樓主，我欣賞你好認真地反思搵答案，敢面對自己。
我諗會唔會你係好鍾意呢個朋友（不是愛情果種）,當你地嘅相處突然多左一個人喺中間會有啲失落？
我自己有時都會，例如同一個朋友好熟，突然多左一個佢介紹嘅朋友入左呢個圈子，我都會好唔慣。
雖然你同佢男友唔係成日相處，但佢成日提住，好似夾左喺中間咁…
Anyway，我覺得個朋友唔係嬲你嘅，只係佢見你嘅反應之後都唔係好知應該點同你相處啫…要靠你主動番…
我承認自己係怪怪地
唔叫自己做單身狗, 咁應該點講??
狗狗很可愛啊~
因為呢次既問題, 真係… 圍繞係我心入面, 我又解唔通, 諗唔明
就算比人話我衰, 我都要接受, 因為我都懷疑自己係咪好衰
(睇完咁多位既回覆, 係衰, 好衰個隻)
我想搵到一個說法, 唔想淨係停係度, 要搵, 定唔搵
所以要面對個問題, 面對自己
唔係, 我只係唔想聽太多佢男友蠢既事,
好似你想叫個朋友, 欣賞佢男友多D, 佢仲笑多佢2野, 我會唔明點解你要咁笑佢
(係既, 耍花窗… 我終於諗起個字點寫), 但你耍既時候, 有冇諗過你朋友會點睇你男友,
我真係會認真咁當佢男友點點點, 同埋自己單身, 太sweet個D, 就真係唔使話我知
而家諗返… 都有可能, 佢人生轉變左, 可能轉左傾向多左男友, 同以前唔同
我又唔想聽, 咁就唔搵啦
咁呢個會唔會其實唔關佢拍拖事？
我聽得出你心灰，你問下自己想唔想再同呢個人聯絡，唔係應唔應該，係想唔想。有咗呢個答案，你就會知點樣做
咁你都介意？
如果佢唔講咪你講囉，有啲人拍拖之後生活真係會窄咗，但你提出其他話題佢都肯同你傾嘅，我覺得OK喎
其實我覺得你fd知你嬲，佢亦都有約你出嚟攤牌咁，不過依刻佢應該唔知點同你和好如初（或者要返去最初咁其實又無可能），可能佢自知要佢完全唔提佢男友都唔可能（依刻佢忙緊攪結婚，一件人生大事，佢一定好想同人講，但佢自知一同你講又會關於佢男友）。
我覺得係大家都要調節心態，雖然你同佢講過照顧單身人仕感受，不過可能佢一開波以為你講笑，到宜家先知你堅嬲，佢應該要啲時間去摸清究竟要講啲咩至得。
至於你，都要調節自己，無可能回到對方未有男友時，仲要宜家將會變成老公，如果佢無改變，你係咪完全接受唔到？如果係咁，就放手啦，要接收你地未係好好朋友。
想搵就搵
簡單1,2句打開話題…
有時就係咁簡單,只係睇邊個行出第一步先
如果佢唔覆就算吧
朋友之間都要相向，你關心佢咁佢有無關心你？有無著緊你嘅幸福？感覺上佢當你樹洞咁，咁多年都唔了解你嘅感受，試問又有幾好朋友
我有個朋友又係，成日比佢朋友串佢又搵拒笨，佢就成日話佢個朋友當年幾咁有義氣又點點點幫過佢，我都無再比意見，有啲人係一凹一凸，佢地相處到咪ok囉
曾經我都有類似嘅朋友，開口埋口講男朋友，又成日換畫，要追故都好忙。
我係已婚有小朋友，唔關單唔單身事，就係唔想聽你同男朋友嘅嘢
比足機會佢冇改善，於是我自行疏遠左佢，冇樓主嘅煩惱同糾結。
人愈大，就係會因為自己嘅轉變而要換下朋友，你唔變，咪朋友換走你囉～
2個讚
係呀, 咁啱樓主係單身, 所以可能大家會諗多左,
但其實如果朋友間次次見面都只係講單一話題, 聆聽者聽得多都厭
1個讚
我有個朋友都係，成日換畫，追故追到好煩 
我都係已婚有小朋友，講真真係無咁多心機去聽呢啲「年輕愛情故事」，有時間都放喺自己家庭
只可以話大家條路不同，越行越遠好正常
2個讚
咁你朋友又係唔多識做
都係果句啦，如果你係想同佢繼續做朋友，坦白同佢講
係咁架啦…
基本上一讀完書, 條路就開始愈行愈遠, 你帶返講其他話題咪得囉。
拍拖結左婚就唔食飯買衫買飾物咩?
第日人到中年, 個個都係同一階段, 生左仔女就會聚返一齊, 自然多話題。
我記得我成廿幾歲都未拍過拖時, 好朋友成日搵我呻佢男朋友點差點唔好時, 都唔知點應對, 心諗我未拍過拖無經驗呀點知點做je, 好想個friend搵其他人傾或者傾其他話題
到後來我拍拖(我拍拖時又無乜感情煩惱, 唔係我感情好順利, 而係我覺得搵人傾都無幫助, 唔通想搵人同我講分手咩) 結婚生仔啦, 佢又結婚生仔啦, 而家又變返無所不談ge好友, 大家呢排移民都互相俾意見
我覺得朋友ge野就係你地friend得, 一定係啱傾架啦, 只係而家步伐唔一樣, 到遲啲你地又會friend返