居住環境大左，有花園，空氣好，放假打理下花園，去公園玩，行下超市就過一日
小朋友返學校開心，準時收工，一家人嘅時間多左
雖然人工冇香港咁好，水電煤都貴，生活開支要睇得好緊
但係全家都開心
1個讚
唔覺唔覺過咗嚟成年幾
好開心識到好多新朋友，又有一堆香港朋友過嚟
可以一齊聚下餐，去下短旅行
依家日照長，放完工仲可以去散下步坐下草地
好爽
3個讚
住慣咗，鋪頭幾點閂門、星期日開唔開門，有冇7仔完全無影響。
尤其係小朋友慣咗早睡早起，連夜街都唔會去，送咗佢哋上床後兩公婆睇書、打機、煲劇、各自me time，自己都早咗瞓。
3個讚
錢少咗，儲唔到錢，不過收支平衡。不過老公有時會因為錢少咗，俾好多稅，覺得唔抵。無論係香港定英國，佢都好感受到職場白人約隱約現嘅歧視，而遲鈍嘅我係感受唔到。
但我好開心老公終於可以唔洗交稅俾港共，做家務都變得好有意義，覺得做家務幫咗老公，就等於幫咗英國，就此消彼長減弱中共影響。
小朋友喺香港讀國際學校，英國教學模式分別不大，最大分別係可以實體返學，教學效果好好多，資源亦比較足，我幫小朋友溫書容易咗。同埋我呢區無咩中國人，唔洗再怕小朋友講錯政治嘢被告發…
喺香港，除了有工人，我仲會報好多興趣班/補習班俾小朋友，去換自己嘅me time。我係香港嘅生活好忙碌好辛苦，加埋政治新聞，照顧小朋友嘅學業時會成日發脾氣和大喊。
但到咗英國，無曬親友應酬，大時大節唔需要再見藍絲親友。加上學校教得小朋友好，我只需要幫小朋友串字和睇書，時間多咗好多，情緒大有改善。我可以每日做運動，和小朋友打波，學車，做義工，煲劇。
朋友就只係識到一個白人，和我自己英文和性格都有關。香港鄰居都識咗唔少，但未敢太深入，怕是非。我本身係宅人，生活好忙，所以唔係好需要朋友。
老公幾掛著香港嘢食，有時會自己整叉燒。我其實都掛著日本甜品，但發現英國嘅甜品我都好鍾意，仲有歐洲印度中東墨西哥食物好平好好食！我完全忘記咗香港嘅食物，從無去過中超。
喺英國可以放心做文宣，每日好多時間搜集資料，亦可以親身做義工。
我一向唔重視物質，好重視理念，但香港只俾到物質我。去到英國，錢少咗，換嚟我追求嘅環保，自由，真係好正。不過英國好左膠，呢個係精神上我比較唔適應嘅。
47個讚
無小朋友嘅人會嫌悶，因為無咩好shopping。
有小朋友，邊度得閒悶，每個周末都好忙碌咁帶佢地去草地/公園打波，仲有幾十個主題樂園，無數嘅馬戲團fun fair，幾百個博物館。
8個讚
唔計語言，各方面都唔錯。（歐洲）
如果中意食甜野，英國簡直係天堂，一盒36件馬卡龍先8鎊幾咋，比香港平2倍，求其買個1鎊cheese cake都酒店質素
6個讚
喺香港，好多快樂係物質堆砌，就算我想環保，買環保產品都唔平，一塊竹籤碗布都幾十蚊、矽膠環保咖啡杯都二百幾。我去Slowood, Live Zero都好高消費
但過唔太著重物質嘅生活，喺香港都唔係冇可能，要迫自己調教。遠至以前周兆祥，近至莫皓光（野人）咪一樣可以，只係有幾多香港人做到？
喺香港做唔到，係因為簡樸生活唔係一種norm，等如你去住West London，lifestyle 就自然 high end
移咗民嘅（多數唔住喺London），跟當地嘅norm，自然大人小朋友都簡單啲，快樂啲
我好似離題，但其實無論喺邊度，如果你已經realize 你人生想要乜，你如果對香港典型生活感到窒息，無論你喺英國澳洲加拿大台灣定香港，你忠於自己，唔好理香港個 norm，唔好追隨物質、數字、成績，應該會快樂啲
我努力緊，唔可以話成功，但比以前快樂。當然同時間政治環境亦令我好痛苦
16個讚
喺英國環保easy life真係太容易，諗返我喺香港嘅生活，真係好辛苦：
- 儲容器回收，然後夾回收點時間和湊小朋友放學，三星期先夾啱到，屋企仲要細無位儲；喺英國，放門口就得
