我唔覺，幾個月爆一次mon仲要唔道歉我會鬧到佢飛起
心軟買過俾佢一件事。
6個讚
跌電話>一定有家人買過個>即自己唔駛上身/負責>當然眉都唔郁一下>個結論&結果自然一定會再跌過,
態度同個結果全部都係一環勾一環,
既然你覺得佢態度有問題, 點解反而覺得重覆跌冇問題? 就係因為態度有問題 (有家人執手尾), 所以先會重覆跌。
相反, 如果你覺得重覆跌冇問題, 咁理論上你亦唔應該覺得佢態度有問題…
其實成件事你唔可以分拆去睇
1個讚
以為對學業，生活，其他野都給予自由，想要想玩想學咩基本上都會滿足。而佢地第時工作可為興趣，唔使為生活。
便錯以為盡左力照顧佢地，可以對佢地既態度有所要求，不要浪費，待人有禮，尊敬長輩，言行一致，知錯能改等。
因養不教，父之過經常放在心上。
其實都算乖，除左對物質無感覺，被指責時條件反射否認之外。
而家明白係我太執著，既然大體上都算乖，已經足夠了。
我15歲就出來兼職廚房，18歲便獨立生活。
無得唔小心，唔小心就直接受傷，再唔小心就唔使撈唔使開飯。此一事彼一事，我遇過咩事同佢地無關。
你搞錯晒，唔係你太執著，而係你嘅處理方法錯咗。
有谷友都講咗，你嘅小朋友跌爛電話，有老豆包底，第二日就有新電話，又唔使出錢，老豆自動波一條龍服務，咁佢點會有動力改變？
如果仔女已經係青少年，下次又跌爛電話，要佢自己出錢自己攞去整，整唔返就用自己零用錢買過部，你唔好再出手幫佢；如果好細個，就講明會用佢啲利是錢或零用錢買新電話比佢，老豆唔會再出錢；如是者，再跌爛幾次佢會肉赤，就會變得小心。人係咁犯賤，針唔拮到肉唔知痛的。
8個讚
因為重複跌電話而唔去做任何改善，係表現出對物品唔珍惜的價值觀，繼而想教育佢浪費係錯誤既。
所以假如跌電話時，會表現出內疚講句 sorry，便咩問題都無，小意外經常發生唔出奇。
我而家明白係自己問題，放過人放過自己。
你都係唔明, 有咩態度自然有咩行為, 有句說話叫what you think , you become,
真心覺得內疚的話, 就算唔say sorry, 佢之後都會小心, 會減少發生意外, 或即使再發生, 嚴重性都減低。
你而家只係追求一個字sorry, 之後再跌電話, 你一樣覺得佢冇問題咩? 重覆再跌你都覺得佢真心內疚(i.e冇改善行為)?
我反而仲覺得如果你只係追求咁表面, 即使你令到家人講sorry, 後果只會嚴重左,
講句sorry就繼續有人執手尾, 而且仲唔會怪佢wor, 咁只會將佢唔珍惜物件態度"發揚光大", 今次跌手機, 下次跌ipad/imac, 反正一句sorry就搞掂, 老豆仲會覺得我好乖、肯認錯
2個讚
多謝建議，我之前都係咁想，都試過。
中學同小學，佢地對錢無概念。。。
我想培養佢地理財，比零用錢，但要求記低流水帳，用左係邊咁。結果寧願唔要零用錢，利是錢更加無所謂。
比部舊電話佢地，終日愁眉苦面無聲抗議。
我投降選擇左照買但鵝佢地，我比佢地更覺得倦了。
想聽下意見，難得好多人都唔認為係問題。
多謝你意見，我認同。
我一直都只睇人做過咩，而唔係講過咩。
本來係希望第一步簡單既道歉，下一步先係了解珍惜既意義，繼而真正改善。
當然，能夠倒轉更好。
不過我倦了，或者我錯了。
目前到我自省，將來始終要教識佢地理財概念。
你哋兩公婆，平時係唔係咩都幫佢哋買晒，例如衫、玩具、電子產品，如果係青少年，總會和朋友出街消費，睇戲食飯都要錢，無理由完全無錢嘅概念。
我感覺係，你物質上照顧得佢哋太好，所以佢哋唔珍惜。
佢用舊電話，黑口黑面咪由佢哋囉，呢啲就係教訓，你投降佢哋永遠唔會改。
