人生中不同時間都有不同嘅好朋友，人大咗自然會有所改變，不論係話題定性格都會隨之然不同，合則來，不合則去。有人識體諒人，唔會講單一話題，有D人只顧自己感受不停講自己嘅事，如果自問忍受唔到就避免見太多，最緊要對自己好，單身也可以很快樂。
1個讚
你唔係真心祝福佢，問心暗地裡仲可能係妒忌佢
咁樣大家根本做唔成朋友，唔好浪費時間
你個fd 好恨嫁，所以明知個男既咁多缺點，都覺得有好過無
咁你係咪鍾意你個fd？
同意你最尾果句: 對住好朋友, 人地結婚你竟然係哦一聲
可能樓主朋友真係唔識做人, 成日講自己男朋友既人
但樓主你次次一黎就: 我唔想聽 < 咁樣, 我係你朋友都唔想同你講野啦
你可以講得婉轉少少
唔應該講"我唔想聽"
朋友會好HURT
對於單身既朋友，的確有d 話題係唔會講，除非佢地主動問
可能佢知我得閒, 又會聽佢講野,又會講返D意見比佢聽
佢唔係個D會主動搵男友既人, 我叫左佢好多次, 返到屋企, 就話比男友知, 你返到屋企,
等佢唔使膽心, 有時傾電話, 佢男友打比佢, 佢就會收我線, 我OK既
佢有時就係太唔小烏依人, 太獨立
我叫佢星期六日就同男友出街, 唔好留係屋企悶, 有拖就去拍啦, 唔好搵我
個男仔都主動約你, 都好證明個男仔係真心想同你發展, 唔係玩玩下
我就係驚我會先入為主, 聽得多, 點都會認為個人係咁
好啦, 到你真係見到個人唔係咁, 到時我應該會同佢講, 佢都唔係你講得咁差啫
佢又會話你睇唔到乜乜乜, 呢D可預見既問題, 不如一開始就避免佢發生
你岩, 係佢人生轉變左, 我用錯字眼… 
都有咁既可能, 話題當下唔岩傾, 但可能, 過多幾年, 大家心態又唔同左, 又會岩傾返
每個人出現係唔同人, 就會係對方身上學到一D人
有D人留好耐, 有D人, 留一陣,
但每個人既出現, 必定係必然
我好感謝佢呢咁多年黎既出手相助 (唉, 要寫明D, 免得其他人有誤會, 佢有幫我, 我都有幫佢, 大家一路上都係互相扶持)
認同, 自己都唔開心, 點樣帶比身邊既朋友快樂
單身, 1個人快樂… 
我知我自己係真心祝福佢就得, 因為我唔妒忌佢呀,
點解要妒忌佢?? 因為佢有男朋友? 咁我覺得佢人好, 有男仔識得欣賞佢既好,
係件好事.
唔係個個人都淨係睇表面, 佢心底係好, 可能之前無咩人放時間係佢身上,
認識佢本人, 但呢個男人會放心機同時間去了解佢, 我好鄧佢開心
(唔知你咩心態有咁既諗法, 唔係人人都有 “人有我都要有既心態” )
人有男友, 我無, 我係覺得我有問題, 但唔代表我唔想我朋友得到幸福, 佢男友未出現之前佢都生活得好辛苦, 佢而家有男友愛錫, 我鄧佢開心, 我第一次見佢男友就問佢, 你幾時娶佢
我好希望我朋友早日嫁左佢, 咁起碼知道, 佢唔係一個人, 可以有人同佢一齊令佢開心, 愛佢, 錫佢, 真心關心佢先, 明正言順咁留係佢身邊照顧佢
唉, 佢話就話唔想結婚
但, 佢地當中係點相處我就唔知, 可能大家都好鐘意大家掛???
去到好後期, 我會理解為 X花窗 (唔記得個字係點寫) sa 花窗?
朋友黎計, 係,
男女個D愛情, 唔係, 我朋友係女, 而我鐘意男人架, 對住我朋友 係 0 愛情元素
咁ok啦，我問清楚
因為有時可能係因為你鍾意你朋友，所以聽到佢有另一半，所以唔開心
我覺得你朋友對結婚有猶豫，你要同佢傾下，唔好為結而結
將你樓上寫既野寫張card 俾佢就ok
我覺得佢會appreciate
我無次次, 我淨係講過一次唔想知, 因為佢話有野想話我知
如果係講緊請照顧單身狗感受
我通常都係等佢講完 (佢唔講我又點會知佢又講佢男友)
我講埋我意見/睇法, 就會加多句"我又要講啦, 唔係唔比你曬, 但請照顧單身狗感受"
我講得呢句, 即係個排佢真係成日講, 我頂唔順就會講以上
請教點樣可以婉轉少少表達我唔想聽, 希望無需要用, 但都想學左先,
唔想處理D事咁差
其實你個人心地好，有耐性又肯關心人，做你另一半應該會幸福
相信自己，多d 開放自己俾其他人認識你
哈哈哈哈, 點解呀, 仲細咩, 佢有另一半都唔知幾開心, 佢值得比人錫架, 佢係個好好好好既女仔
以前佢未有男友時, 我覺得佢係有D麻甩, 但心底裡係好女仔, 佢好為人著想
佢有左男友後, 無咁麻甩, 但仍然係個個好好好好好女仔, 咁有人愛錫佢, 我真係覺得
上天, 你真係好衰, 要佢一個人挨得辛苦, 不過, 終於都搵到個對佢好既人, 算你啦上天
佢對結婚係有猶豫, 我之前都有同佢傾, 但佢成日都話佢未ready, 未信婚姻, (而家佢係點諗我就唔知) (咁因為我都未結婚, 唔太識點安慰佢), 咁只可以同佢講, 信佢男友多D, 依賴佢多D
佢會比到信心你
不如試吓放開少少，朋友經歷緊熱戀稍為興奮想同身邊人分享係正常嘅，咁程皮多少又真係好難拿捏到，如果覺得困擾不如抽離少少，比空間大家經歷呢個轉變，友情同愛情一樣，都會有考驗㗎嘛⋯⋯隨遇而安啦！
我只係覺得, 人, 開到聲, 講出口, 唔係一件易事
講出黎, 可能係想舒發一下, 又或者想搵人幫手, 咁如果佢同我講
不論咩原因, 我都希望我可以幫佢解決, 或是 幫到小小都好
無人幫個種感受, 我好清楚, 如果我係可以幫到人,點解唔幫呢
助人為快樂之本嘛 
有個男仔曾經同我咁講過, 不過, 我覺得, 香港既男人, 好多都睇表面
而最最最最大既問題, 係來自我自己, 我有太多負能量, 但我又解決唔黎, 但個問題又唔係咁易解決
(同錢銀無關, 無欠債)
我係未有信心去識多D人, 信心不足, 不過都謝謝你讚我, 多謝你 
你去facebook 「自在社」睇下，做下self coaching 會有幫助
mindfulness 靜觀都好，多d 運動曬下太陽
九型人格－你係咪第二型？係既留意下自己既高位同低位，同埋依個型既優點同缺點
你想做到別人心中既好朋友，先要自己成為一個更好更正面既人，吸引力法則
樓主同朋友都怪怪地咁
唔識講
不過
單身咪單身lor
唔好踩低自己叫自己單身狗
2個讚