- 棵買，我要坐一小時車先有棵買店，喺香港根本無一個小時可以離開屋企。英國，行三個街口就有。
- 喺香港，想小朋友唔追求成績，7樣功課做少樣抄寫，就俾老師見家長。英國，無功課
- 中文太難，小朋友跟唔到，想skip，用咗好多錢，搵埋agent幫手，終於有英文學校肯收肯he教。點知又covid，結果都係要自己教困獸鬥。英國， 班上小朋友中招都照有學返，間間都國際學校水平
- 外賣走容器難，所以儘管唔外賣，但又想支持黃店。英國就算外賣，都環保過香港
- 香港好難戒藍，雖然我唔幫襯藍店，但任何一間店舖背後嘅地產商都係藍。英國我仲有餘力做到9成NMIC。
- 遊行示威，其實以前嘅香港交通方便啲，當然而家就… 英國去大城市先比較參加到
- 想俾小朋友返運動班，ngo嘅班都好悶，仲要搶位， 要接送。英國學校嘅課外活動，係香港頂尖水平，價錢仲平過香港，仲要好多位，亦好funny好吸引小朋友
上面一堆堅持，喺香港用咗我好多時間精神，好辛苦… 唔做，又好唔開心，唔知人生意義… 嚟到英國舒服曬
22個讚
睇完大家寫左咁多香港同英國嘅分別之後，我開始發現自己好似逐漸忘記香港嘅生活了
連香港嘅食物都開始忘記
差幾個月就走左兩年, 唔使再擔驚受怕, 我唔使再返工, 細路唔使再做功課, 太太唔使再嘔血. 太好了!
飲食方面, 因太太有高強既烹飪技能, 想食咩菜色都煮到出來. 而且味道比出街食既更好, 所以好少出街食飯. 加上哩邊多本地食材, 新鮮又好味.
每逢學校假期都會自駕本地遊. 單係英國咁大, 有排都未去完, 都仲未開始去歐洲.
購物方面, 網購發達, 細路係日漫迷, 有日本亞馬直送. 太太要護膚品, 又係日馬. 我喜歡睇古文書, 有博客金石. 至於衫褲鞋襪, 去屋企附近個大型商場攪掂.
天氣方面, 的確經常落雨. 不過我係屋企司機, 點對點上落. 佢地都無咩濕過身, 落唔落雨都無咩分別.
最重要, 一家人相處既時間多左, 感情比以前好左好多.
細路終於知道老豆唔係工作狂, 係遊戲狂先岩. 唔再覺得我係悶蛋了, 好感動.
總的來說, 同預期既退休生活吻合, 日日都好開心.
勉強來講, 唯一困擾既係社交方面. 因我和太太都不太喜歡熱鬧, 但想我教體育技術, 想太太教烹飪既請求太多. 開始要刻意迴避, 甚至唔再想識新朋友.
18個讚
呢個真。你而家住喺英國？
14歲離開香港生活, 去咗加拿大.
2幾歲 焗住返香港，住咗大約10年。
講方便香港可能真係好方便，但係咪必要性？你有幾可突然間買漏夜需要落去七仔買？幾分鐘都唔等得？
唔好講政治，唔好講屋企大細。唔好講空氣，同埋健康。
住喺香港嘅時候，每到放假真係唔知去邊度。郊外人山人海，市區更加針都插唔入。小朋友放學搵學校簡直痛苦。
無論加拿大定係日本，要去便利店都去踩單車幾分鐘，我諗快過你搭lift落樓。
搵錢未必夠香港咁多，但係生活簡單同埋有平衡，香港搵到錢都係想去旅行減壓。
加拿大同日本，放假嘅時候揸住架車去唔同嘅地方，幾年都去唔晒。當然一樣會想去旅行，但係個意欲減少好多。
有啲人話外國天氣凍，但係只係幾個月。而且有暖氣有車出入。香港回南天一樣想死。
如果當年有得揀，我唔會返香港。
5個讚
三年前返香港食嘅嘢，味道已經唔係我記憶中嘅味道。基本上唔再留戀。
我最大嘅掙扎：留喺自己地方爭取 vs 享受人哋國家成果（移民）呢個良心壓力，過唔到
當然有其他不同原因啦
1個讚
咁香港人去到咪有優勢囉
咁睇會開心好多
我個人仲有d童心，呢d我都ok嘅
題外: fb 而家成日講去英國點點點，竟然有人留言 “鏟雪鏟死人丫” 就知而家香港幾多井底之蛙
5個讚
亡國仙姐：澳洲同香港有時差，所以唔想移民
2個讚
留得青山在
尊重未走嘅人，但好磨滅精力
4個讚