出得16k 又要呢樣又要果樣
其實有咩問題？返工唔開心就緊係走啦(除非唔撈第二日無飯食就話啫)。
我識個朋友，十幾年前已經話份工唔開心(其實嗰時仲係廿幾歲，出面大把機會)，但個人成日驚依樣驚嗰樣唔敢quit，最後呻咗十年就變咗精神病同身體差晒
到宜家都係鬱鬱不得志咁樣。
2個讚
香港人奴性太重
返工搞到自己有情緒病值得咩
如果返工返到咁，即係份工已經唔再適合，完全唔係做緊自己專長，咁早啲轉工轉行都係好事
唔通仲要好似以前個年代咁阿信的故事，唔啱做都要頂硬上，好似以前個年代啲人喺啲膠花廠度整膠花整足50年先至叫做有出息？
3個讚
公務員或者會嘅，轉唔返出嚟
少少苦楚等於激勵…點知去到30歲仲係地底泥比老鬼攪
虧你仲自我感覺良好
香港咁嘅職場文化其實真係好唔健康
你其實有冇諗過係你管理有問題？點解你可以容許到畢業唔夠一年嘅靚仔，可以因為做錯嘢而令到全公司OT到三更半夜？佢先畢業得一年你唔睇緊啲？
我自己嘅下屬有啲話頭醒尾，有啲資質非常之平庸一開始成日有 careless mistakes，有時我係好激心，但係都未試過鬧人，莫講話搞到人哋難受同喊。
我一開始已經觀察到佢嘅問題，所以一定會放多啲時間去check佢嘅嘢
然後都教識佢點樣逐個逐個step check返自己有咩錯，同埋好冷靜咁樣展示左俾佢睇點樣因為小小嘅錯，會令到人哋抹煞左佢嘅功勞。
久而久之佢做嘢成熟咗，又積極左，我亦都check少咗佢
但去到一啲影響性大嘅task 都會睇得好緊
我都周圍同人講，如果我下屬做錯嘢我都有一定程度嘅責任
所以我好鄙視一啲上司，下屬做錯嘢就發晒癲咁。不如話你自己唔識教
17個讚
你都講得啱
3個讚
係喎，我以前啲阿姐卸膊我都一定串佢添
1個讚
最慘變態女人日日都心情唔好
佢班下屬好似音樂椅咁， 輪住被佢鬧， 總之點做佢都有野話你
2個讚
職場上遇著你真係好幸運。我見好少上司有耐性教人，或者願意比時間人改善。反而覺得下面既人唔岩用，就同hr講換人，同時迫下屬走。
換下屬如換衣服
4個讚
我唔想仔女轉工嘅父母
有部分人只係驚仔女量地冇咗份家用
1個讚
exactly, 即使工作表現ok, 都可以由衣著入手講你，總之點都有位入。
所以我成日都話性格決定命運
你點對人，人點對你
其實只要唔好係職場上面睇自己嘅地位睇得太重，人同人之間嘅關係其實真係重要過做啱或者做錯一件事好多。
同埋或者我好自信啦，就算真係我下屬或者我同事做錯嘢，只要我夠冷靜，次次都會解決到而唔需要搵人孭鑊。然後啲關係同 reputation 就係咁樣儲返嚟。
1個讚
串得好啦，成熟啲諗，如果你阿姐走去同佢老細講話佢條𡃁做錯嘢，你估啲高層點睇佢先
到底係你阿姐呢個管理層大獲啲定係你大獲啲？
1個讚
似，同埋有啲阿媽一世都返過幾多份工，就響度教仔女辦公室生存之道
老闆心水清先得咋
2個讚
如果工作同心目中有偏差而自己接受唔到、不停OT, 工作量過重，如果係我自己仔女都會勸佢辭職搵過份。
OT唔係代表勤力，只係代表果個人能力唔升任份工，或果份工嘅工作量不合理。我係反對OT嘅，準時收工、有私人時間先係健康同可長遠咁做落去。所以就算係team leader我自己都盡量準時閃人，真係有嘢做遲咗都盡量唔過七點。最初我team都有人覺得唔可以早走過我，又或者扮勤力而OT，但響日積月累嘅影響下，大家都漸漸習慣準時收工，反而令工作時間內大家都更集中更有效率。
另外鬧人呢…我真係未試過鬧下屬。鬧人自己果下係發洩咗，可能好爽，但好影響成team人嘅氣氛。如果果個人係唔岩嘅，我寧願請佢走。山水有相逢又好，大家都有阿媽生又好，今日我有「條件」鬧人係因為我高職位啲，但唔代表咁做係岩同道德。下屬做錯嘢講到尾都係因為我監管不力，我寧願一齊補鑊好過鬧到佢走。
11個讚
管理理念相同。
每個人都實有唔同才能，放佢響邊個位就考管理層功力。而且人嚟架嘛實會做錯嘢，將錯誤影響減到最低咪就係team leader嘅作用囉。
對下屬同對仔女其實幾似，多啲教多啲鼓勵，佢哋有信心自然做得好，可以分擔多啲我嘅工作。成日比人鬧到冇信心，鬼會做得好咩。到鬧走咗又要請過個由頭教… 分分鐘仲麻煩。
6個讚
我公司都係，已唔敢接太多，冇人手，久而久之發覺原來唔需要追得太趕都生存到，以前咁辛苦唔知為乜，又唔係會發達。