咁真係要自己個人硬淨d，退讓一次就會有下次，反正冇嘢要靠佢冇嘢好驚得罪佢。
5個讚
我既底線係我d細路、好討厭佢哋用上一代教法、仲沾沾自喜覺得自己做得好
1個讚
我講個例子你聽，我朋友個仔 DSE 成績唔好，話要去澳洲讀，fine 阿媽供，但佢仔要讀 言語治療，真係好奇怪，DSE 英文都唔及格，去英文係母語嘅地方讀 言語治療？都fine ，佢媽都供，但佢仔foundation year 都未讀完、又話唔想係澳洲讀，要去唔知美國定英國讀…，佢仔真係以為佢阿媽搵錢好容易，真係唔知佢阿媽返工要幾揸頸就命為咗保住份工供個仔外國讀？你話做阿媽嘅要唔要干涉仔女讀書嘅事？
當然啦，阿仔完全要聽阿媽話、同阿媽完全就哂個仔，都係極端嘅case 。關係好的，自然互相信任對方嘅意見。
11個讚
同意呀。
最慘係，我自己出嚟搵錢搬走仲要干預我。
係咁買衫俾我，講咗唔要，勸又試過，罵又試過。因為環保我唯有照著，20年都無機會自己買衫。後來搵到機構捐贈，都捐唔切，結果我都係當佢面丟入垃圾桶。佢就話「我送俾你工人咋嘛」繼續買衫去我屋企，我又唔可以丟俾工人嘅禮物，就變咗成日做佢哋中間人，後嚟我直接發脾氣，有衫自己俾工人，唔好再俾我，否則都係垃圾桶見。
係咁買好大件嘅玩具俾我小朋友，我屋企無咁多位放，我就規定，所有玩具只準放佢屋企。佢用小朋友好慘勒索我，我照係小朋友面前講明唔俾，先可以阻止到佢。
講咗唔好幫我清潔，細個間屋係佢嘅，我無得反抗。我大過搬出嚟住，仲要裝飾我屋企，俾大大件聖誕樹嚟。我好憎節日裝飾，好憎佢未問過我就掂我間屋，都係唔聽。我講明佢裝飾任何嘢，我都會丟入垃圾桶，佢先肯停。
我買樓，無問過佢任何錢，慢慢揀。佢睇唔過眼我哋睇咁耐，就話幫我哋買間，係佢屋企旁邊。我先至唔洗佢幫我買！我同老公嬲得濟，即刻睇中買咗間遠啲嘅。
開頭因為要佢幫手湊仔，真係好多嘢唔敢推。於是我用呢個做動力，自己湊返曬，唔再搵佢幫手，就可以理直氣壯拒絕佢。
6個讚
你呢個case ，你媽又太過了。仔女步入成年後，生活重心就唔應該圍住仔女轉，應該要有另外自己嘅生活，保持大家舒服嘅距離
佢自己都係咁講架，話其他媽媽成日黐仔女唔好，佢自己仲好多朋友。
不過佢有口話人，無口話自己。
至於樓主，用呢個作為自己努力獨立嘅動力啦。當個學費係自己俾，就讀咩科都得。當間屋係自己俾錢自己出嚟住，就點處置日常生活，父母都理唔到。
否則係要忍一排架啦。我有個朋友好極端，出嚟做嘢 返工，但返屋企幾點又管，否則反鎖。幾點沖涼又管，否則熄水。
2個讚
其實講干預，最錯就只有結婚早年，被誤導而低市價地租住老爺奶奶嘅物業。就算唔同住，都完全感受到寄人籬下嗰種絕望。好在之後搬走咗，連呼吸都暢快啲!
然後，搬走咗就成日話低價套現兼折讓自己物業。再唔係就租客走咗，就問點解而家俾得呢個$$$，都唔租佢地嗰度。然後唔知邊度嚟嘅奇想，死屈我地生活困難，完全講到唔靠佢地，我一家就要瞓街咁款。
有時覺得，如只應付一邊長老，都可能易過啲。個問題係，自己仲有個要叻要醒要贏嘅外家，樣樣野都想顯示自己嘅好，事實係佢地都一團糟，仲長期想教你做野講野。
好在自己有好好長大，唔係跟著佢地啲思維，出晒事啦。
好在由小朋友出世，已決心唔會俾佢地任何一方湊，免得佢地介入我地生活，揸頸就命。總之保持禮貌距離就啱喇。
2個讚
只要你肯企硬，唔會有人干預到，我死唔信佢哋夠膽反面
老人家都好多講一套做一套。我99由我第一次見佢就問我幾錢人工， 就知佢咩料， 打親電話黎都問我有冇煮飯， 驚我餓親佢個仔。 我仔補習佢又要管。 從來財政都無打攪佢， 都一樣咩都要管
1個讚
岩呀！ 所以我屋企同外家我都係講道理， 吾岩聽咪吾搵一排囉
人工我唔會講佢知
我又唔係要佢養，佢又唔係要我養
最怕呢啲懶係比左恩惠咁
1個讚
我當時無講， 笑下算， 不過都打個突
長期都要知妳有幾多身家咁。 連我姑仔都係咁， 不停套口風， 我供完層樓未。 我又問埋我哥d身家。 我有次好認真講， 妳吾好再問， 其實關妳咩事呢
3個讚
呢類人溝通唔到
我周不時都提自己唔好做同樣嘅事
1個讚
睇字都完全感受到個種絕望！我長輩都有提議過租物業俾我哋（佢哋又提議過住隔離，又提議過賣車俾我哋，好多提議），好彩無應承
如果寫呢堆心聲嘅係位高中生，
所提到嘅學業、朋友、興趣、生活日常都同父母不相徑庭，
個情況會唔會一樣？
其實好多做人父母， 做夫婦， 做仔女嘅都分唔清干涉同關心。
4個讚
老一輩都係好有控制慾
3個讚
咁似我媽既、係外人面前講到自己幾開通
以前都留面唔篤爆佢、有時真係頂唔順、講事實就黑面
2個讚
我都驚自己唔識、尤其而家既小朋友好有主見、女都仲好啲、我仔好細已經嫌我煩、我媽就話係我「放縱」既後果
2個讚