Control freak, 控制狂, 指的是試圖支配週遭一切事情的做法的人
我遇過一個, 好彩只係上司唔係長輩
佢細至我飲咩(咖啡, 檸茶), 著咩衫, 頭髮長短, 甚至點同老公相處佢都會有意見, 會話佢飲嗰啲著嗰啲同老公相處嗰啲方法先係啱先係健康先係成功同合理.
咁當然佢點講我唔會理, 只係心理面講句’關你x事’.
最慘係你跟咗佢去做，點知唔work，佢仲話你冇用、跟唔足佢嘅指示，總之贏嘅就係佢啱，錯嘅點都係你錯，佢永遠立於不敗之地。
2個讚
你要A，佢永遠懷疑你揀A嘅理由，逃避困難、想生活容易啲過…再勸你揀B, C, D, 從來冇關心過你點解要揀A，人生係我嘅，點解淨係唔俾我揀自己想要嘅嘢？
我以前請假結婚個老闆仲話：「24歲結婚咁早無好結果，你睇吓乜同事18歲就結婚，三十歲就離婚帶住個小朋友就知啦⋯⋯」
佢都痴孖筋～～～
咁似我腦細，之前發生咗啲事，佢叫我快啲離婚，趁仲後生搵過個。