一個永也難忘陰影式嘅干預，我發現原來佢口中嘅為我好，就係千祈唔好拖累佢
係愛呀！
我自己都學習中。我係好放手俾我仔行自己嘅人生路，但心底都希望阿仔尊重我，隨時隨地告訴我佢嘅近況。
1個讚
我見干預大家的人都是家人/親戚
我卻是我的上司
我去旅行搭夜機，又話帶住小朋友會好辛苦，不停叫我轉早機，好彩我已經買咗機票。
同事去黃金海岸酒店，佢又話酒店舊，叫人轉另一間，但唔係人人好似佢咁有錢，可以住四季等五星級酒店。
同事喉嚨唔舒服，就話人一定中咗武肺，因為佢之前中都是這些病徵，之後同事去做檢測，冇事。
仲有好多好多，我上司仲煩過我家人，所以我都學識少說話多做事，唔講咁多嘢俾佢知，不過佢見我請假又會問我去邊
1個讚
其實唔在影響別人嘅情況下，自己做選擇都冇咩問題，不過真係唔知老人家諗咩
咁似我老闆嘅。又係好鬼煩。
1個讚
因為年紀大, 佢哋唔再係主導, 覺得無晒存在感, 所以要控制住D嘢嚟搵存在感…
好同意你嘅做法, 我都做咗阿媽20+啦… 我個女除咗幼小學係我自決, 其他事我都俾返佢決定, 每次佢問我意見, 我都只係用我人生經驗話佢知, 佢決定嘅嘢會可能出現咩結果… 只要"唔犯法, 唔危害條命", 佢想點做都可以go ahead… 最多咪跌低再起身… 呢個都係人生一部份…
4個讚
呢d人係控制狂, 鍾意你咩都聽晒佢話, 你敢講一句就話都係為你好先咁做
係~
最討厭就係表面話自己開通
唔會干預
實際就想你follow 佢做法果d 長輩
eg 我奶奶果陣又話唔心急要我地生BB
但行為上已經係催
個個星期都問我係咪去睇中醫
又一日send 十幾次whatsapp 黎教我要點樣改善生活習慣先可以有BB
呢d 根本唔係關心係干預
1個讚
我父母都俾好多自由度我，所以初初結婚同奶奶住，都覺得好難適應，連買件衫、食包薯片都會有說話聽，佢得閒又會拎返呢啲小事出嚟講，真係好怕呢類人。
2個讚
係咪我老母其實有另外一頭住家?
點解你媽同我老母一樣架?! 佢又係鍾意買嘢再硬塞俾我.
衣夾、小朋友玩具&衫、內衣褲、毛巾、食物 (寫簡體字)、廚具、大人衫(應該係淘寶買俾自己但發現唔啱 size / 唔啱心水)… 總之你諗到嘅佢都會不停買不停拎過嚟. 每次都一大袋要用手拉車仔先拎得到咁多.
我唔想喺小朋友面前話佢, 只係黑面, whatsapp 同過佢講, 佢亦知道我唔鍾意, 但佢就係要享受購物嘅樂趣, 然後要人幫佢處理過多嘅物資. 本身買嘢嘅心態只係為自己開心, 對方有冇用, 鍾唔鍾意一啲都唔重要, 反正佢買咗咩佢都唔會記得. 而我每次掉啲嘢就要承擔製造大量廢物落堆填區嘅內疚感. 對我真係好唔公平.
你上司係咪啲同家人好疏離嘅老女人? 呢啲似係只能多管別人閒事嚟證明自己重要嘅人
1個讚
我上司結咗婚有一個女，不過讀國際學校，所以平時很得閒。
正如你所講，佢覺得自己好重要，因為佢覺得自己好叻，做佢下屬，完全感覺到佢看不起我們，覺得我們蠢，佢要逼我哋跟從佢那一套。
正如佢打齊咗針，就成日迫我地打。佢會話：「如果政府宣布唔打齊3針，五年都冇得堂食，你仲打唔打？」
又問我地：「之前打已打2針有事咩？（上年政府向我公司迫針），做咩唔打埋第三針…」
很多時我地都覺佢井底，想串返佢，奈何佢掌管住我人工的生死大權，唯有由她自吹自擂，我地禮貌地敷衍算數
1個讚
好欣賞你果句佢只係想享受購物的樂趣、唔用又話你浪費、衰啲講你駛自己錢都話、仲要好似好慈愛咁
同意呀
開口埋口話幫你為你好
然後用自己嘅標準去做你間屋嘅嘢
唔俾佢上嚟又話依家係咪要斷絕關係呀咁
我屋企長老A係嗰啲，問小朋友肚唔肚餓
小朋友話啱啱食完嘢，唔肚餓
轉頭就煮碗麵出嚟，話你肚餓架喇，快啲食咗碗麵佢
小朋友唔識反抗，就會話「拿，佢食喇，我都話佢餓架啦」
長老B係嗰啲，裝修整傢俬要你搵公司C，因為佢覺得好
整到一pat屎係咁投訴番俾佢聽
佢當聽唔到繼續吹奏間公司
話係你唔好彩，撞手神個師父整得唔好姐
所以我決定唔理佢，佢間屋要裝修搵返公司C係佢嘅事
但最終佢又縮沙無搵，搵咗公司D
然後又不斷彈公司D，話早知用返公司C
某程度我唔同意，有得揀我寧願父母起我細果時干預下我人生，
幫我揀間好既學校，幫我搵補習老師，教我點行將來既路……
我父母就係唔太理我，成長時行咗好多冤枉路
所唯老人家食鹽多過你食米，佢地比肯意見你岩咪聽，唔岩咪聽左就算
2個讚
但先決條件係佢有能力同揀得啱你喎
2個讚
呢啲唔係干預，係比最好同你最想要嘅嘢你
2個讚
絕對同意… 唔識扮四條… 你follow完佢有咩事, 都係你自己執手尾… 真係咪搞…
我奶奶個時都係咁, 唔同住個時返去佢度食飯, 佢就
整多隻雞又生果要我地帶走, 初時見都整左係度就攞,
後黎越比越多, 好在老公怕攞嘢係咁閙奶奶加唔攞之
後先至唔再比嘢我地.