好多人都心思思移民，不如移咗民嘅分享吓當地生活？
好嘅壞嘅都歡迎分享
2個讚
我一家移咗民差唔多1 年，小朋友返學好開心，冇功課冇考試，日日放學返嚟玩。家長唔駛陪讀，冇呈分試，唔會影響親子關係。返工可以準時放工，唔駛 OT，完全係 work life balance。另外，樓價係香港一半，但屋大香港一倍仲要有花園，住得好舒服。雖然呢邊冇咩娛樂，多咗自己煮飯，但超市食材真心平靚正，全家健康咗。放假仲可以去唔同城市玩，大人小朋友好開心。
30個讚
其實我想知…D人成日話響英國悶
佢地響香港有幾精彩呢?
6個讚
移咗民半年多，已經適應得好好，尤其小朋友，返學好開心，老師同學friendly，少功課冇默測考，大人小朋友都輕鬆晒。
基本上餐餐自己煮，如果懶唔想煮超市都有好多ready meals。Term break揸車去第二度玩下行下，消費有限，生活平淡簡單寫意。屋大好多，周圍都有大草地公園，環境舒適。
不過呢度啲人做野係冇乜效率同責任感，所有嘢都要自己check緊啲同要多啲耐性等。
11個讚
好睇你咩心態，
有d 人覺得搵錢少咗，但family time 多咗
無得食菜心芥蘭，其他食材平靚正
無得去日本、泰國，但歐遊近好多
上面有人提到做嘢效率，我認同嘅，但人哋文化就係咁，唯有學習放慢、放鬆、耐性。
然後用寶貴嘅時間好好享受生活。
9個讚
離開時只帶了決心，勇氣和未知，初到貴境頭半年要不住忍耐，努力適應。自從裝修好並搬入自置物業，一家人對工作，學業，生活都滿意，每朝起床都懷住感恩的心，唯一牽掛係仲喺老地方嘅家人
16個讚
前幾日見到有人post 無得去邊d 消費活動已經覺得細路係捱。
外國咁多公園，大草地，只要天氣好將個lunch 帶去picnic，唔好怕佢哋污糟，尤佢哋執石頭執機枝玩沙，其實都開心到不得了。
12個讚
全世界我估得香港係咁急到咁
4個讚
我老表係MIX, 佢都響英國, 我見到行公園, 餵松鼠, 睇下鴨仔咁囉…
另外都有D好似AIA 果D 遊樂場.
農莊, 市集都好似幾過引
香港咪又係去下海洋公園咁…咁ZOO 全世界都有丫…
1個讚
淨係鋪頭閂門時間唔同就有好大分別
香港， 你八九十點都仲有好多人係街， 鋪頭亦好多都仲開
英國。。。 我諗條街仲有人嘢， 飲完嘢， 準備返屋企 個啲人
鋪頭好多都閂咗
落樓下總有間7仔
Not only 英國， 你可能想去7仔已經要揸五分鐘車
想出街食個飯， 都貴貴貴
香港， 平又有， 貴弓大有， 有得揀
5個讚
方便度係差D就一定
但悶嚟講…應該唔會只係計…D 舖頭幾時關
移民係成個生活改變，生活好咗定壞咗就好睇你著重啲乜：luxury? 方便？效率？健康？安全？自由？平靚安全食材？
3個讚
我有幾個朋友移咗，有啲同樓上講嘅一樣好享受，佢哋又多家務做，冇乜時間掛住香港，家庭wise一定係英國好
但都有啲成日掛住Donki同香港周街美食，壽司郎呀cafe呀大排檔咁，佢比較鍾意日本嘢，咁香港呢方面係無敵嘅
每個人對生活要求不同，我覺得各有憂缺點
兩個地方我都 ok, 最好緊係兩邊住下
對於中意日本野嘅我來講，英國就好似地獄一樣，完全搵唔到mij野
3個讚
英國人好慢，做嘢又成日錯，一件事攪十世都未攪得掂
無茶餐廳，扮香港嘅只做到6成
好落後，好多嘢上網做唔到，要打電話先得
但我喺呢度想講乜就講乜，想做乜就做乜，唔驚講完唔啱聽比人篤灰比人拉
空氣同環境都好好，好過香港好多，至少對我嚟講係
總結：中意而家嘅生活多好多
12個讚
我聽返嚟基本上大部分做嘢係垃圾
So far so good啦， 叫做有份工有層樓，除左食野同冇日本野賣之外，其他都ok，同係香港差唔多，本身我都係冇乜娛樂，最多都係同朋友出去食下飯咁
不過個人係輕鬆左，唔使再睇d眼火爆新聞，戾氣少左
1個讚
其實大部分人決定移民，並唔係同existing香港生活做比較，係同將來十年廿年喺香港嘅生活做比較，咁香港將來會變成點大家了解啦，亦即刻明白點解會移
9個讚
的確係悶啲，好似我老公，中意日日去鴨記深水埗行吓，然後去茶記食tea, 而家就無咗呢個娛樂
1個讚