同老公去左英國8個月，未有小朋友
但好掛住香港
，依家住緊個小鎮，冇咩野食
真係好掛住一落街有好多唔同野食既時候
早餐可以食茶餐廳，午餐食日本野韓國野魚旦粉米線餃子，好掛住香港既野食同方便
我依家有左bb，好難餐餐都食pizza 炸雞McDonald
但屋企附近都剩係得呢d
當然可以自己煮，但食材冇香港咁豐富
魚類冇香港咁多，菜都冇咁多
同埋真係一日煮足三餐日日都係
但上面都係最唔習慣既野，都係情感上既野
但無可否認既係住既地方大左，泊車唔使錢，空氣好左，個人唔使成日都係香港既低氣壓到生存
小朋友讀書冇咁大壓力
如果冇錢，係英國生活6年都唔易，要有好大決心同堅持
我好想走，但某啲原因走唔到（住）。
每日係到生活，見到咁，都好辛苦。
但我知，係呢到有同路人，以及在獄中嘅一班人，我唔可以跪低，要盡力與同路人站在一起。
我亦希望走左嘅人，唔好忘記一群為大家爭取5+1，重係漁村（甚或監獄）嘅同路人 
如果唔鍾意煮係好悶好辛苦嘅，我朋友有個鍾意就好enjoy，有個唔鍾意就掛住茶記，又唔想一日洗三餐，要慢慢習慣
無錯
仲有好多好多失去自由的人
如果本身在香港住市區可能習慣方便, 我住新界區啲商場一式一樣, 平時都好少出街, 過兩年移民應該難唔到我.
和你一起
Alice Loves to Bake 矮肥小女孩一個，三十左右，受足正規訓練，佢啲鳳梨酥同曲奇我食到如痴如醉。由one woman band到一個工場，佢仲成日拎佢啲產品比手足食。我好尊敬佢呢位妹妹，成日同佢傾偈，我周圍向人推介佢，啲人以為我有佣分
我想問係咪因為佢喺香港就日日助長緊共產黨？我幫襯佢，就要受良心責備因為喺香港？相反去咗英國過優質生活嘅就良心好好過？
唔係鬧交，係冇可能認同個logic
如果搞到你唔舒服，講聲sorry先，非我本意，我無意怪留係度嘅人。我覺得家家有本難諗的經，唔係每一個人都有能力走到，亦尊重留喺度嘅人。
「覺得留係香港助長惡勢力」係我自己當時對自己嘅責難，當時日日內心掙扎，覺得自己唔啱，唔係講緊留喺香港嘅其他人。
我原意係想鼓勵走咗嘅人，因為佢地好多有罪惡感，成日同我訴苦。
係呀，我未走之前都係咁。
當時一唔開心，就會去黃店買嘢，就會好返啲
我當然明白你，你喺度咁耐，你係咩人大家都知 ，你非常熱血熱心，我好欣賞你
我強調我唔認同你嘅地方啫
走咗＆未走＆唔走，一諗起香港現狀，每一個人心情都唔會好過，除非真係好港豬
一齊消費黃，一齊文宣啦
冇錢就全世界都唔易的
係，所以好多人唔敢走
呢個post好好，比我呢啲想走又好多嘢考慮嘅人多幾個角度思考。想問啲看似無聊又好重要嘅嘢，我鍾意外國生活方式，見個個都話自己煮飯，但我真係唔鍾意煮飯，可以點
研究下
研究煮飯？我識煮飯，煮三餐無問題，但真係唔鍾意煮，平時都係翻娘家食
見好多本地人都唔鍾意煮食，三文治淨麵意粉簿餅。
求求其其食，自己接受無野就得。
我隔離屋對英國人夫婦真係唔煮飯，我見佢哋會嗌外賣 (Uber eats, Deliveroo, etc) 或去超巿/便利店買 ready meal，放入焗爐整熱就食得
我都冇興趣研究煮餸，超市好多 ready meal 買返來放入 oven, 叮叮爐搞掂，or 買 “葉” 好的豬牛雞羊，放入 oven or 煎煎佢，搞掂。
or 買定 d 冰左的雞翼魚，直接放入焗爐，搞掂
or 食包薯片當一餐，見好多同事 lunch 食薯片。小朋友都帶薯片返學當 lunch. 又搞掂
移民最大鑊都真係食，煮到唔知煮乜好，食材又冇乜得揀，廚藝又有限，其他野包括經濟都處理到，但食真係好苦惱，之前中covid個排好辛苦，冇comfort food覺得好唔開心，諗緊係咪為左食要返香港