同朋友識左好多年,
近年佢識到男朋友, 我係好鄧佢開心, 亦鼓勵佢同個男仔一齊
(佢地個時都35+)
個男人 我見過幾次,
朋友亦都成日同我分享佢地既事
直到我朋友有日分享佢地既床事
我同朋友講, 呢D唔使話我知, 我唔想知
咁平時聽, 個男仔都對佢好好, 咁見到老友搵到個好男人, 咁當然鄧佢高興,
咁多年, 佢都挨得辛苦, 而家有個男人對佢好, 我當然希望佢地早日結婚
之後佢都有講佢地既拍拖遇到既問題
朋友成日覺得佢男友好蠢, 成日都笑佢男友, 我話你唔好成日都笑佢啦, 比返D樽鹽佢
當然, 一個願打, 一個願挨, 佢地開心就得啦
有時打電話黎, 全程就係投訴佢男友有幾蠢, 佢有幾叻, 又或者佢衰左啦
有段時間, 我成日都同佢講, 你可以曬, 但唔好成日曬, 請照顧單身狗感受,
來來回回都成年幾都仲係咁
我記得有次, 我行緊街, 佢打黎問我要唔要去食乜乜乜,
話佢男友都會一齊去, 心諗, 3個人, 做咩去做電燈膽,
咁當然我知佢係驚我悶, 間野又好食, 想搵埋我去
但我最怕呢D, 我唔想做燈阻住人啦
直到最近, 有排無搵大家, 佢有日問我得唔得閒出黎食飯
我OK, 食食下, 佢話有野想同我講
我話我唔想聽,
(一來個時我自己都有自己問題, 不過我無講出黎
二來, 我怕佢又講佢男友)
之後佢就話佢男友向佢求婚, 我比唔到咩反應, 哦左一聲
食完飯後, 我同佢行左陣, 佢話佢知道成日講佢男友唔岩, 話佢抵鬧, 叫我鬧佢
我就同佢講, 你搵第2個鬧你啦 (其實我係想講叫佢男友鬧佢)
咁多年, 其實佢幫左我好多野, 我唔開心個時, 佢都好陪我
不過真係, 佢男友既出現, 令到好多時話題都變左去佢男友到 (男友既親友…既親友, 既親友)
個晚之後, 就無再搵大家
就算我有野搵佢, 佢都係一兩句算
其實我到而家都唔知佢嬲我D咩,
我亦都諗過, 佢係咪嬲左我
(當然, 我都知我個人唔係最好既朋友, 我都有令人煩惱既時候)
咁到底, 1)我仲搵唔搵返佢好???
2) 係咪我太衰?? 唔聽佢同佢男友既事??
3) 同埋, 當朋友同你講, 照顧單身人士感受, 你地會點??
