呢20年啲樓市痴線先攪到公屋咁正
我呢啲以離開到公屋為榮架
8個讚
我諗起有人話自己冇錢比阿媽睇醫生
原來係買左工廈做投資
我真係三隻蝦
1個讚
哈，我有個朋友，後生女，同幾姊妹移英，講到自己幾捱得住個房仔，原來係屋企每個月比幾萬蚊佢哋租倫敦屋，佢個房仔即係佢睡房
有得住咁搵乜工都得啦
而家啲後生真係…有錢仲要攞窮人嘅光環
4個讚
因為佢唔知乜嘢係真窮
“好窮，得架日本車咋”
4個讚
可能佢覺得自己窮因為屋企人淨係租，冇買樓比佢
3個讚
我覺得自己窮呀，細個屋企冇錢買玩具，大個冇錢去外國讀書，唯一比較好彩係唔使住劏房
1個讚
我朋友係英國收租，但都話捱得好辛苦。
對我eD樓都冇概人，真係5識回應。。。
2個讚
唉～
1個讚
我太多年前唔講。我講我近期少少。
啲細路仔細時，個個月交一共七千幾幼稚園學費一個月，老公俾嘅家用，七除八扣，又有時啲細路仔病咗，去睇醫生,個醫生又收得貴。真係無閒錢剩。有次幼稚園搞親子旅行，兩個年級分開搞，按人頭收錢，四個人去一個要五百幾蚊。去晒兩次要千幾。（正一十九幼稚園，搞乜都收錢）
我真係無錢去，就話俾老公知去其中一個，我將另一張旅行通告丟落垃圾桶。我無叫佢出錢，我喺家用俾錢。
之後我奶奶喺我垃圾桶睇到有呢張通告，係咁鬧我。我只可以唔出聲。
好多嘢一言難盡，當時啲細路讀邊間幼稚園、睇邊個醫生、平日煮啲咩飯都唔到我話事。所以慳唔到咩錢。
而家啲細路仔都讀中學，家庭收入都多咗，有件事爆發過之後老爺奶奶都唔太管我哋。我都有份嘢做，算做有少少錢可以自由咁用吓。自己生活都算過得去。
3個讚
係呀，我當時又無大學畢業，都係搵啲港資細公司做。
後尾先半供讀，半供讀時都好唔夠洗，大拿拿讀個學位要成8萬蚊
返夜學最叻去mc donald 用優惠價$5 一包細薯條，$8一個魚柳包，共$13 搞掂晚餐。
4個讚
抱抱你，人生真係好多無奈。
1個讚
細過亞媽成日開口講無錢，但同呢個post 既大家相比，屋企唔叫窮，應該叫理財不善。老豆係大花桶，每月好快洗哂啲錢，我記得啱啱出黎做嘢，我人工少又大錢，真係全副身家得返幾十蚊等出糧。有一日老豆問我攞$100 買餸，我話無，佢以為我有都唔比錢佢嬲左我。依家過左好多年，諗返起都想喊，唔開心在於家人從來無關心過我，個時真係過得好苦，但屋企人成日以為我好有錢，搵得$8000但個個月都要夾作千蚊出去食飯，雖然傷痕補唔返，但好在都過去了。
1個讚
細個嘅年代，身邊冇咩人有錢，但冇比較就唔會覺得自己好慘，人人都係咁生活。
中小學年年著舊校服、用舊書，學校又係屋邨學校，同學老師都唔會俾奇怪眼光睇我呢啲窮人嘅。好彩嘅係，我仲有好心師奶同埋同學俾校服同書我，真係幫咗我好多㗎。
到大個出嚟做嘢，好彩我工作環境好簡單、好樸素，唔使同同事鬥靚、鬥名牌，所以幾十年都好似窮極都唔會俾人睇唔起，至少我冇睇唔起自己呢
8個讚
佢老幾？關佢咩事？鬧返佢啦! 一係比錢一係收聲
2個讚
如果人哋因為窮而睇唔起你嗰啲都唔係好人，唔好上心
4個讚
曬命架嘛？
哈哈，通常睇唔起我呢啲窮人嘅，都係我啲親戚
自從唔來往之後就清靜晒喇
3個讚
我早排睇英國人講crisis of living, 有人話自己有層樓而拿不到allowance, 即時有人跳出來話佢有樓唔需要幫，但當時人即控訴層樓餵唔飽自己兼大把bills 要交，我即時諗起以前香港人成日講的窮得衹有一層樓
我有啲fds移英後覺得自己full pay買到層樓就好勁，住南部又睇唔起其他人，成日講嘢刻刻薄薄咁，我都疏遠
其實窮又點？一個人嘅品格同良知先最重要，雖然咁講老土
4個讚
完全唔覺咁樣好勁，除非佢哋帶住幾千萬過嚟口氣大d啦，否則一般人full pay完都要繼續工作賺生活費㗎
2個讚