都係既, 以前佢講屋企, 可以而家佢既重心唔再係佢屋企, 變左連屋企既話題都無埋
但諗起唔再想聽男友, 所以都唔使搵我
明DD啦, 有舊同學聚會, 已經係媽媽既一group, 未媽媽既另一group, 因為傾既野真係好唔同,
想加入, 未必聽得明
至在大家見下面, 知道你肥左定瘦左, 身體安好就得啦
無得比心心你, 係度比個心心你 
無論係唔係真正原因, 都紓解左我一D, 謝謝你
X3,我曾經都有個朋友步伐永遠慢好多，當大家傾緊男友，後黎傾結婚，奶奶家事，甚至生bb後傾bb經，佢好似咩都冇經歷過，融入唔到大家既話題，最後都係慢慢淡左。
我唔認同，我50歲，有個中學就認識的單身老友，係我過咗20年好忙嘅婚姻、做阿媽嘅生活後，我地又變得好close ，個個星期通電話，每個月有1-2次出來見下面、食飯（最近呢兩個月疫情太猛就無啦）。我呢個老友，係同齡朋友過緊好忙嘅湊仔生活時，佢就識咗幾個細10年嘅朋友，係呢班細朋友又進入好忙嘅婚姻生活嘅時候，我地呢班同齡朋友又出關了
你呢個例子點同, (我估啦) 你一定唔會日日開口埋口講老公/仔女, 而你個未婚朋友係你講老仔女仔時, 佢亦識得回應, 友情係咁樣先會last得耐,
而樓主同朋友之間就做唔到你地咁
2個讚
最佳損友
位置變了各有隊友
隨緣啦
1個讚
呢個1來啦, 2來真係唔想見到佢男友時, 諗起朋友講佢有幾蠢, 我覺得咁唔係幾好
(即係好似例如, 呢個係我作既例子, 唔係真
話男友返到屋企, 食完野, 唔掉, 咁我會覺得佢做野無手尾, 唔乾淨, 他日見到真人, 我個仍住佢係個dirty既人)
係呀, 我覺得佢男友已經進注左佢既生命, 佢既世界淨低佢男友咁, 好似無晒佢既人生咁
但, 我唔係佢女友, 唔需要知道咁多佢男友既事, (我覺得係知道連佢男友絞姪仔姪女考第幾名, 學內成績係點, 性格係點… )
個情況大約係咁樣, 未到去90, 但都走唔甩70,80, 我會聽佢講
如果有問題,我都會同佢講, 希望比到D意見, 諗法佢,
有次佢男友既屋企人比左D野佢,咁我話, 咁咪好囉, 人地當你一家人,
你應該開心, 唔需要有壓力, 係件開心事, 但我比佢ban到我暈, 講左半個鐘
希望佢理解件事係好既出發點, 我講左好多, 佢都係reject我既講法, 個下其實好灰心
令佢覺得有壓力, 同埋好似幫唔到佢咁
我唔講既我事, 係因為我知, 我煩惱既事, 係無解決方法, 講出黎, 都係負面事, 咁不如唔好講
因為個時, 係無解決方法
1個讚
咁你要預咗佢將來一定會講佢未婚夫、結婚嘅事，之後嘅話題都會隨時間慢慢改變，你單身唔明佢又唔想聆聽佢講佢自己嘢就真係少見為秒。人大咗經歷嘅嘢唔同，自然就有唔同嘅話題，其實只要生活圈子唔同，話題自然會唔同，既然你覺得佢唔會改變，就唔需要刻意搵佢，冇謂自尋煩惱，搵D單身朋友會好D，對自己好D。
係, 個排我自己真係好down, 所以有開心,唔開心事, 其實我都唔想聽
個下我真係好保護自己
係, 之後我都覺得自己有問題, 但過左去發生左, 就係發生左
之後係有個機會比我講返恭喜佢, 我都講左, 佢都回左句
之後就無了…
係既~ 他日佢結左婚, 都只會係佢老公, 小朋友, 唔太多既, 我都仲會應接到, 但本身都無小朋友
我又可以同佢傾幾耐小朋友既事, 身邊其他有小朋友既朋友, 我都係聽佢地講既多, 想幫都幫唔到, 因為我唔識
[quote=“FMK_M, post:17, topic:61071”]
你對住好朋友竟然係哦一聲
[/quote]個排個人好down, 當下我真係有呆左唔識比反應, 淨係識得"哦", 我都覺得我好衰…
睇完第一反應係其實你哋唔係真係好好朋友
佢有當你好朋友，所以將所有野都同你分享，不過你都唔想聽，佢都無謂打擾你，而佢回覆你冷淡，可能果次咁樣令佢都反思同你之間嘅友誼。
2個讚
返工揾食、尤其係呢啲年紀好大機會係中層、同事間人情世故處理得唔好、工都冇得做。
即係有呢啲野佢係識、但恃住你係好朋友唔體諒你感受.
