到後來我加人工都唔再講，佢眼內只見到錢，見唔到我要為呢舊錢所付出嘅代價。壓力啦，工時長啦，仲有要交稅呢，仲有儲定退休要用嘅錢呢。佢唔會諗呢啲，因為佢習慣無錢就問人借，無錢就唔還。我同佢嘅對話係咁嘅：
我：工作好辛苦，好大壓力
佢：咁你人工又多過人哋啫
我：其實我要交好多稅（都唔係講要減家用，只係想呻）
佢：你本事吖嘛！
我：我唔似得你咁好彩有仔女養，我都要自己儲返d錢旁身，將來有事邊個理我？
佢：（唔出聲，因為無得駁）
以前話佢知幾錢人工，因為屋企好窮，佢慘嘅，捱得辛苦。所以以前真係有幾多就比幾多佢。但慢慢耐咗，明明比好多都仲有說話聽，就知道就算生活幾好佢都唔會滿足，仲不停壓搾我
佢夠膽死叫我成份人工比晒佢然後佢再比錢我用，我果陣以為自己聽錯，佢夠薑咁講，你話果陣我比佢控制得幾利害吖
帶飯又話要另外加錢，買咗m巾又話要比返錢，dklm 我比過萬家用，你同我計幾十蚊？
你好忍得，我由第一次加人工就無講過佢知，當時我由temp轉做contract，加左幾千蚊
但你想像唔到啲人恨錢就乜都做得出，就喺我加左人工一個月，佢就已經估到我簽左約，然後用趕我去瞓街做藉口迫我俾家用，佢係唔會體諒你搵得幾千蚊仲要每日由 大西北出九龍返工既使費，以及要自己負責搞掂三餐的費用
如果關係普通
自己覺得做左，合理就得lu
唔使理佢想點
愛自己好緊要
好過份喎！咁你點？而家關係如何？
同意。
我睇哂咁多，有種感覺，希望樓主唔會覺得好難聽：
樓主40+ 了，自己的人生自己負責，轉或唔轉工嘅後果一定係自己負責，將來千祈唔好賴落阿媽。
無聯絡，我無法忘記佢以前點對我
果次之後我都有加一兩次人工，但我一次都無同佢講了
去到廿幾歲時，識左而家個老公，佢買定樓等我嫁
咁我就喺一次佢再次要脅我趕我走時真係走左了
有時聽到呢啲咁荒謬的事都真係覺得人性好恐佈.
但係聽到你地擺脫呢啲事又好鄧你地高興.
我都覺得我一搬走就拜拜你條尾
你無嘢可以再煩我，電話同見面都係啱就聯絡下。。。唔啱你唔會揾到我
個人會輕鬆好多
完全講中我嘅心聲
我爸就係越老越要面子，以為自己好叻點點點，但其實係一個退休差佬，冇錢冇本事
淨係識要身邊人俾面佢，佢一覺得你唔夠尊重佢就會發爛渣，完全係自卑心作祟，但有事又會搵我幫手，我幫完佢又會自帶冠冕
佢好彩有我阿媽咁愛佢，乜都幫佢講，如果我阿媽有日行先，我諗我都唔會搵佢
唔好介意：嗰個職業嘅男人全部興physical/mental 虐待屋企人
我冇乜見得佢哋屋企人冇精神創傷嘅，我接觸過五個家庭左右
但個個覺得自己好勁好有料，唔知仲以為全個香港靠佢哋咁
我唔會介意，佢哋呢啲真係暴力行先，對自己仔女都係咁，一係就爛滾，差佬只係有牌爛仔一個
已經養左二十年、一點也不過份。及現在不是刻意不養、係你真的想轉工、為自己及身邊打算。我比我媽的家用、佢一直儲起、也是在結婚、移民、生仔等地方用返係我及仔女身上。父母生仔女出來不是為家用吧
你阿媽對你咁差，你盡孝左廿幾年有乜都還清。
人生都過咗起碼一半，仲唔幫自己諗咁儍
同意你嘅講法, 因為始終只係他人的家事. 俗話都有講：清官難斷家務事. 但每位朋友在此講嘅都只不過係自己的睇法啫, 並唔見有邊位係想要教人點做至啱, 其實我都係以自身經歷現身說法, 作為為人母親, 性格也是跟隨年齡嘅增長, 同仔女的性格慢慢磨合, 尤其到了年過七旬, 更係睇化好多, 過去的強人火暴性格亦收劎咗好多, 由此得出嘅心得就係：凡事唔好太過執著, 一定要摒棄家長的身份, 改換為朋友方式相處, 邊個講得啱就聽邊個嘅, 時代不斷發展, 後生的好多技能真係值得長者去學, 就算有頂撞, 其中一方先行退讓行開, 等氣落咗就會無事, 有時平靜落來再諗下, 亦都會覺得對方是有一定道理嘅, 一人退一步就會海闊天空啦.
快啲轉工，人生苦短
該主題在最後一個回覆創建後90天后自動關閉。不再允許新的回覆。