我係咪好不孝,好不負責任

好討厭呢種女皇般嘅阿媽,我朋友阿媽都係咁,佢怨多幾次我都直接講佢咁高高在上係佢一家做成,個個都怕咗佢,寵到有佢講無人講。

2個讚

多謝你:smiling_face_with_tear:

都40幾歲人,好應該為自己而活
阿媽其實都係緣份,緣盡都係要放手
家下又唔係唔比家用,比少D啫

其實唔明點解中國人會用錢嚟衡量孝心,呢到西方人好多要既係關心,例如我隔離屋個婆婆會呻
“哎呀我個女呢幾日都冇個電話比我呀!”
跟住講講吓佢個女打俾佢,佢就笑到見牙唔見眼了
又,講錢我都好不孝,自從做 ftm 之後已經冇個個月比家用,但係大時大節有比,出街食飯飲茶都一定請,複診睇醫生都一定陪,講心唔講金:smiling_face_with_three_hearts:

7個讚

在香港生活,最苦是基本生活求不得。
(人人基本的定義不同,物質上要由豐裕轉一般,要時間適應)

轉行如對自己身心好,真係值得考慮
但行動前可先試調節處事角度、緩解壓力。可能會更兩全其美。
同時,經濟環境差,轉行有一定困難,預咗要熬一段時間,受一啲壓力。

其實你係唔係好後生架咋:joy:見你好多野都自己安排處理好叻
老左又放唔低面子既父母最難相處、你同佢講道理時佢就講親情輩份……

1個讚

你呢個年紀為自己著想一點吧!你比少d家用或吾比你媽吾會生存吾到卦!但你返呢份工咁大壓力好影響個人健康及情緒,其實你係賣緊時間健康,都40+ 做自己喜歡的事情喇。我吾覺得轉工係不考,加油!

1個讚

講金果個係佢,唔係我。如果我媽對我好少少,我會仆心仆命咁為佢,可惜佢唔係

3個讚

我都同我家姐講,我哋好大責任

咁你真係留個錢旁身都冇

未經他人苦,莫勸他人善。
你屋企父慈子孝,樓主屋企只有子/女孝,點類比

11個讚

咁你父母生你出來時,直到你18歲之前有冇確保你有一個有愛嘅環境長大(我已經唔講錢)。
拎張balance sheet出來計的話,唔理物質定情感,你都係付出更多嗰個

3個讚

我頂唔順可能都會離家出走,以後唔見

1個讚

四十幾歲喇,生活係自己嘅,又唔係作奸犯科,為自己係天經地義,宜家唔轉等幾時。
當然你要預咗走出comfort zone係辛苦嘅,無論工作上、家庭關係上,你做好心理準備,調節好就go ahead啦,時間唔等人。

3個讚

首先不用把很多事連埋一齊講。轉行還轉行,比家用還比家用,家人關係還家人關係。
先確定自己決心轉行,然後好好計畫。轉行人工跌又要從頭來過唔易。即使你家人唔反對你,自己都可能會後悔。
至於什麼家用,不孝,不負責任等係次要問題。

14個讚

中國傳統廢老嘅"養兒防老"思想係用"孝"嚟合理化佢地嘅自私價值觀, "孝"係一種好好嘅洗腦&情緒勒索工具. 以前細個問人"孝順"英文係咩, 冇人答到我因為西方文化尊重每個人都係一個獨立個體, 只有人與人之間建立嘅愛同關係, 唔應該有與生俱來對另一個體嘅服從性.
樓主唔好用"孝"與"不孝"去 judge 自己… 淨係問自己愛唔愛你媽媽就夠.
唔愛就唔需要為佢"養兒防老"嘅思想困住自己. 佢要怪只能怪佢投資錯誤.

9個讚

其實你都盡左責 20 年, 所以唔存在不孝,
人要為自己而活著, 而唔係為別人活著…
都照顧下自己身心靈…

2個讚

唔俾就唔俾喇,人工少左咪唔俾囉,邊有話孝唔孝,人都唔想見,仲想要錢係咪諗大左?

1個讚

人生係自己嘅, 你盡咗力去照顧好屋企人啦… 就無謂諗咁多, 坦白講, 就算你唔轉行都唔等於你以後都可以搵咁多, 一個疫症已令好多人明白要珍惜當下… 今日有, 唔等於聽日仲有… 好好愛鍚自己, 搵一條自己想行嘅路… 加油…

如果我係你,轉行呢件事,我除咗諗呀媽,我會諗左自己先

轉左行,人工少左,我有冇足夠積蓄,以防日後需要錢周轉
始終四十幾唔細,真係大大少少點都會有病痛
仲有將來住屋到老,比唔比得起

至於呀媽
佢呢啲老派唔會明工作壓力,淨係覺得有錢點會唔做咁笨,講理想更加係離地
你可以同佢講你身體有毛病,咁可能佢會明啲

不過如果佢唔明,都冇計

祝樓主可以順利處理件事

5個讚

比著我,象徵式都比d,免卻閒言閒語。

1個讚