我父母就係呢種人，會扮窮 R人著數，同埋人哋送嘢比你係expect你要還（好似一種交易），我細個以為人人都係咁，結果出嚟做嘢食晒屎
不過佢哋當年曾經窮到燶，結婚要即場開利是找酒席數，所以所有 R錢嘅機會佢都不會放過
我個仔都係，我老公成日call 車，搞到我仔唔肯行。但我同佢出去就會同佢講，call唔到，行啦
Btw，呢排約食新年飯，啲同輩新戚平時FB成日曬自己飲飲食食，但之前新年飯就唔肯主動俾錢，等啲退休長輩出。一係搵勁貴但又唔捨得叫嘢食，食完都唔知食咗乜。最後我情願我定日子我揀食乜，就算我俾都順氣啲。
我都明明哋你感受，細個屋企又係窮開，由徙置區搬上公屋叫改善咗生活環境，但心理上冇點改變過，阿媽個用錢模式帶嚟嘅陰影揮之不去。細個入到好學校佢完全唔欣賞，俾佢狂鬧，因為唔同區要嘥錢搭車，反問點解唔揀樓下間band 3中學就算，不斷同你講讀到中五好出嚟做嘢。搭車只可以揀無冷氣巴士搭，學校喺山上要駁車上佢叫我行就得，冬天遲天光要摸黑刷牙梳頭，所有生活細節佢通通同錢掛鉤，每一樣對佢嚟講都係浪費，成個童年就係不斷俾佢用錢去衡量同矮化自己價值
好彩成長後環境算ok,而家自己有頭家，心態上對外暫時都仲算平衡到，但對內就久唔久會有種罪惡感，因為眼見雙親仲係過緊清貧生活，佢哋已經唔再係無能力改善，只係拒絕改變，想同佢哋食餐好又鬧，自己一家去旅行又俾佢鬧，明知係佢價值觀有問題，但慢慢自己都會間唔中發作咁質疑自己係咪真係唔應該擁有而家一切
4個讚
我有個小學同學就好似你咁，結果佢傻到就係放棄左間好學校，去左間差既學校。大個出嚟際遇都係麻麻。
其實我父母都係，都係話仲乜要買乜，仲乜曬錢，係佢哋眼中我係好大使，所以自己要調節，唔好只覺得佢哋係岩。
3個讚
咁係佢父母太縱佢，有錢都唔一定係要咁fing
見到呢個post終於忍唔住要開account留言 
我係90後同住新界私樓大
但阿媽會日日講錢，小學係冇早餐食、因為車錢貴所以係幾年都唔會出市區見識下、生日都係食過一次蛋糕咁大把，著衫著二手都係基本野
到中學開始會想扮下靚，問屋企人攞錢買衫可能一年都唔會有$500 budget，返學襪穿晒窿都仲要再著
經過多年匱乏同埋屋企人精神虐待後，我而家冇再搵佢地
同埋好彩自己都有能力搵錢
呢一兩年個人放開d之後，由ok慳家變到會買貴手袋、貴衫，仲會睇專科醫生醫皮膚
我好羨慕d人由細到大有人錫，屋企人會愛護佢同照顧佢需要，所以而家有能力又冇仔女，咁我就將父母對子女既愛心投放係自己身上，能力範圍內都盡量比自己過得好d
12個讚
好多人嘅一生比上一代摧毀左。唔支持不特止，仲要唔比人向上流。
8個讚
呢d 就係學樓上話齋
窮人思維
有能力既時候對自己好d 都好合理 
真係人要為自己而活
而唔係為別人
4個讚
我果時升中學又係類似，老豆話揀學校唔好揀d要搭車既學校，會嘥車錢
不過好彩就係入左果間中學係同區，不過都要行來回都要成粒鐘，最多只可以揀返學或放學果程搭車，發育時期本身已經要食多d，再加埋咁行法又再餓d，果種每日都感覺到既強烈飢餓感真係好難受
