轉工未必搵返一樣嘅人工，生活質素自然唔同。
少d 錢，食餐貴d, 去旅行去邊、小朋友興趣班都隨時改變，無樓嘅大屋搬細屋。
香港搵得到咁上下人工嘅，工時長壓力大。
香港老細唔會計錯數，人工高實唔會舒服準時收到工。
1個讚
移民唔係可以解決所有問題
好多人錯誤地諗,一移民 所有問題就會消失
移民有移民既煩。
當初我地走既係覺得香港前景問題。
而家問題係份工度,或者真係同老公講下分多啲時間, 打份工,為份糧咋,每日開少一陣ot 應該還可以,唔會死人冧樓掛。
小朋友仲細 ,真係好需要爸爸陪下,你問老公以前細個嗰陣想唔想爸爸陪你玩,或者當年佢爸爸係咪搵錢好攰成日訓,你想唔想你小朋友大個都對爸爸有咁既印象?
1個讚
我老公英國份工仲辛苦過香港個份，同事都係亞洲人，成日跟亞洲時區返shift，人工又少咗。
但我哋關係竟然好咗，因為小朋友功課少咗，無曬親友唔需要探四大長老，老公又wfh，多咗時間相處。
又，我好proud of 老公份工可以交英國稅，貢獻國家，諗起呢樣嘢，做家務都開心咗
結論：移咗民，好多嘢重新洗牌，原先嘅期望唔一定有。見步行步，到時先再諗啦
2個讚
移民唔應該係解決work life balance 問題咁簡單，如果你老公喺英國都係咁咁點？
仲有其他issues要考慮，坐低一齊傾下
即係點解移民可以人工少兩皮但係係香港唔可以少兩皮
咁係睇下個質素係物質定心靈啦。要大屋食貴西定係多啲時間陪屋企人加少啲壓力啦。
- 轉工少二萬, 可以少OT
- 移民少二萬, 可以唔OT + 小朋友教育好
樓主老公覺得1唔抵, 2抵
明嘅，但係我作為家人會覺得陪伴少、壓力大同身體健康嘅問題好似唔及果兩皮人工咁重要咁。
我老公份工都係咁 朝八晚九
一至五係得好少時間相處
佢長期大壓力又攰
唉 喺香港搵食艱難
1個讚
如果經濟壓力偏向男人到，男人同女人睇法唔同。
喺香港，多個錢傍身無咁大壓力。
少兩萬又多咗財政壓力
我明白，但留係度都風險好大，覺得未來既生活會愈黎愈差
要轉工，不如就移民，反正都係少錢，但搏到個好d既未來（無意冒犯留港既各位，純粹從我地家庭角度出發）
中年男人一名，有家庭有仔女，係公司是我家的表表者
係呀，但轉工又少錢，留港亦唔見有好前景
如果你哋想移民嘅，不防向移民後嘅好處想。
唔係話離開一天都光哂，每個地方都會有問題，唔好嘅地方，睇你著重邊樣多d。
其實我講明唔介意少兩萬，如果有需要，我做好哂準備即刻返工support返老公，但佢點都唔肯轉工少兩萬，係點都唔肯
因為，少兩萬工時係差唔多，只係返到屋企少d OT，但一樣要OT的
男人同女人睇法唔同，有d 男人直情唔想移民搵錢少咗，價值觀唔同。
係，謝謝你既概括
佢睇重家庭生活，最想睇住個仔大，但係佢就算香港轉工，都唔見好得去邊，加上人工又少左
佢其實好重視家庭，佢都覺得生活好煎熬，而家weekend點都吱時間陪個仔，但佢覺得唔夠好自責
係，呢個係我考慮緊既問題
所以聽到老公願意移民，我覺得佢都好唔開心
我都唔明點解男人寧願搵多啲錢，有錢但冇哂自己時間真係值得咩？！唔好等到小朋友大先去陪小朋友，到時你想陪都未必俾你陪，唔好等到失去咗先後悔…
樓主老公嘅上司，擺明就係唔想陪小朋友，覺得老婆和仔女煩嗰種老豆，然後迫全公司陪佢唔返屋企囉。
行行都有呢啲自私嘅workaholic，唯一解決方法係轉工。
我朋友前上司就係咁，OT到八九點走都有說話聽，但自從佢有拖拍就改善好多，雖然都要OT, 但起碼無咁長時間