該女網民於網上討論區發文，指兒子最近找到一份全職工作，首星期工作沒有問題，每天都準時下班。但最近情況開始有變，除了察覺到兒子愈見不開心外，下班時間亦愈來愈晚。女網民指平常會留下飯菜和等候兒子回家，但有一次等到淩晨兩點多仍未見他回家，對方又沒有回覆信息，令她擔心不已。
其後，終於等到兒子回家。由於兒子雙眼通紅，因此女網民相信他剛哭過。當問及情況時兒子立即大哭，女網民以為兒子剛失戀所致。怎料他大吐苦水，指工作和想像中有頗大出入，需要不停超時工作，工作量也很大。此時女網民才恍然大悟。
女網民指，作為母親只希望子女開開心心，工作順利如意。因此向兒子表示，假若工作得不開心就辭職。兒子卻搖頭指，如果辭職就不能供養母親，所以希望堅持再支撐一下，因此她只好在背後默默支持和打氣。
事件引起網民熱議。有網民批評女網民過於寵溺兒子，「返工唔開心就唔返工，咁做人唔開心咪唔做人？我覺得你個仔都成熟過你」、「港孩就係咁養成」、「媽與媽寶的故事」，「你個仔拒絶辭職，反而識諗過你」；亦有網民同情其子，「耐心安撫，尊重佢自己既選擇」、「捱下苦難免，不過最重要係要佢知道路唔係只得一條，真係接受唔到就試下另一條路啦」。
我都明網民既反應…
但我可能自己工作都做到好失意… 我真係覺得如果返工再努力都好, 只換到唔開心… 其實真係好痛苦
我爸媽都咁同我講ga wo. 仲要我一ot 就覺得公司虐待緊我，想我轉工。
上一代d 長輩真係咁諗
有位長輩親戚做開工廠
佢會覺得OT一定係有錢既
唔會理解文職有d 工作係要自己無償OT 去追deadline
死啦，我最近都鬧到個剛畢業唔夠1年嘅𡃁仔鬧到佢匿埋廁所喊添（出來眼紅紅，其他assistants 要安慰佢），個次真係全公司做到2點咖……，我公司又真係長期人手不足，個個OT 到半夜三更。
如果我仔女長期做到三更半夜又唔開心，我都會叫佢轉工
我初時睇focus咗喺佢個仔‘’立即大哭‘’嗰度，唔係話男仔唔可以喊，但的確有少少媽寶feel，因我以為大多數男仔唔想屋企人煩或擔心，唔開心會唔多出聲。
不過，人生苦短，真係咁唔開心，計過度過ok嘅咪東家唔打打西家囉，唔好嘥時間。阿媽句唔開心就辭職係無問題，幾正常。
仲要俾人鬧，真係太誇張。
已經唔關年紀、捱唔捱得事。喺外國你間公司犯哂法。
係啦~
我都唔明
如果係個仔上黎BD 度
開post 寫佢番呢份工唔開心
番左兩個星期已經番到兩點先收工
又做唔晒d 野
我相信呢度d 會員都會支持佢騎牛搵馬
咁佢做錯嘢，全村人陪佢做多幾個鐘，我做上司都會火咖……。
（我地 assistant 嘅 post OT有錢咖，約$100/hr ，算係小小補償）
係囉，個重點係佢唔開心，如果開心或者覺得有發展嘅，後生仔好願意去捱夜都唔出奇。
但如果只係普通打份工，OT無錢份工又無發展，只要屋企唔係旨意佢份糧，就趁早轉公司好過啦～
上網大把花生友，一見到就一定係後生問題、阿媽竉仔，都無人知究竟份工係咪真係好辛苦、同合理。
其實做錯嘢好正常，人嚟都會攰。
我覺得睇做錯野條友既工作態度
如果係我講過d 野點做
佢又唔自己抄低點做
最後做錯累街坊都抵俾人話?
同埋睇佢知道做錯後係咩反應
如果只屬無心之失
可能係經驗唔夠或者太大workload
咁我又唔會責怪太多
吃得苦中苦呢啲說話只係奴化人，
份工太辛苦，我呢個中女唔會爆喊，但一定走人。
諗起以前亡國有人話車程太遠想轉工，當然有人鬧，最搞笑有條友話自己搭車期間會睇文件，善用時間wor
我假設 辭職 之後係 轉工／轉公司， 咁有咩問題?
我有幾份工作都因為做得唔開心辭職，
反而比媽咪話你份份工都做到唔開心，
邊有禁多份工比你去轉呀？
一係就話做得唔開心，係你能力既問題。
你只覺得上司針對你一個，
又唔見佢針對其他人。
點解你唔自己反醒下。
一係我做得辛苦。
番黎會同我講。
有邊個賺錢唔辛苦，
唔洗養家。 
好彩依家份工做得開心 
我舊公司有個變態女人， 日日鬧佢條team個一男一女， 個女仔坐我前面， 成日喊， 又吾係做錯野， 都要被條八婆鬧，已日日做足12個鐘。 我吾做時， 我同佢講如果我係妳阿媽， 我就黎公司接妳走同resign.
原來係你⋯⋯
(講吓笑啫）
好慘~~~
即係變態女人心情唔好就搵野黎鬧佢咁?