1個讚
無得比心, 留個言比個心你
心領神悟, 好認真咁明白左, 有D野, 係某個時間發生左, 就係變左, 唔同左
佢人生上, 進展到另一個層面, 我跟唔上, 就係位置變了各有隊友
2個讚
好老實講，由佢講佢結婚，你就咁“哦”一聲就算，呢下真係好hurt人，普通同事都會講句恭喜呀。其實你心底裡係咪都有jealousy?如果有，係緣於佢有男友，定係佢重視男友多過你？呢種心結只能靠自己睇開。當然如其他sis所講，如果全程佢講90%男友你講10%自己野當然唔好，但我覺得呢一點不足以令到你連一句恭喜說話都講唔出
1個讚
我都唔知佢有冇同其他人講, 不過我見佢facebook 有時會出D 花窗post
單打下佢男友, 有次我係佢個花窗post到留言, 叫佢tag返當時人 (佢係電話度笑佢男友笑左好耐)
佢就tag左佢另一個我識既人, 個人之後我問做乜話佢,我問返朋友
佢話唔tag得佢男友, 因為佢男友會嬲, 咁我唯有…無野啦
個時我自己心情好down, 所以我都呆左, 淨係識得"哦" 我都知我好衰
之後有機會我都有恭喜返佢, 不過發生左就係發生左, 講咩都無用 (我指我"哦"呢個衰行為)
佢係想同我分享既, 不過真係聽太多, 成日都話佢男友蠢, 係想我點?? 我聽得多, 都會覺得佢男友蠢, 但我唔想咁樣去"認識"佢男友, 聽得多真係會覺得佢男友蠢架嘛 (我要比個反白眼自己)
可以比到意見, 我覺得可行既方法都會講晒出黎
一個人解決唔到既事, 可能多個人會諗到方法, 咁佢如果stuck左係度, 我都希望可以幫到佢解決個問題
睇左咁多位留言, 理解到, 位置唔同左 (佢既人生重心位置)我亦唔可以提供佢所需
位置變了各有隊友
其實我都有D已婚朋友, 但話題唔係單一淨係老公或 小朋友, 可能會講下煮咩餸, D工作, 屋企人, 工人, 正苦, 疫症, 講下以前D舊事, 現在既生活
曾經嘅好友
唔知咩原因，亦唔一定係發生咗啲咩特別嘅事
就係會隨住時間經歷疏遠咗
可能人與人之間本來就應該有啲朦朧美
太熟反而未必招架得住
今日仍然在一起的，就感恩一路行咗咁耐
有人走亦有人來，隨緣
我個網名 amigos
是西班牙文
取自歌曲 Amigos para siempre，1992年奧運歌曲
旋律耳熟能詳
“Friends for life not just a summer or a spring, amigos para siempre”
是一個期許而已，現實未必能做到
1個讚
係, 我個排個人好down, 所以佢話求婚個下, 我淨係比到"哦"呢個反應, 之後有機會比我講, 我都有恭喜返佢
我覺得你問得好好呀, 我都問左自己一下, 好老實, 無,
自己知自己事, 我無男友我覺得係好正常, 男友唔係話我fing 下隻手, 靠自己努力就有, 性格唔吸引, 改, 個樣唔得既, 改善下著衫, 外表, 但呢D都唔係主因無男友
(如果件事努力過, 我都無, 咁我就jealousy啦)(離晒題)
我只係唔想聽成日都聽佢講佢男友, 成日都笑佢男友蠢, 咁樣會令我覺得佢男友真係蠢, 我唔想用呢個方法去"認識"佢男友, 樓上講左一段, 冇理由同個生唔到仔嘅係咁講湊仔明知人地同老公關係唔好、就係咁講老公對自己幾好、同買唔到樓嘅朋友、講自己賣樓放租咁。
令我明白, 我作為單身狗既忍受能力, 可能只係去到呢個位, (就係成日聽, 表達完唔想聽咁多, 即係, 你要笑你男友, 呢D係你地既情趣, 但我作為外人, 我覺得呢D情趣可以留返比你地自己知, 因為我唔會話, 我有錢, 所以我買樓放租都要同個無錢買樓既人講, 咁樣佢會唔開心), 你可以話我收埋自己, 我覺得如果件事講出黎, 對方會膽心 或者 會覺得我係hill 張, 扮大牌, 咁我寧願唔講, 分享要睇時間, 地點, 人物, 係人地唔開心時, 講自己開心事, 你都唔會咁做掛??
係, 好多時, 大家可能識到新事物, 就會對現在既事想做D改變
佢無變, 我無變, 但只係識多左野, 位置不同, 咁樣, 我同佢都有不同
我仍然覺得, 好彩以前有佢, 有佢既幫助
我都希望佢同佢男友(或者好快係將來既老公)
有個幸福小家庭
以前佢要煩惱既事都可以減少 (要消失就真係好難, 減少D, 再減少D就好好多)
開心開心做個小女人
1個讚
純粹覺得奇怪，點解兩個35+嘅成年人，可以一星期傾4-5次電話咁得閒，對方有男朋友，正常應該係搵男朋友，唔係搵你呀
2個讚
會唔會係你認識人嘅方法太片面/先入為主？
如果有人同我講另一個人點點點，我唔會因為咁而判斷嗰個人，始終要自己觀察同相處
仲有好多時朋友講都係呻吓，有情緒影響，根本唔需要上心
有少少擔心太多啦
同埋你朋友唔係冇咗自己人生
係佢嘅人生轉變左
進入左一個新嘅階段有唔同嘅重心
既然依家你對佢嘅新生活冇興趣聽，佢又冇興趣聽你生活嘅事，咁不如各自安好啦（唔係話唔做朋友）
話唔定幾個月幾年後大家搵返又啱傾呢