恭喜發財 祝大家身體健康
坐喺我隔離嗰個同事，佢每日帶飯返公司，不過叮完之後，佢就會掉落垃圾桶，或者咬兩啖，就掉落垃圾桶。
我係一個唔鍾意浪費嘅人，有加入一d free食物群組。我問佢不如同屋企人講，唔想帶飯，或者將唔要嘅飯比我。但係佢就話自己同90相處好煩之類，叫我由佢倒左d飯。
呢個同事好八掛，試過我同其他同事講工作上嘅事，佢成個人轉過嚟唔出聲，望住我哋。而佢自己就經常篤手機，望住個mom去睇自己工人照顧自己仔女。由於佢行為鬼鼠，自己工作又唔做，有一次提佢，佢就好激氣咁同我講，叫我唔洗咁關心佢，佢自己會識做（但聽其他同事講，佢經常性錯晒），之後我每日都打側身唔再望佢。
年三十晚果日，真係無原無故，佢冇啦啦話我唔好咁多事，語氣好差，亦好大聲，好多同事都聽到見到。當時我都唔知點解佢咁講，原來佢無啦啦，巢返我同佢講，覺得掉咗d食物好浪費，同埋我唔係佢上司，係到提佢開門比人，係好多事。
後來果晚同其他同事食收爐飯，有同事話，呢個人同佢講，呼喝完我之後，佢成個人舒服晒，同埋，原來佢係由另一個擦鞋仔（唔係公司高層/親戚，都係打工嘅），介紹入嚟。
呢個呼喝我嘅同事，最後眼尾都唔望吓我，望住自己電腦個螢幕
，話以後只會係工作上同我講嘢，同埋基於禮貌，只係會講早晨同埋88。
我做左5年，佢做左4個月。我唔知道佢係咪覺得人哋介紹入嚟，所以夠膽呼喝我。我自己覺得好委屈
，同埋我都係小器，其實佢喝我，已經係無禮貌，我連早晨都唔想同佢講。請問我可以點樣無視佢，而又唔需要再怕呢個2打6呢？謝謝。
(後來有朋友話, 人地掉左d飯落垃圾埇, 關我咩嘢事? 我話我見佢日日都倒, 講一句問佢點解唔想食, 唔同屋企人講, 點知中左佢痛處, 仲要原來佢記咁耐啫!
我已經好平常心架啦，全程只講咗一句，叫佢唔鍾意我，可以同佢上司講調位，佢就驚啦。
其他發脾氣說話我冇講，同事話我EQ唔錯。
但我都驚佢會又失驚無神喝我。謝謝
）
1個讚
無視佢。工作上必要才說話，可以的咪用email 。佢食乜嘢，唔好理。
11個讚
咁你又係小小多事既，話知佢浪費，大家又唔係熟
總之各有各做，有事email聯絡
做岩做錯唔洗係提佢
當佢透明人得！如果佢同你講野你就話「email覆」
9個讚
好的, 我真係連早晨同bye bye都唔想同佢講, 但男朋友叫我講…
我見佢日日大大盒叮完, 成盒直接倒, 係我多事, 講一句點解唔同屋企人講唔帶飯. sorry我真係唔知原來一句就比佢記住成3個月. 同埋大家都係同事, 係工作上我唔係"命令"佢, 因為佢真係好八掛, 佢其中一個工作係要開門比客, 但係次次佢見到有人企係門口, 就成個人"吉起身", 望住門口, 由得人地企係度, 又唔會行出去開門, 我只係同佢講: 你可以行出去開門. 哦! 咁又得罪左佢嘅!
佢係咪真係要因為呢d事, 係年三十晚, 喝左我幾次~~
佢同你講嘢，你都扮聽唔到就得.
其實我都覺得你問佢倒飯事都好只想同事之間閒談姐,我有時候都會咁.
大家拉好d關係.番工都開心d.
佢係禁討厭有人問佢.
下次唔好再問.
1個讚
咁又緊係唔岩啦！
佢新入職就喝人佢都唔小野！可能你冧善？
總之呢啲懶醒既人就由佢踩屎就得
1個讚
無論什麼原因，你們不是朋友，不用理會工作以外其他事。這樣你才可以保護自己。講早晨，可以十分淡淡一句早晨。工作上只要你冇犯錯，不要理他。
其實我好明白你覺唔佢浪費，既然倒，不如唔好叮，直接掉。不過，有啲人接受人嘅意見，有啲人唔受，佢係後者。
你比人喝，當然唔開心，所以之後要保護自己，唔好比機會自己受傷害。
相信你比較上心，尤其重視對錯。我以前也是這樣。後來，自己唔開心。而家回看，自己何必為了無謂人浪費心神，不值得啊
6個讚
擺明係你多事，
佢做咗4個月，係咪過咗試用期？
如果係佢，即係佢忍你啲言行－段時間，
你自己小心啲啦。
4個讚
A_lcy
15
無需要講。唔使驚喎，做好自己本分，佢只係你同事，有嘢交帶email black and white 最好，佢做錯嘢唔使出聲提佢。
1個讚
我都係你呢種人，睇唔過眼會提下對方，但好明顯佢自己理虧。就算唔啱聽唔使喝人，擺明冇品
直情ignore佢啦，唔使比面
4個讚
其實 你真係多事左啲
除非大家好熟 先會講一句
因為各人有各人難處 但唔代表要解釋你聽
既然大家唔同Team又唔係佢上司
真係唔好多事
佢喝你 就當佢還返佢覺得忍你咁耐既氣
你就要學會唔好多事 當教訓啦
5個讚
多事都冇理由喝返人，仲要幾次，佢老幾？擦鞋仔唔使比面佢
1個讚