隔離位同事喝我

佢咪又係經擦鞋仔入黎
仲經常做錯野
咪睇佢做得幾耐

如果食幾啖就倒左d 飯而又無另外食野
唔通岩岩有左胃口唔好?
所以唔想你成日留意到佢食唔落野倒飯?

先唔評論出聲問人點解倒晒d 飯係咪樓主太多事
但感覺佢情緒管理好有問題
支持你當佢透明人
有咩工作對話就學大家話齋black and white

4個讚

其實樓主咁樣算唔算係多事?我都諗咗好耐。

之但係係見到個新人日日係到倒飯,可能都想係關心下咁問幾句,點解唔食啊,唔食叫屋企人唔好整啊嘛之類。

咁我唔知樓主語氣態度係點啦,不過如果係我可能我都會咁樣問出口講出口

的而且確係你多事,人哋點樣食飯或者點樣工作其實唔到你去管,你係覺得你入職耐過佢所以有資格去提點或者批評?

同埋我覺得你有啲嘢美化左冇講,好老實我都唔係好信你只係好”溫柔”咁問一次點解,人哋過咗三個月就好嬲咁樣佢話你多事,因為你話第一次問,佢都好正常咁答你,佢如果脾氣唔好佢嗰刻已經爆咗你,唔需要等三個月

呢三個月你有冇背地裏同其他同事講呢件事同埋人哋嘅工作態度,將呢啲事情當是非,我諗你自己先知

亦都因為咁,可能其他同事都冇主動出聲,我諗佢哋都知。

5個讚

俾我可能都會問,婉轉d 囉!
因為我好憎人浪費食物。

明你心情,我都好憎人浪費食物(同埋水電),唔講出來真係唔舒服。支持你!但都要保護好自己,你同事精神似乎有問題。 :sweat_smile:

2個讚

我比隔離嗰個同事呼喝完,同男朋友講
男朋友有叫過我唔好再同隔離嗰個同事講點解唔同屋企人講唔帶飯
我話我冇再講啦
我真係只係好普通咁問左一次
或者佢真係覺得我簡單一句
直插佢心臟?
但真係洗唔洗咁呀!

有時係餐廳見人哋食剩成個餐
D執盆姐姐都會講句「咁嘥嘢」

反正我當時真係冇諗咁多
有時初入職大家冇咩話題
我又唔知佢咁介意人哋講佢呢樣
講真,大家都做左人阿媽
有返少少:pinching_hand:理性好冇?
佢唔鍾意係唔洗咁喝我
仲要幾個月之後
睇嚟佢仲小器過我

多謝你嘅意見。
我同意你最後所講嘅,
我都做左人媽咪,係職場上廿幾年,
我今次呻完,今年要好好珍惜仲有能力工作嘅時候,安守本分,唔好同呢個2打6鬥氣

點解一個新入職嘅人,
可以咁樣呼喝一個唔同部門嘅Senior,
仲要個Senior 去小心睇路?
既然一句簡單問吓點解唔同屋企人講唔帶飯,
都係似得罪佢,
咁佢應該幾惡,
又,即係佢完全只對我講嘅嘢係惡言,
完全冇思考過,
出嚟工作,自己係咪唔需要過分解讀我一句說話?

咁當然,如果day one佢一見我已經好憎我
咁又另計

你好多事,又煩。
同埋人哋唔係喝你,係唔滿意鬧你。

你上面講咗佢有人介紹,

你開始衰多事,比位佢入你,

你以後要學識「佢扑街都唔好提佢,由佢死」

總之你自己小心啲啦!

無論如何喝人都唔啱,仲要幾次

樓主,早晨都唔使同佢講,禮貌唔係咁用

3個讚

我反而覺得倒飯事件佢發脾氣時自爆係佢尷尬
唔一定係root cause
可能條友更加唔滿意樓主唔係直屬上司
但兩次"教"佢做野

點都好條友呢個表達方式都係好有問題
發生咩事所有同事有眼見
相信唔打朝呼大家都理解咩事
(當然如果擦鞋仔係比你更高級/ 話得事既人你可能要小心處理)

請問你係咪當事人?
如果係,你真係覺得,
因為我問一句說話,你就可以大大聲鬧我?

也是應該講,你也會同樓下保安員講句早晨吧!這是你本人的修養,對方是人是狗是屎,是對方的事:+1:

1個讚

睇返第一次問,個同事冇即刻話佢多事,反而好詳細咁解釋提及到99,有表示無奈希望樓主由得佢

點解到三個月後,突然間咁激動話做乜咁佢多事,而其他同事又好似知發生咩事咁

呢三個月發生過咩事,而點解其他同事又知倒飯嗰d,又或者點解樓主會提及到其他同事話呢個同事做嘢唔得?我覺得樓主周圍同人講是非,搞到呢個同事忍唔住出聲多d

似乎佢搞小圈子,睇清楚型勢先,有無人同佢埋堆?

佢當時無好詳細講佢同佢99關係點。
我每日返工係好多嘢做,而且佢成日都成個人轉過嚟望我,根本每日我都要打側身,唔想同佢有眼神接觸。

在我嚟講佢係一個好鬼鼠又八掛嘅人,根本唔想同佢有交流。我同其他人嘅話題唔會講到佢。我都咁大個人,唔係小學雞。所以隔成三個月佢提返,即係佢好介意我果日咁問佢。但係係咪真係要咁大聲喝我?佢唔鍾意嘅,係咪當時可以講,唔係當時淨係話「99佢每日係咁,有好多嘢係99整比我同老公。。。。)下刪唔知幾多字)」

佢唔鍾意同我講嘢冇問題架!但係我係嚟工作,唔係比佢發脾氣嘅對象,唔該佢諗吓啦。

無人同佢傾計架,佢爆完我果日,有同事問我點解唔反擊。我同部門同事有講,呢個喝我嘅同事,平時係公司無人同佢傾計,好神經質,話我坐喺佢隔離,咪做左佢出氣袋咁囉。

抱抱樓主 :kissing_heart:

可能個同事比較神經質,佢覺得你之前係咁話佢,加上又埋唔到堆所以唔開心,終於搵機會反擊
佢覺得自己忍左三個月終於出左氣,但樓主就委屈左幾日,仲要係紅日子都不停諗住件事,樓主你蝕啲喎…以後當佢透明算啦

我以前都似樓主咁,會向新同事釋出善意搵下話題傾下。我經歷過被出賣,而家喺新公司只會hi bye笑下算,唔洗對同事任何事上心 :smiling_face_with_three_hearts:返工都係為左份糧啫

2個讚