認真，你以為對佢哋好，其實係害緊佢哋，我喺公司見過好多呢啲老奉嘅後生（利申：咁大部分後生都正常嘅），明明係自己做錯嘢，反而怪老闆&senior唔幫佢哋補鑊，結果咪成日比人鬧，然後辭職囉。
喺社會無人會好似父母咁包容佢哋。
7個讚
係，完全係你咁講。
甚至太太都對金錢無概念，佢地唔係討人厭貪心果種，係小朋友果種。
我花左好一段時間先教識佢地想要同需要。
大果個出街前先會問太太拎錢，用剩會自動比返太太。
另外，好感謝大家意見，能夠比我反省思考下。
其實如果小朋友已經高小以上，直接俾零用錢佢地自己分配可能更有效，總之一星期或者一個月係得咁多，唔夠無得用，多左自己儲埋，其實唔駛佢每樣記帳，大人都覺得麻煩，個個星期唔夠用，佢自然會諗下邊度可以慳錢，大前提係父母要狠心，係咁多就咁多，如果用到連食飯錢都無，咁就捱下餓
3個讚
樓主，感覺上你太有責任心，咩都攬上身做，所以太太和仔女就可以hea爆；另外太注重一啲表面，比人睇到嘅嘢，如口講sorry, 記賬。
做人做事唔使咁上心，否則做死自己，你以為身邊人無咗你唔得，其實佢哋只係懶而已。
你嘅小朋友唔係寧願唔要零用錢，而係覺得自己有無限嘅零用錢，反正一問阿媽就有，平時使咩要錢，攞咗仲要記賬咁煩。
你老婆係成年人，佢真天真、定只係懶就唔討論。你嘅仔女，其實你唔使迫佢哋記賬，如谷友所講，每星期或每月比固定金額嘅零用錢，包晒交通、食飯、去街娛樂、買自己嘢嘅使費，使晒就無，就算佢哋要行路返學都唔再比錢佢哋，你睇吓到時佢哋會唔會咁串，話唔要零用錢
3個讚
我覺得跌電話係小事，但「平均每三個月跌爛一部電話」即係重複去犯錯係大事，完全唔acceptable 囉！呢個係態度問題，佢哋根本冇反省一下。係，有D人係特別倫盡，但只要有適當態度同恆心，係可以改善。唔係一句話”我係咁架啦！” 就可以得過且過。
2個讚
自己同對方都辛苦
絕對係冇責任心嘅一種，成年人係咁跌電話，仲要唔覺得有問題，大人港孩
我重覆錯一樣嘢一定會檢討，當然好多人覺得唔需要，但我認為珍惜資源同錢都好重要嘅，買幾平嘅電話，係咁跌都浪費啦
1個讚
我記得樓主去左英國.
去到咩都唔同左. 真係唔可以再好似以前咁再縱容佢地了.
佢地正正因為咩都爸爸比. 我唔開心擺個款出黎. 爸爸就會搞掂我既要求.
變得心態 有恃無恐. 所以你都要改變一下慈父形象.
好似其它絲打們建議每月只比一筆錢. 用多左唔好再問我拎.
咁先可以開始慢慢改變佢地.
而家已經唔細了.個心態再唔變出黎社會做野時真係…
2個讚
睇咗咁多回覆, 發覺自己應該算嚴苛。
我極度討厭浪費, 重覆犯錯。
爆咁頻密唔應該幫佢地執手尾, 唔使承擔後果, 冇人會上心去改善。
你一路包底, 一路不滿, 佢地不痛不癢。
雖然話一家人唔應該計較咁多, 但壞習慣一成, 要改就好難。
2個讚
係，樓主成日話自己明，其實樓主都仲未明個問題係邊。
樓主好非黑即白，無咗中間嘅位。每個人把尺唔同，大家度出嚟嘅嘢自然都唔同。
宜家唔係話你把尺唔啱，就等如你老婆小朋友把尺啱，係應該搵一把適合你地家庭嘅呎，要調節去一個舒服嘅位。
樓主不如google下“非暴力溝通”，去學下點樣唔囉唆下，點樣張你想教嘅道理，有效咁透過溝通去傳俾小朋友。而唔係話自己明喇、唔囉唆喇，其實個問題仲喺度，唔會一下子無咗。
1個讚
樓主比我感覺就係數學題要計足球體積,
而佢拎把尺去度足球面積, 方法錯晒, 永遠解唔到條題
2個讚
樓主第一件事應該搵方法解決現有問題, 磨合, 唔係自己硬食先。
你覺得佢地成日跌機唔岩, 佢地都可以覺得你太緊張, 搵個協調位吧
1個讚