我以前成日鼓勵朋友移民，我去到英國都好開心。但去到英國，發現有啲人真喺唔應該嚟，甚至有少數回流咗。我按重要性列吓因素。
-
是否對香港感到絕望
呢個喺最重要嘅因素。如果仲覺得香港有希望，唔喺太差嘅，只喺因為移民門檻低咗就移民，嚟到外國好易後悔。
但如果覺得香港無前途，去到外國幾辛苦都好，理性上都會知道自己嘅選擇喺啱，有動力繼續捱落去。
-
家人對移民意見不同
去到外國，家人喺最大嘅支柱。如果家人移民後日日喺度怨，喺非常大嘅打擊。如果家人覺得香港情況不壞，就好易回流。除非有和家人分開嘅覺悟，否則移民前最好旅居下，俾家人感受吓實際情況再作決定。
-
風險管理能力
當計劃不似預期，你會如何處理？舉例，無直航機去英國，你會選擇轉機，還是等下去，希望佢遲吓會有直航？
如果你選擇等下去，就不適合移民。這種希望「等下去問題會自己解決」嘅心態，會令問題越加惡化。之前有人做了這個選擇，結果而家溶斷，連轉機都轉唔到。
外國生活有好多這種問題，正確態度喺積極去找替代方案，而不是等。理想城市無曬學位，不是照去等希望有日有學位，而喺應該找另一個城市。讀不到理想學校，就隨便讀著一間，而不是等有位。找不到理想工作，定一個限期（如一年，按你經濟能力）俾自己，過咗時間就隨便找份工。
無呢個能力嘅人，離開咗香港會咩都做唔到，好可能出發都出發唔到。
- 接受新事物能力
英國做嘢慢，如果適應唔到，就會不停埋怨；適應到，就會呷下就算；最適應嘅，就會話慢咗一個月姐，好快呀～ 唔喺兩個月～
一開始嘅唔適應喺正常，但既然有1嘅信念，就要學習接受。叻啲嘅，可以試吓欣賞吓，工人幾自由，幾有生活態度。如果社運時可以接受到為抗爭引嚟嘅生活不便，去到英國都可以為工人生活欣賞生活不便。
-
搜集資料能力
咩功課都唔做就出發，好容易夢想破滅。點應付溶斷，如果唔識上相關群組，剩係靠打電話喺航空公司，好難有回應。香港人非常互助，網上一大堆有用資訊，俾時間研究就可以幫好多。但要識得選擇合適嘅群組
-
錢
有錢唔一定就喺適合移民，1和2比錢更重要。
但錢可以減輕3和4和5：如果搬錯屋，你有錢可以易啲再搬過。申請文件搞錯咗，再申請筆手續費你俾得起。食唔慣西餐，你可以俾錢空運香港美食。你可以俾錢移民agent，幫你搵曬學校和屋。
但錢只可以減輕，幫唔曬嘅。搬屋搵間貴嘅搬屋公司，幫你pack埋箱都好，都喺煩嘅。再貴嘅空運，都喺要等，都喺唔新鮮。再貴嘅移民agent，都喺無自己搵資料選屋選學校咁合心水。
38個讚
識有人嚟英國前冇做足資料搜集研究，乜都係聽朋友講，朋友話乜就覺得係咁，連揀落腳點都係因為有朋友係嗰度，話可以有個照應，其實係free rider心態，諗住有乜可以依靠人。
結果好快就發現呢度生活不似預期，夫妻之間日對夜對多磨擦，仔女學習hea咗好多，又覺得浪費了咁多年培養鋪排入香港神校條路。最大鑊係夫妻互相抱怨移民決定，所以真係唔係每個家庭都適合移民。
12個讚
其實同轉工搬屋一樣
有d人乜都百彈，乜都後悔就會好麻煩
請有 破釡沉舟嘅決心
唔好成日諗返轉頭
即係早知03年賣淘大
一早賣咗5仔
早知乜乜物物
5個讚
家庭組合方面，兩人家庭/情侶喺最理想嘅。
如果單身人仕，去到英國可能會好寂寞。我識嗰鄰居，雖然佢英文勁，廣結朋友，但和香港多姿多采嘅生活相比，都喺寂寞。呢啲朋友可以試下轉心態 ，欣賞吓歷史和大自然，英國喺呢兩方面比香港好。
如果有小朋友，錢會變得非常重要，因為其中一個家庭成員要湊仔，只有另一個可以去工作。如果小朋友到咗入學年齡，就會好好多。
3個讚
英文程度，主要影響工作，對日常生活影響不大。
最緊要喺識得睇。以香港人嘅英文水平，查下字典一定夠應付。老人家就要有家人幫吓手。
識朋友嘅話，大把香港人，一定有朋友。但老人家比較少，要努力啲先搵夠腳打麻雀。
英文好，可以選嘅工種就會多啲。如果無小朋友，英文差都ok，最低工資都生活到。有小朋友，但英文差嘅，就要學一技之長 ，向藍領專業發展。
2個讚
多謝樓主！就係想睇呢d，希望分享多d，追下post 先！
1個讚
我有時都好喜歡新加坡，鍾意佢啲天氣，熱但下晝有啲雨好爽
不過一諗到個政府就…
3個讚
英國南面就ok嘅，凍極都喺-1度。買啱英國嘅衫，就會覺得5度好暖。我最厚嗰衫都無出動過。
北面啲就麻煩。如果你喺宅人，成日上網就開心，咁躲在家就可以，出街就開車。
小朋友好動，不停跑，佢地唔識凍。
比較要小心喺老人家，或有凍誘發嘅病患。
我應該曼城落腳，可能住住下會鬱
地方大過香港咁多，可以揀
1個讚
曼城都唔算太凍，雪都少落。
屋夠大嘅，喺花園打羽毛球籃球都得。又可以種下花。不過就唔好諗行街睇戲食飯。
1個讚
呢個好真實。香港上神校係由一出世就要鋪排同隊錢落去做既事，bb大個d覺得佢係讀書材料唔想放棄佢資質就更加谷多2錢重，呢d父母慣左谷，小朋友又谷得起，一去到個邊完全唔同玩法，即係虎爸媽無用武之地，又無野可比，真係會好失落。
讀耐d應該覺得世界好大，仔女係香港仲可以曬下命，呢家變no body，應該會好後悔。
3個讚
