前佢多數問我，但我都唔係入職耐佢好多，有時我地2個要一齊摸索 
係講緊只公司好少既事，如用曬d白紙係邊拎新一疊紙，公司電腦pw，同事只會爆我又知你就唔知，請你返黎都唔知做乜，不如我自已做埋佢啦，死pk。
有日B自已焗左d蛋糕請其他同事食(但無叫我食 )，CDE同事講完多謝就話自已好飽唔食啦，A就表現最開心，好大聲咁講多謝呀，好開心呀，跟手拎左件蛋糕，一手擲落垃圾桶，係發火擲落去，講句咁cheap架，想整cheap曬我個口咩 
其他同事陰陰咀係到笑，有人附和話我地食開酒店級數蛋糕架 
有人話焗cupcake咁Q cheap，影衰曬，正一下等人 到最後收工d蛋糕都無人食，B全部掉曬 
平時上司係到就無乜野，大家扮到好nice，之後有個好少少既同事話，上司講叫佢地要對新同事好d，唔好成日嚇走d新人，所以佢地勁驚你地之後會頂走佢地
無視佢，或者見佢出錯時就自言自語話，唉，一早講又唔聽，教又唔聽，唉…
我班pk同事最愛扮呢樣 
咁賤嘅同事，直情爆佢啦，狗眼看人低
佢哋好有錢㗎？陰功囉，仲要返工即係冇錢啦
90後唔使養家 
除左上司，其他同事全部都係咁，返工只會曬名牌手袋、買對鞋話用左成副人工
我又唔想一返工就爆人，結果返唔夠5日就爆 不過爆完又好d既
嘩~~~
我以前都做過間公司
d 人又係日日吃喝玩樂唔使做
一有事就卸膊卸晒俾新人
或者小事就cc 成村人想表現出宜家係我教你呀, 係你唔識野咁
朝朝沖好貴既咖啡圍埋吹水吹一兩粒鐘
然後個個月約埋一齊食酒店dinner buffet (AA制)
有人升職呢
就算只係月薪兩皮幾野既中低層
都係要請晒成個部門幾十人食lunch
然後d 人有免費lunch 食仲會嫌三嫌四
比較阿邊個升職之前請食邊間邊間喎
乜你請乜乜乜咋咁樣
不過就未去到嫌cheap 掉人d 食物咁折墮
咁佢地班人又未至於唔使做咁，一樣做到勁甘，原本上司(見工時佢咁講，我當真啦)係請個人返黎幫輕下，等大家唔使做得咁辛苦要長期OT…
係呀，班人成日放工落bar，又話約去酒店dinner buffet
見你咁講，不如唔請班人食lunch好過，請仲要咁多怨言 
唔請會有人間唔中"提醒"你未請食飯
除左升職
連去旅行番黎無派手信都會有人依依哦哦
所以有d 人去完旅行
無手信派就會自己話請大家食tea
嘩，咁似新入職時果班人經常提醒’，你問野時要我答，應先請食野
呢d 公司culture 真係好似
好似以老屈人請食好野為榮咁
其實請食野唔岩心水，一手擲落垃圾筒，然後成班同事你一言，我一語，我望住請食野果個同事呆左企係到，我真係接受唔到呢d文化
呢d 根本係欺淩啦
成班無家教
鬼唔望你果間公司快d 執
好難會執，‘‘生意’’(客源)好好，收費唔平，高廈地方又大又靚
咁我祝果幾條無家教快d “另謀高就”
出去要由低做起
真係好無品
你個同事好叻喇，冇喊出嚟
點解d人可以咁樣
我d同事就算請我哋食過期幾日嘅嘢（佢有問大家介唔介意），我哋都會講多謝，唔介意
如果同事整嘢食返嚟，我哋都會俾面食，唔食嘅都會同個同事講原因（例如要減肥、戒口）
可能有左家庭，真係唔同佢果班90後 不過原本我想安慰佢，不過見佢唔請我食，都係算數
For 樓主，我對著呢間公司工作上做足本份就算，唔多口，所有野唔好多理，做多唔會有人欣賞你，反而會被人話，做少就唔好啦(我職業上做少會影響到其他人，所以唔會咁做)，或之班同事講乜都唔理，唔理佢地時佢地又會自爆 當睇戲囉，人生百態