最窮係細個果時，阿爸唔生性，成日冇比家用阿媽，阿媽就要出去返工賺錢，幾歲就幫細佬妹沖涼，做家務。一餐只食一個餸，晏晝煮飯成日煎腸仔，每人兩條加碗白飯，一係就食冇餸嘅公仔麵，時時食或忌廉賓就係一餐。
到幾姐弟大左開始返工賺錢，生活先開始改善。
5個讚
咁我同另一啲移英朋友冇錢買樓丫嘛，佢又冇太大金錢壓力
其實我根本冇唔恨佢啲生活，要湊仔又要服侍老爺奶奶。每人各自生活好地地，窮又點又唔係問佢借（我兩公婆做嘢慳慳地發得掂啦），佢又錢又點又唔係分比我（會有幾多錢啫其實）
幾十歲人仲用錢嚟衡量人，仲要朋友，心都淡
2個讚
咪係，本身有幾千萬唔使等BNO visa囉
咁呢啲真係唔係朋友，無都唔可惜
1個讚
D阿婆梳起唔嫁, 有間唐樓又冇錢維修果D咁…
賣左層樓可唔可以解決到問題呢？即係做d嘢敗曬副身家，成為真正需要人哋幫嘅人。
得幾千萬應該唔夠膽投資移民
2個讚
無錯
細個時有個親戚改嫁咗個有錢人, 佢個女變咗暴發戶
果陣仲係初小, 佢個女買完零食, 找咗D散紙, 佢話唔想袋住D散紙, 轉頭掉曬入垃圾桶…
睇到我呆咗
小學綜援同學，又係環境好左之後，土豪得嚟又要寒酸仲難頂
開口埋口又話 “我個人唔係睇錢咁重”
新年派多封利是又好話人地個甥女專登上嚟呃利是
另一種就目中無人feel
食個家常便飯又話
“唔叫龍蝦點算食飯，搵個翅long口，你地冇乜幾可食”
“我食嘢唔睇價錢”
“樓下酒樓食垃圾/食屎，食豪啲”
本人係極討厭搵垃圾/屎，去形容食物
6個讚
無錯 極度折墮
唔洗講到非洲飢民咁遠 香港都仍然好多人食唔飽 會去搵垃圾桶有咩可以執黎飲&食
2個讚
有錢都冇用，格衰。而且啲對白透出淡淡嘅自卑感，好可憐
4個讚
我就係SARS開始返PT
我個FD成日話無錢,出街成日唔俾錢屈人請,原來佢供緊2層樓 
一層用黎收租
1個讚
你人窮, 人品富有… 你身無分文, 但你有膊頭… 比起腰纏萬貫嘅男人你更富有… 
6個讚
以前剛畢業出嚟做嘢同同事出去食 lunch, 只可以扮養生唔飲凍嘢, 大熱天時餐飲都叫熱檸水因為凍飲加 3 蚊覺得肉赤.
仲有食譚仔最多叫 2 餸
而家人到中年冇咁多財政壓力, 去茶記想飲凍飲就叫凍飲, 食老麥 +$8 加大大啖組合, 仲有食車仔麵會叫 4 餸, 對我嚟講已經係"有錢就是任性"嘅程度 
8個讚
謝謝你，諗返以前，我呢啲真係叫跨代貧窮，係窮人思維由上一代既創傷帶落嚟。
大個識諗咗，就知道自己阿媽都好可憐，在大陸挨涷挨餓，我阿公成日打佢，阿公死後佢都冇好日子過，俾其他大人恰，冇書讀，十二三歲要落田做嘢，所以睇到個錢天咁大。
但咁樣係咪justify 到佢對我既姑寒度縮? 我唔識講，只可講，感覺上嗰種貧乏帶嚟既創傷係實在既。就係嗰種，有個人不斷令你覺得你唔值得擁有好既嘢，而事實上嗰啲根本唔係啲咩好嘢，而只係普通人日常生活既基本，我諗你明我講乜。
其他同學就算都係窮，住公屋，佢地只係在物質上窮，佢地父母都尚且希望佢地個女出到嚟大方得體，多啲交際，合理打扮，有返啲童年/青春回憶。但窮人思維就唔同，窮人思維係將自己有咁細縮咁細：「冇錢就唔好諗咁多嘢/唔好試/輸唔起/買嚟做乜，食得咖?/駛乜對人咁好/人地點解對你好，係因為你啲錢」。
10個讚
我諗你都係比較年輕？
我80頭，屋企唔算赤貧但樣樣要慳住洗，所以由細到大都慳，亦無意識問父母攞錢，一畢業即俾家用（初初係人工1/3，到現在係10％，係5位數字）
我覺得我哋呢一輩可能窮開，反而無你嗰種煩惱，因為根本無勇氣月月清，只會慳埋一堆cash唔知點駛。
我諗我仔可能會有你呢種煩惱，其實生於小康家庭唔知係好事定壞事…
1個讚
可能係我sterotype，我覺得係80後多數細個都係無咁富裕要慳住洗，因為佢哋父母多數都會生多啲。又傳統啲唔會話好有生活態度。
但到90後，佢哋父母個代經濟好啲，又多數生一個起兩個止，比較都唔會話好窮。
我覺得生於小康係好事。
同埋多數人都唔會話自己有錢，有錢就會引起人仇富，所以講有錢個啲都要匿名 
天外有天，講真有一兩層樓同要供樓真係唔敢話自己有錢。一定會有人酸，到時樓價跌又黎笑下你咁。
1個讚
但我覺得人有磨練才會成長…
我有個親戚90後，獨女長期洗腳唔抹腳，成30歲人無一份工做得長，但又嘴刁只食高級餐廳，佢父母近年退休了仲要養女，覺得好大壓力。
我細個無物質少父母關愛（父母要打工搵錢養四大長老），但我大個咗似乎獨立啲，亦唔使面對由富裕變普通家庭嗰種煩惱。
2個讚
同感
我有車但自己一個通常會行路，同仔仔老公一齊先會揸車接（因為三人車費等於時租），買部車喺屋企但情願封塵
個仔就成日有車坐，叫佢行會扭計（10分鐘落山），我都明嘅，佢都唔知時租幾錢，梗係唔識珍惜…