是咁的，我而家40+。最近想轉行，但轉咗之後就好低人工，比唔到家用娘家。雙親健在
我大學讀大家眼中嘅神科，係我自己揀嘅，一來有興趣，二想揾到錢。我家境好差，我好急於出身幫助家庭
不負所望，過去20多年我事業好順利，所謂順利唔係因為有好老闆有好工，只係人工一直不錯，解決咗家中經濟問題，亦大大改善咗屋企人生活水準
我排中間，我上面家姐揾好少，近幾年只係比有限家用。我一直都比最大份，心甘情願嘅，揾到我無所謂。我下面細佬都好乖，努力工作，近幾年佢人工都不錯，都比好多家用。不過佢好大洗，淨唔到錢。所以如果屋企有事，有大開支，好多時都係大家夾。如果太大份大家夾唔到咁多就我包底。我ok 嘅。我哋三個幾好感情
問題癥結係我媽。我同佢鬧得好僵，而家唔會聯絡，只靠屋企人做中間人。我媽係極度貪錢，重男輕女，我一直都只係搖錢樹，佢唔錫我亦都係大家公認嘅事實。如果我聽佢話受佢控制，我哋關係就會好好，呢個係我出嚟工作之前嘅情況。到我出咗嚟，漸漸知道原來我一直比我媽控制同情緒勒索，我同佢關係愈來愈差。其實佢同大家姐都唔係好，只不過次次鬧完過一排又無事。但我今次唔得，我真係到咗一個唔想再忍嘅地步
而家我要問嘅問題係，如果我轉行，將來比唔到家用雙親，given 我過去20年嘅付出，大家覺唔覺得我好唔負責任好不孝？
我想轉行因為我唔想再咁大壓力，每日都要追追追。我返親工就好緊張，瞓又瞓唔好食又食唔落。我中意小動物，我想做同小動物有關嘅工作，我想過一啲冇咁大壓力嘅生活。我咁樣會唔會好自私？
5個讚
唔會！
你嘅出世唔應該因為要俾家用父母，如果佢哋認為係你嘅責任，係佢哋嘅問題。
你都同阿媽無聯絡，更加唔使擔心。
如果佢或中間人搵你，大可block 咗佢，為自己好好活一次，唔好再俾人情緒勒索到。
10個讚
如果要計數, 你父母養左你廿年, 你之後又養返父母廿幾年, 乜都還夠啦,
趁自己身體同精神都仲唔錯, 追求錢以外嘅野, 下半生為自己而活
10個讚
唔會呀，健康係無價。
你已經養咗廿年家，父母已經賺咗利息。
同埋難得有兄弟姊妹，可以互相補位。
我係一個老人家, 只有一個獨生女, 雖然我都希望子女有孝心, 但養唔養父母就係另一回事, 只不過, 我唔會想靠佢養, 但如果佢會俾錢我, 我都會開心, 多少則不計, 而我和老公一向有自己的儲蓄, 當女兒工作得唔開心, 我都會叫佢辭職返來休息下, 再另外搵過一份. 如果父母要強加子女供養, 的確唔係太好. 但為人子女者亦唔應該做得太絕,畢竟曾經對自己有過養育之恩, 即使鬧翻咗, 亦不用做到直情Block咗佢嘅, 可能此話唔啱有啲人聽, 但為自己活係應該, 而和家人亦無需搞到老死不相往來. 希望盡量能化解心中疑惑.
26個讚
四十幾為自己人生做啲唔會後悔嘅事
反正你阿媽都唔多謝你，咁孝唔孝順無關，當然顧咗自己先
2個讚
因為嗰陣同屋企人關系差左
加上轉左做full time mum, 要計住計住,無乜錢,
而家知道兩老都仲有啲生果金同儲蓄,佢地夠用既,最多過時節比封大利是
我呢20幾年，每次同親我媽講工作好辛苦好大壓力，佢都會話咁你人工高吖嘛！佢都有講過咪唔好做囉，但聽得出係言不由衷，佢唔係想我好過，只係想表現出佢好唔在乎，唔好以為我靠你養，無咗你唔得。佢一直都爭取機會去表現呢個態度
老死不相往還唔係我想揀，我都好唔開心。但佢係唔會反省唔會知衰，無論邊個啱錯，佢每次都要人哋氹佢，仲要唔係普通講返嘢當無事，係要人哋好好聲氣然後佢高高在上繼續比面色你睇，到佢歡喜啦佢咪啋返你。咁樣情況呢20幾30年不斷重複。你當我小氣好乜都好，我真係好難再一次做到將自己擺到一個咁低嘅位置。點解我要好似次一等咁崇拜佢先可以得到「原諒」（明明佢錯）？佢根本都唔珍惜我，覺得我唔蟻佢就寧願無呢個女，係佢揀老死不相往還，我唔揾佢唔係想斷絕關係，只係唔想再一次受傷
15個讚
有 家姐 家姐賺到錢 有比既
仲有一個細佬,佢唔太生性,唔工作,阿媽成日將生果金啲錢比埋佢駛,咁即係其實佢地夠錢啦,唔係一早叫左細佬出去搵工。
我地三個感情好一般。
而家我仲過左黎英國,都靠佢兩個頂住先。
認真,你都孝順左咁多年,做自己開心既野係好正路,唔需要覺得不孝。
2個讚
我覺得子女無責任俾良好既生活質素父母、但始終上一代養兒防老、肯定無左你份家用佢哋生活到就叫過到自己。
其實你俾左咁多年大份家用算係咁、佢地都唔可以只當你搵錢工具唔顧你精神健康、白啲講都還突啦、就算係自私又無害人、中國人社會成日將子女壓到好低、其實好唔健康、你4x先爆都算遲、唔好俾個孝字綁死自己
3個讚
如果要嬲就唔會係因為唔俾錢, 而係當你有需要佢幫手時唔肯幫, 咁就會唔高興, 但亦唔會太耐嘅. 可能我嘅家庭一向都係行個人經濟獨立, 互不干涉各人嘅銀行存款同收入, 如果有需要幫手周轉下都有商量(雖然從未發生過). 其實全家人都性格頗獨立, 所以唔會有類似的問題. 遇到真係自己搞唔掂嘅情況, 也會想辦法拆掂佢, 包括學電腦都係自己來, 有新功能唔識就會請教仔女, 再慢慢自己摸熟.
A_lcy
20
家家本經都唔同，父母老年仲想有子女陪伴嘅，亦要回想自己之前做過嘅事。block 咗佢只係希望自己唔好再俾人情緒勒索、俾呢種負能量影響到自己。如果個case 係父母打嚟只係不停鬧、不停怨，唔避開佢可以點？唔係個個老人家都開通識諗，你同佢解釋佢就會聽會明。
4個讚