好多長輩習慣不負責地干預別人嘅人生，佢哋唔係成功人士，但持住自己社會經驗好唔責任咁強迫/干預別人揀科、揀朋友、揀興趣、揀時間點用，到你聽佢之後後果唔理想，佢推卸話係你自己嘅問題，全程唔會關心你，呢啲害人嘅長輩好多時係父母，真心話 -「不干預別人嘅人生也是禮貌」
21個讚
唔使住我嘅地方、唔使食我嘅、唔使我交學費、唔使我幫你洗衫、你開完大唔使我洗廁所、生個B 唔使我湊…，放手唔理你，我無問題
4個讚
奶奶都喺呢類人，佢把自己的生活習慣硬要你跟，坐月的時候，要你食隔夜餸，食爛啲菜， 醃製三日嘅肉用嚟煲湯比你飲。唔食就好似我個仔食都喺咁食大，點解你唔食， 坐月生仔嘟啫，乜你咁大牌。
對住佢地都係保持一定距離，唔好欠佢哋人情，關係都會好啲
喺佢地眼中，自己永遠多你幾十年做人經驗，講唔過佢地
4個讚
一開始就唔應該聽啦，成人應該自己做選擇。
1個讚
講出自己決定，就話你逃避困難，再揀其他就話你唔明社會生存方法，話你無主見冇論點，最終目的要你揀佢心目中嘅答案。
學業、興趣、時間通通冇得say, 「從來冇得揀，後果就係我一個人承擔，搞唔掂就話你冇努力，又係我嘅錯」，莫名其妙好討厭被迫揀嘅嘢，討厭到瞓唔著，從來冇用心去了解我，自己又唔係成功例子，不自量力扮晒嘢害咗人，「唔該比啲禮貌、比啲尊重，唔好干預我嘅人生」
因為學費係你交，所以讀嗰只可以聽話冇得say？
1個讚
18歲後，完成基本教育，有自立能力，便能過自己想要的人生。
2個讚
講到仔女食你住食就要干預人地人生，咁真係攪唔掂
當然細路果時就可能要啦
我老爺奶奶都係咁，干預咗我同我啲小朋友十年。
而家無再干預了。
1個讚
唔會比佢哋就範，我阿媽就係呢種人，我用廿年時間令佢不斷嘗試失敗，亦比佢知道我搬出去住係呢世人最重要事情之一
之後感情反而好咗，唔會鬧交
8個讚
我覺得要睇情況，同埋嚴格黎講係干預唔到，例如選科最後交表既都係你自己，你死都要揀個科佢耐得你何咩？例如揀朋友，如果你朋友吸毒作奸犯科，相信冇家長唔會"干預"
至於揀興趣，如果自己出錢佢點干預，如果家長出錢，雞脾打人牙鉸軟，最多你咪話唔去興趣班。
18歲之前，如果話父母干預都算。
18歲之後，成年人，自己獨立到冇人干預到你。
1個讚
我都係咁，其實最緊要係自己獨立到，唔同住佢想干預都係當佢唱歌。
我最怕係又要靠人同住又要嫌3嫌4個款人，又要靠人湊b又多多要求，個d 都見唔少。
2個讚
贊同，唔洗靠人嘅話，就算人哋干預都可以當耳邊風。但如果要靠人先生活到，現實講係好難擺脫人嘅干預。當然可以好大義凜然咁講唔通比佢養比佢幫就一定要接受佢哋干預咩？但事實上如果人哋養緊自己，鬧都唔敢咁大聲啦。有骨氣唔接受人幫助先有條件反抗。
3個讚
唔使靠佢，我連俾佢發噏風嘅機會都唔俾佢，大不了咪唔見唔聯絡，樂得安靜。
1個讚
係呀係呀
唉，可惜我到近年先至領會到真係唔應該信佢哋
因為我阿媽對我訓練有素，我唔會比任何人干我，包括我老公
To live free or to die
1個讚
.其實係⋯⋯偏偏冇自立能力被操控
寄人籬下，靠長老係咪多
有樣嘢叫情緒勒索、群眾壓力加一哭二鬧真係賣佢怕、唔係次次成功但都夠玩死
4個讚