咁我整個包俾女做lunch box原來都唔算過份
過多一排就會忘記香港嘅嘢食
當呢度Ｄ野咁難食嘅時候，點可能忘記，唯有盡力還原
1個讚
接觸得多本地嘅英國人後，自己 d 思想都要改變
香港人當薯片係零食，英國人可能當係主食
d同事 lunch食薯片，細路又話佢地 d 同學係學即校 lunch都係，咁即係人地由細到大都係咁，係人地文化
所以我而家都開始冇完全當薯片係零食，唔健康了。
掙扎多排應該會好，如果本身好為食就可能要長 d 時間 or 研究自己整
我地兩公婆一個煮西餐一個煮中餐廚藝算 ok。但我冇興趣日日研究三餐，求其煮算。
好彩我 d 細路鍾意返學校食，£5 幾一日都 ok啦
間中整個飽比佢地帶，佢地會好開心 
我唔食熱氣嘢，所以薯片一定唔食
不過只要有決心，每樣事情都可以慢慢適應
1個讚
我唔算為食，平時食野要求都唔高，lunch 個d求其有野食就ok，不過我中意間中食下靚野係事實，呢方面香港確係大把選擇，有平有貴，呢度就算你肯俾錢，都未必食到想食嘅質素
1個讚
呢幾日，我見返呢幾句：
“大家都係同路人
別問人哋做左咩
問吓自己做左咩”
呢幾句講得好啱，
各有各情況、處境，
總之，大家目標一樣，一切便在心中 
5個讚
youtube好多教家常便飯，一日睇一款去試 
絕對絕對唔會忘記
3個讚
可以食ready meal, 又或者一次煮定幾日，又或者一兜食幾餐
咁過多排會習慣。
除非特別難食，我已經唔太識分咩叫難食。之前跟同事lunch叫三文治店, 件 turkey 好怪 “騷味” 我都照食，已經覺得唔好食係正常。重要 £4
本身唔鍾意食醬，但開始明白點解 d 英國人咁鍾意食醬而且醬要加錢
ready meal 推介 m&s, 基本上亂買味道都 ok, 但分量少，我要食兩盒。
其實我諗我其他方面都習慣，只係食野唔慣
當一日三餐都諗要食咩就好大壓力呀，可能有左bb，又唔想成日食公仔麵，junk food，熱氣野，想有營養d，都會買ready meal 食既，但通常都比較多肉少菜，我唔想食沙律咁多生冷野又驚未煮過會有菌，我覺得咁困擾係因為有左bb
同埋我本身都唔係肥但黎到我瘦左3kg,得返43kg
但呢d係情感既野，理性話我知呢個決定係正確
為左食野而返香港我做唔出
咁洗乾淨 d 菜用煮熟先食已經可以解決到
去 m&s買靚d既豬牛羊扒，煎塊扒，簡單加鹽胡椒好易
去 tesco買隻黃油雞 , £10左右，煲個好 d嘅雞湯或蒸雞
已經好營養又簡單
我都係M&S, Waitrose 都可以但都係M&S 好啲！味道方面只限西餐，亞洲唔得
m&s 有一份炒麵 / 米粉，另外再買一份份的餸, 加埋一齊炒都叫 ok 接受到。咁自己買料自己炒肯定好食好多
我比我個懶人菜單你參考，用呢個餐單基本上淨係需要諗晚餐
早餐: 肉碎通心粉加菇，肉碎麥皮，牛奶麥皮，麵包或多士搽醬或夾三文魚或夾凍肉，煎蛋烚蛋，pancakes , scones, 牛角包夾肉
午餐: 晚上剩返嘅餸，肉片米粉，ready meal，湯渣（例如蕃茄薯仔）
3個讚
講起，下次試下焗m&s 牛角包夾滑蛋 + 松露醬 or 滑蛋牛油果 or 牛油果 smoke salmon. 細路應該都鍾意
加個蕃茄什菜湯就唔使咁 dry
夏天又有英國士多啤梨大粒藍苺甜蜜瓜
簡單好食有營養。
甜品食雪糕加 baileys or 雪梨酒。但大肚唔好食酒住 
下星期 labor holiday 又有假放，整餐好食 d 先