父母果種買咩都覺得晒錢，甚至個別窮人買咩都用成本論既想法，其實好錯
如果連自己都覺得自己係一舊石，而唔係一塊玉，咁呢個宇宙都唔會好好呵護自己
另外係成本論果種覺得自己都整到，咁人地就係呃錢，呢種價值觀都好大鑊
如果覺得人地既勞力、手藝、心思、時間係冇價值，咁佢對自己勞力同時間既價值通常都唔會睇得高，呢種想法好易為自己帶來局限，仲影響埋仔女
我都係調節緊呢種想法，亦覺得身邊唔會咁諗既人，做人舒服好多
10個讚
你媽同我媽好似，你都好叻，敢頂住俾佢鬧鬧鬧而堅持要入間好啲既中學，我又係聽埋聽埋嗰啲，讀唔上就出去做收銀，我讀到中七入到U，阿媽話「女仔讀咁多書做乜」，我話「人人都讀剩你唔讀，你想我食蕉?」，即刻無話可說。
拒絕改變又係好中point, 唔肯食餐好，唔肯旅行，一模一樣，上面提到我以前屋企冇洗衣機，其實次次話買次次都鬧，一直至我和哥出咗嚟做嘢（家用絕對俾夠），佢都唔捨得買，直到佢五十肩手痛用唔到手洗衫，我同哥話買部俾佢，佢都鬧鬧鬧鬧，因為個問題唔係在邊個出錢，而係佢根本唔肯轉變，唔肯學按嗰幾個掣，內心嗰浸係佢唔覺得自己值得用好嘢。呢種人就好似自己畫個圈框住自己咁，如果自己唔醒覺自救，一生就係咁過。
8個讚
哇…我哋個阿媽真係好似，我哋有買洗衣機，但佢只會用fing乾個功能，其餘全部手洗，我細個時佢都要求我手洗，理由係慳咗電仲乾淨啲，中間仲有好多嘢，加加埋埋令我一方面好忍得另一角面又好反叛，所以揀中學完全無聽佢講。好彩你有堅持讀埋大學，如果我哋當日無為自己堅持，今日會變成點真係好難想像！
完全唔明佢哋點解用啲唔值得嘅嘢去肯定自己價值，又要不斷否定我哋嘅價值。希望你而家生活安好！
2個讚
我FD堅扮窮,本身佢唔想俾人知佢有層收租樓,點知個新租客有問題,佢先自爆搵我地幫手 
佢自爆完都仲要繼續食飯唔俾錢,我就疏遠左佢,佢明明有返工,層自住樓一早供完,有錢過我仲R飯食
3個讚
我都識個男人講野係咁衰,但係一叫佢請,佢就唔肯,唔會請 
唔係想幫住你個friend，但可能佢都受父母影響所以覺得無問題，犯眾憎都唔知
我當年就係咁，好彩嗰時仲細，有啲大人教我做人唔好咁自私
就好似我屋企人唔俾我繼續讀書一樣囉,以前佢地成日搵我笨又唔認,一齊住時又偷我錢
我唔怪佢既,但係唔會再同佢出街啦,我接受唔到我請佢十次,佢都唔肯請返我一次(我已經有開聲叫佢請返次)
1個讚
我都係80頭，就係為咗小朋友慳埋去咗外國買樓車之後就月月清，兩夫婦唔係專業人士，工作收入都少，所以而家都係繼續好慳，你俾10%屋企都有五位數咁你好高人工
2個讚
窮人思維仲恐怖過窮
就算我哋出身後經濟好左、佢捨得買但唔捨得用、都好似係幾多老人家通病、買好多但仲係用殘既舊既、又唔捨得丟野、搞到自己好慘咁
4個讚
原來你不在香港，咁月月清係正常，好多人都係咁…
我見好多人過到嚟好似大把錢唔使做咁有時都唔啱傾