我都想問點解佢唔請埋你食？
1個讚
我都唔知點解 
有爺生冇乸教典型例子
比我直情放上網公審佢，真實發生怕咩唱佢哋
話埋比老細知，等佢知啲下屬幾pk
我班同事由70後到千禧後都有，有家庭嘅亦有單身嘅，但真係唔會好似你班同事咁差
不過我冇諗到你對佢咁好，但佢唔請你食
都係佢冇請你食，又唔算叫好熟，真係唔好主動加把口，到時可能會覺得你潤緊佢多過安慰佢
1個讚
可唔可以暗示邊間公司？
你果班睇得CCTVB d低智劇多? 洗唔洗咁對人? 係咪真係唔識咩嘢叫做正常嘅待人接物?
1個讚
睇完你share你間公司嘅經歷, 真係覺得"沒有最賤, 只有更賤’’
今日我都有同隔離果個講早晨. 係嘅, 上面留言有講, 咪當同樓下看更一聲hi一聲bye算囉. 不過佢以後點樣, 學"龍婆話齋"佢C佢事, 唔關人事’’
2個讚
呢班同事好低能喎
返工都係求財啫，點解仲好似啲小學生咁幼稚
想問係咪其實佢哋都係冇乜嘢做或者人工好低搵嚟搵去都係咁，所以先至為咗令份工有趣啲玩埋啲小學生遊戲？
如果係我一入職見到啲咁嘅人，我根本就唔會同佢哋交流咁多
其實poker face d 咩私人嘢都唔講，淨係專注工作，佢哋應該都唔敢搞你？
我諗老細只會顧生意額，其他唔理？
新人對舊人咁多事亦唔太好，新入職唔可能走去數d做得耐過自已既同事掛？
同埋返左幾日，已經諗住閃，此公司不宜久留 
雖然大公司，上司、老細好 
唔暗示啦，講完上報紙都似 
做得耐果班全部返工時都做到好金，趕時間時要跑步咁做野，完全有賣命 feel。佢地人工應該係中位價，正常價。
好難專注工作自已工作，因為好多team work，而上司就好好，超有禮貌，只不過上司唔係到時班人不停單打，所以我一早諗會走
不過佢地真係超無聊，有次見到用曬d野咪問佢地係邊拎xx，終於有人肯講要去儲物房拎，點知儲物房係鎖著，又要周圍追問鎖匙係邊，問黎問去先問到，完全浪費時間，跟手班人爆我做得慢，無效率， 
我爆佢地一早答係邊拎，key係邊咪得囉，係都要玩一大輪先講，然後又借機互爆，勁無聊 
你係問向成堆人問定指定其中一個問？向住一個人問，佢夠膽玩嘢嘅機會會少啲
同埋如果係我，我唔會爆佢，poker face 佢先唔會估到我最盡可以點玩。
有個故事我好記得，有隻初成長嘅獅子第一次見到斑馬呢種生物，佢有d驚覺得好大隻但又好肚餓，所以唔係好敢出手，等咗一兩日，佢忍唔住走過去撩吓佢，隻斑馬好嬲出盡全力用後腳踢佢。於是隻獅子就知道原來佢最勁都只係咁，於是就毫無顧忌咁咬斷佢條頸。
如果試過一次係咁，我以後問嘢就會喺公司 team whatsapp group / 冇我就會自己開一個 include boss, 所有要問嘅嘢都嗰度 @ 嗰條友問一句。
2個讚
呢啲人仲同佢講早晨同88，你都好冇底線喎!? 你係老臣子佢係新人，你俾佢呼喝仲要怕咗佢，係我就大聲過佢呼喝番佢，仲要大大聲話佢成日蛇王、及做錯嘢要人執手尾，又唔俾人話得，問佢係咪黃馬褂大哂呀? 等所有人都聽到，最好上司主動了解整件事更好，否則你就好似永遠係衰人 
原來問野要咁樣，真係學到野 
！
但間公司文化真係好怪，同事大家玩小圈子，上司有大家個whatsapp，但公司係無whatapps group，連大家電話都無，有時早更part time留落d手尾，下一更同事完成？？？無得問，然後又到下一更問，最多只會貼 memo紙問，我都唔知係咪大公司會咁。
我地做野係每人一間房，有時大家會入去唔同人房遞派下野咁，我個位係中間主要交收位，所以個個入黎拎出拎入就閃人，我每次只會問到一個人，咁1個唔答咪等下個再入黎，我做住其他野先囉，等有人入黎我再問，太耐無人入黎時我就入佢地房到問，接近放工時大家先會一齊入房攪掂曬當日既工作，所以接近收工就好易互爆
喝我果個同事冇品, 我都聽其他人講, 咪當見到樓下看更算囉. 好似你咁講, 我又唔係老臣子, 啱啱過probation就係度兇我.
介紹佢入嚟果個人都唔係管理層, 只係一個擦鞋仔, 總之呢位女士, 佢爆我佢以為贏左啖氣, 我放長雙眼, 睇吓佢幾時中箭
感覺好複雜，我都懶得想像
不過如果你話你上司係好人，而佢睇到新人成日都俾人嚇走只係求其講幾句，佢leadership skills都有啲問題
比著係我見到呢個情況，一開波我會group 埋全部人隆重介紹新人，同埋指定一個同事係 mentor，同新人講有啲咩唔明就直接搵呢位Mentor。
然後每個禮拜會直接至同個新人casual chat 返工情況，有冇啲咩難處，有咩問題會再搵個Mentor同個新人直接傾。做得上司冇可能完全無視呢堆嘢。
又或者咁講，如果你上司而家咩都唔做，我係真係會將啲問題交返俾佢逼佢做嘢，最簡單就係由上司帶我去嗰位同事個位，有咩我一次過問晒佢佢佢就一定要答。
2個讚
看更我唔順佢，我都唔會同佢講早晨，你成日道德 L 上身，覺得殺你全家都要同佢講早晨，證明你份人本身就好膠，教而不善俾人恰係正常。出嚟社會工作要有必要厚黑學，你處處鵪鶉咁係人都恰你，你呢種性格只能夠呻到樹葉落，人地教你你係永遠唔會變，接受性格決定命運啦 
咁虎人都要睇環境嘅
so far尋日開工同埋而家我都ok, 可以無視佢.
我都話我衰架, 佢呢d人唔洗出手(口)虎佢, 淨係睇佢勁神經質, 做咩都驚驚青青, 佢又唔敢問其他人(因為冇人睬佢),
佢遲早踩鑊勁嘅, 好過我為左個傻人, 自我破壞形象
而家事情又唔係去到"殺全家"呢個地步 你舉個例子都唔啱用
講早晨好基本 人對我無禮, 我都會保持自己基本禮貌
其他人都有眼見 無必要同人鬥衰
2個讚
家下佢唔係上司，又唔係揸住支槍行住你，屈膝於佢淫威之下，點解俾佢恰到咁，仲要同佢講早晨呀? 估唔到膠都佔咁大比例，出嚟社會唔識俾面色人睇，好多人就會得寸進尺恰你。仲有唔好抱住你唔恰人、人哋就唔會恰你諗法，做人要有一定防護氣牆，做人做到咁鵪鶉，仲好意思讚自己有道德有禮貌，即係俾人打仲要講多謝，人唔笑、狗都吠啦，仲好意思講出嚟 
