香港人好似比較少真係好窮
冇覺得自己有錢過…
屋村大…
而家仲成日講乜野住屋村先有錢…果D人九成離地冇住過屋村
人生最窮困係細個，住屋村。雖然屋村都有富戶，但我係窮個類。
中學為左慳錢，放學唔撘巴士改行40分鐘返屋企
就係慳個4，5蚊
到出黎做野返工，月薪4500， 糧尾試過想慳車錢飯錢，請sick leave(唔扣錢的)
好采，此情不再。
8個讚
$4500 真係好耐歷史
仲要覺得住公屋會儲到好多錢先無言
講返自己
雖然唔算貧困，但經歷左一年半工讀的生活
AL失敗，決定repeat一年
下午去做part time文員，6pm收工趕返夜校重讀中七
月薪3000蚊，無再問屋企拎錢生活
嗰一年，算係成長的一年
10個讚
中五響社區中心幫手睇小學生功課, 都執返D零用錢咁囉…
成日話公屋租平, 又唔睇下當年幾多人都係搵萬幾蚊養一家幾口
真心環境好少少, 都係D仔女大左D
不過同期都大把人讀到中三, 中五, 自己養自己已經好好啦
反而未結婚前，無太大生活負擔，會俾家用，但食，住屋企，長期返兩份工，會儲到錢。
但婚後有小朋友，無時間返多份工，搬出來住，為左慳住屋開支，好差的環境都同小朋友一齊住過(僭建，落雨屋內滴水)，一直兩公婆都有返工，初時搵得唔多，交完租同俾錢人湊仔，娘家家用之後，已所淨無幾，日日都篤住計數機做人。食同交通都要慳。
幸好，依家捱過左，有時都會同小朋友懷緬返以前住環境，雖然唔理想，但一起經歷都係開心。
9個讚
講嗰啲人有機會住新屋邨，新屋邨有啲人收埋資產去申請，所以有開支同收入不相符。
但有啲根本上為炫富而講，可能佢眼中買個名牌手袋，錶已經喺公屋層面上好有錢，但有錢的人，呢啲野買完都覺得不值一提。
1個讚
暫時無識人窮過我，小時候執阿哥舊衫舊書係基本，學校旅行連交通費都無，照樣要返學，但會係某個課室發呆坐全日。
14歲開始做廚房兼職，先有錢買玩具。
18歲離家獨立後，住 4千蚊劏房，果時叫套房好好聽架。返 6千5蚊外賣仔，包食兩餐，可以儲下錢進修。
到後來有車有樓結埋婚，一個金融海嘯，十年背運開始。今次唔係一支公，我唔食，太太細路都要食。
去碼頭做咕喱拆櫃，我自己返工果餐只食麵包無同太太講。
人生加埋有近半時間都好窮困，不過順景時又順利得很，而家提早退休了。
38個讚
佢地覺得住屋村, 久不久食一次buffet 都係罪咁…香港地駛一千幾百唔係幾大件事嚟
但同好有錢就仲有好大距離
咁偷雞呃人就另計啦, 唔係全部人都係呃人架嘛…
1個讚
當年2500蚊仲可以做到咁多野…而家真係唔得了
1個讚
我冇時冇刻都覺得自己好窮
6個讚
心中富有
2個讚
辛苦你了，相信你同屋企人現在都安享無憂才會提早退休，過去的艱辛回看也是一種人生緞練，才成就現在的你，祝一切安好
4個讚
咁我窮過你。
有時諗，係呢個世界冇錢生咩仔呢？
我細個真係窮到冇得食嗰種，套用你嗰句真係冇識人比我更窮
以家大左都係窮，我冇亂用錢但收入唔高月月清0。
人到中年未發達，開始覺得錢呢樣嘢好煩，日日夜夜要諗點搵錢改善生活。
之前睇過以色列有個地方，啲人唔洗用貨幣，就係嗰度返工生活就得，所有野免費。
好想試下。
9個讚
早幾十年，佢地唔係因為想生仔，只因為冇避孕
我覺得近來啲人先會well plan d
2個讚
坐左一年校巴，阿媽突然話校巴太貴比唔起,小五自己搭巴士返學
中學無乜錢,慳巴士錢行半個鐘返學,就多幾蚊食lunch
中學時要幫手買餸煮飯,街市臨收工會平啲,就六點去街市買餸，買完拿拿臨趕返屋企煮晚餐.
有次返工返到好辛苦又暈暈地,一放工碌番去睇醫生,比醫生鬧,燒到就快40度都仲返工…(唔想扣人工,所以捱到放工時間)
雖然我唔係最窮,但呢啲經歷攪到我個人都好慳，成日比人話咁慳做乜。
而家會駛錢係小朋友度，但自己想買樣野都諗幾十次（例如自已生日想買罐啤酒爽下大約十幾蚊都諗)
6個讚
Same. 我果年係小四，最後仲轉埋學校，由區內一流小學轉去新村校。
細個住屋村冇錢參加學校付費活動，為慳錢午餐食$3麵包或學校$5淨麵，對返學鞋爛咗成年都唔敢同阿媽講，中五就去社區中心幫人補習賺零用… 就算出嚟做嘢頭幾年人工好低，都要比家用同還g/l, 真係一個仙都儲唔到，返工置裝仲用埋大學時嘅積蓄
後來工作越來越順利，好感恩工作上遇到好多貴人好人，我學到好多嘢亦多謝佢哋比機會，慢慢一步一腳印捱到終於唔使再為兩餐發愁。依家諗返以前嘅生活都會覺得好青澀。
5個讚
呢句我都好有共鳴
幾年前爸爸大病我無再返工照顧佢。但我都要食，每月都要交保險。因為咁我都好慳。
雖然爸爸1年幾前離開咗，可能就係嗰段時間慳開，到而家繼續慳。
5個讚
由出細到呢家都好窮。呢家只係生活比細個時環境好少少咁大把。