同我爸一模一樣
我都成幾十歲，公司中層，兩仔之母，點解我同你一唔啱傾，「頂撞」幾句，就要我回到10歲咁，死求難求你「原諒」？
成件事都好痴線！
1個讚
慈母多敗兒，唔係講d乜。廢仔女十個有九個係仔。
1個讚
完全同意。先諗清楚係咪要轉行
鍾意動物，但如你做獸醫果行，我怕你見到好多醜惡野仲難受喎
其實可以停工一排休息下，然後搵返人工少d但hea d既工，然後工餘去下動物慈善機構做義工，會唔會更好呢？
你而家搵得多，生活質素應該唔差，要降呢，到時飲杯幾十蚊咖啡都可能要諗過度過，可能仲慘
1個讚
好極端嘅例子
- 係海入面， 救自己定救阿爸阿媽先？
- 飛機上嘅安全 示範
都係叫你攪掂自己先幫其他人 - 你有病時， 照顧自己定其他人先？
到咁呢個年齡， 真係應為自己打算先
你自己如果只係啱啱好， 點樣提供良好生活？
假如你有咗情緒病，你仲點去愛身邊嘅人？
先愛自己， 之後再愛別人啦
2個讚
你點醒咗我，孝順唔應該淨係講錢，雖然佢眼中只有錢
錢我過去比得夠有突，時間老實唔算多，因為關係唔好，唔可以單獨相處，但佢有事我都仆心仆命
我話你知佢真係咁諗。佢覺得比錢佢係我嘅責任，唔止要比，仲要有幾多比幾多，而唔係比一個我認為夠嘅數
例如佢日常開支當15000，你比夠20000佢，但如果佢知你人工有10萬，佢會覺得你剩返8萬咁多都唔比多啲佢係對佢唔夠好，就係為咗呢啲一直有積怨
佢唔會理解，因為未病入膏肓，佢好嘅會覺得我無病呻吟，衰嘅會覺得我揾藉口唔比錢佢
1個讚
你講得啱
d阿媽好煩，你俾開大份俾得多就應份
你唔俾，佢嘈兩嘈，可能過一排又同你frd返
兩母女唔洗理其他人閒言閒語
你想點就點
1個讚
兩種我都會試，動物工會，Hea office 都會，但動物義工比較難，因為呢度d farms 好遠，唔容易去，charities 又未必有office 近我
善待自己，每一個人向自己人生負責
樓主年紀都吾細， 搵份無咁壓力大對身心都好， 有時都要為自己而活。 老實如果妳俾少d家用或者吾俾， 妳都要有心理準備俾人講閒話。 我成日都俾我哥暗地裏係其他親戚度唱我， 但我吾會理， 我行得正企得正。 我亦吾駛同任何人交代， 只要我吾貪心同吾欠人， 總有人欣我。
1個讚
沒有對其他人必須負的責任.
你同阿媽係咪一齊住?
講真如果有自己家庭, 都未必照顧到阿媽o個邊原生家庭
你都辛苦左廿幾年, 其實做自己鍾意既野真係冇錯
只需要為自己人生負責
唔會 自己都未搞掂 邊會諗養其他人
你係好媽媽,你體會唔到有D女人真係親情勒索,搾乾個女,同由細到大都唔錫仔女,一有位俾佢入,佢又會黎料…
唔係一齊住呀，住附近咁
樓主，你最緊要保持身心健康。
老母哩家野，你真係唔哂理佢，真係貪得無厭㗎。
你轉份自由喜歡的工，有能力就搬走，家用就象徵式比喇。
我同你情況差不多，我年紀比你還大。由細至大沒有太感受愛，但大學畢業後就識同我計錢。
我四十歲時，當時小朋友已經中一了。有一天我老母仍然用粗口鬧我，我頂唔住，鬧x番佢，嚇到佢死死下，因為我平時係忍佢嘅。
之後到依家，我沒有再見，家用就象徵式過數比佢。
自此，真是多麼的舒暢！
5個讚
多謝你，有同路人明白自己太好了
所以點解有d人 情願覺得比兩老覺得廢 都唔會比佢地知自己搵幾多
永遠都係萬幾兩萬 人生無咁大壓力 
都未計有D人鐘意將自己仔女搵幾多錢周圍唱
話自己搵少D 保心安 唔係一陣親戚都搵你借錢
5個讚