我同老公感情一直好好，但最近佢份工轉左老細，新老細超癲，成日OT，就算返到屋企食完晚飯，又要開電腦瘋狂趕工。朝早七點出門，夜晚八點返，九點又開工，十一點半訓。我地有個仔仔，好細個，就算老公weekend吱到少少時間，其實我地都會同仔仔一齊玩先，但慢慢發覺，兩個人獨處既時間幾乎係冇，以前會傾密偈，而家係冇，好似一直消耗緊之前儲落黎既感情。
我見老公日日攰到一合眼就熟睡，又唔好意思叫佢唔訓陪多我一陣。轉其他工？但未有呢個post請人。
係香港生活係咪一定係咁呢？係咪一定冇work life balance? 我有問過佢移民意願，佢話我ok佢就ok，佢肯從頭再黎過。但問佢係香港轉工呢？佢話係香港就唔肯從頭黎過。
移民都有移民既問題，唉，我都唔知點決定。
你而家個問題唔係移唔移民問題喎，係你老公個老細問題者，一年半載都可以，長時間係咁真係轉工好過
邊一行都係，你可以對公司有感情，但一轉左個痴線老細，唔當你係人既話，就算你做左n咁多年你都係會走
就算份工搵好多都係咁講, 如果作為老婆嘅你, 已經覺得頂唔順, 因為咁而已經有嫌隙, 咁你哋最好認真傾吓, 因為一直拖, 條刺只會越來越大條
同埋小朋友嘅嘢, 重要時刻真係睇唔到就睇唔到, 影相錄片一定唔及親眼睇, 親身陪佢經歷
過咗一定歲數, 佢睬你都有味, 好好珍惜相處時間呀
快啲介紹女人俾佢老細啦
香港生活好多時係咁，但堅持嘅都可以有其他選擇。你同老公傾下呢個問題，等佢都意識到呢個問題嘅嚴重性。
說服到佢嘅話，佢就同公司講唔可以咁OT法。如果傾唔掂，就轉公司。轉公司姐，又唔係轉行，唔算從頭嚟過。
移民就完全係另一個問題，要分開考慮。work life balance 呢個factor太弱，唔可以係移民嘅主因，所以之前寫咗呢個
我想佢轉工，但未有呢個職位請人
一轉出去，月薪起碼少2萬，老公唔肯
其實我地兩公婆都唔睇好香港前景
Btw，個老細結左婚有小朋友架
我都唔明點解咁多人寧願移民都唔唔試下轉工先。我老公就係一日到黑呻份工好辛苦，見唔到屋企人。但係又唔肯轉工，寧願唔做野做FTF都唔想揾第二份。但係又會想移民，深信移左民就會有正常生活。
我唔gur係明明係香港做改變已經改善到生活質素，點解要博到咁大一來就要移民呢？
我本來都覺得需要走嘅，但係唔覺得改變一定要移民果陣先做囉。
現實嚟講，係。
尤其你老公已經爬到咁上，轉工少兩萬，好難由頭再嚟過，香港生活費真係唔平。
移民前，我老公工作都係好癲，好在假期多。
唯有假期、weekend 一家人痴埋一齊。
其實去咗英國，月薪都可能少兩萬。我理解你老公只介意喺香港少兩萬， 但移民就唔介意少兩萬啦。
如果你哋認真考慮移民，就唔洗諗相處無時間，轉唔轉工嘅問題了。搞移民嘅時候，會有更多更難嘅問題出現，你嘅問題會自然消失…
舉個例，我而家移咗民，但老公突然有緊要事返咗香港，唔知幾時先可以再見到老公。我而家唔會諗咩無時間相處，只希望每日搞得掂兩個小朋友，屋企電器壞咗我整到，有足夠時間休息，希望搬屋前老公可以返到嚟。
一般辛苦， 考慮移民改變生活
問題唔係移民呀
你老公人工一定唔低，每日做十幾個鐘，其實咁算唔算係balance左？
想多啲私人時間，少啲責任少啲工時，轉工都係必須。（本地轉工/或移民轉工/轉行）只係留港有可能轉極都唔好得幾多。
我同你差不多，老公成日都掛住返工，因為疫情所以佢只係做緊pt散工，日日都早過我起身出門口，好多時夜晚11點先返屋企，個仔得5歲一早瞓咗，有時連星期六日都返工⋯⋯可能佢冇錢冇安全感，佢寜願返工都唔陪下我同小朋友，我唯有send msg同佢講，因為唔想係小朋友面前傾呢個問題，佢睇完msg冇回覆我，但好似明白咗啲，間中都理下我同小朋友
係香港咩工轉左出去就少2萬?
因為轉行而用唔返之前嘅工作經驗?
只係唔同公司唔同paid而已，人地公司又唔需要我老公呢d職位或者一早有人
總之唔係公務員唔係紀律部隊，邊有咁好「福氣」有咁好「福利」
好明白！
老公都係咁講，如果轉工少人工香港又冇前景，不如移民，起碼對細路好
因為覺得留港冇前景但又低人工，咁就唔想留
呢個都係我顧慮 我而家好似兩頭唔到岸咁
喺香港唔一定係咁
但喺外國亦唔一定唔係咁
問題喺份工到
老細係男定女？