跌電話落地我諗唔係專登
有d人係咁大頭蝦跌電話跌銀包
唔等於佢地係錯
樓主咁樣比人太大壓力
我之前執著既係態度錯誤。
[/quote]
我覺得你係岩既! 我都好憎我老公對住我永遠都唔認錯,佢就係唔尊重我先會咁,你老婆無得改架啦,你教好個小朋友啦~
佢地仲要唔道歉,我覺得成件事好有問題
1個讚
你講得太好啦~~ 
1個讚
地球人，珍惜資源係基本責任，成日跌即係冇責任感，如果係父母更加差，做得父母對地球同社會有責任
你點同佢溝通係另一件事，但佢都係錯
2個讚
係呀，以前係香港工作太忙，所以都將僅剩既時間來同佢地玩，無咩參與教育。
而家我終於有時間，所以希望去改善見到既問題。
我一開始已知道，寵壞係咩意思。
但由於自己細個時咩都無，我控制唔到自己想盡量滿足佢地。情況係去到，我會留意佢地喜好，係佢地未開聲想要咩時，鍾意既禮物已經出現，所以佢地接近無野係主動想要。
唯一慶幸係教識左佢地想要同需要，欲望先無不斷膨脹。
係英國的情況更甚，因為我終於有時間。
人除左物質，仲要社交活動。
我係好容易結識朋友果類人，不論對方係咩國藉。
特別去結識左一些正經而有差不多年紀小孩既父母，父母可以同我和太太做朋友，佢地既細路就同我既細路做玩伴。即係朋友圈都安排埋，我知道唔係好事，但都唔係壞事。
由於返學好去玩好，都係我揸車管接送訂好場地訂好飛。佢地係哩邊更加無機會比錢，零用錢計劃暫時用唔到。
佢地係香港好，係英國好，都係無憂無慮，日日都好開心。而我見到佢地開心，我就開心。
先至會見到佢地唔開心，我就會投降。
好清楚我係有問題的，我真係改唔到，一見佢地唔開心我會想起小時候悲慘的自己，便堅持唔到。
好耐以前已睇到，發展落去，佢地係無生存能力。
所以我努力工作，務求我死左佢地都唔使擔心無飯食。
除左物質，社交，人如果無能夠投入既興趣，生活會好乏味。大果個培養到佢鍾意畫畫，細果個暫時未搵到。
另外，為免我死後佢地成為只有心地善良既魚腩。理財及觀人術，係我死前一定要教識佢地。(記帳係理財既第一步)
我知道好扭曲，但我改變唔到自己。。。
可以睇多被人寵壞左既港孩朋友，佢地出到黎社會咩下場，唔好諗自己。
樓主明明係個有決心，理性既人，堅持唔應該難到你架。
上返個3P正向教育課程之類，有一套理性方法backup你，應該就容易做D。
1個讚
Stay hungry.
人只有 覺得肚餓，先有動力去填飽肚。
否則，冇肚餓嘅感覺，點會去搵嘢食？
你咁樣對太太同仔女，同養寵物冇分別(請勿介意我咁講)
不過你都自覺有問題，係好事，由依家開始改變，都未遲。
3個讚
其實你係一位好爸爸.
我自問細個咩都冇. 我爸對我地都不聞不問. 所以我從來都覺得幸福唔係必然.
但你太過度保護佢地. 只會令佢地變做真係咩都唔識既"細路" .
人總要受啲錯先會識改善. 正如未試過針原來刺到肉既道理一樣.
唔痛過邊知道呢個世界同社會原來可以好現實?
你可以做到唔扭曲自己架. 只要你唔好再太過怕佢地受呢種小傷害.
其實對你同你小朋友都有好處.
既然都去到英國. 放開自己既過去痛苦. 好好迎接新生活啦 
我不知幾羨慕你可以去英國. 我冇錢又冇能力所以得個恨字. 加油呀! 
3個讚
我有個表姐嫁咗個人地眼中既廿四孝老公, 後來老公健康有問題, 表姐完全冇能力/冇概念/冇意慾擔起頭家。
一個家要大家一齊去維持去經營架, 得一方成長, 另一方原地踏步, 距離越黎越遠。
6個讚
可能退步都未定。
好同意：
一個家要大家一齊去維持去經營
1個讚
大家都係好真心既人，好感謝。
教育係家長責任，我好清楚。
既然知道自己有問題，如果連自己都唔去改，邊有資格希望人地會改。
哩一年，我可以放低工作後，一直有參與家庭的教育，包括教育我自己。
事實上，大家都進步緊，按我觀察應該係上大學前後可以變得比較獨立。
而本身預算，佢地上大學後，我和太太會搬走，等佢地學習過獨立生活。
其實都算順利，一步步前進緊。
當然有卡住瓶頸既時候，即係而家。
真係要講對唔住，其實我上來呻係想逃避，唔係想尋求方法。
希望有人話，根本無問題，等我可以逃避一下。
不過就算無人講任何野，逃避一輪我最終都會面對返。
係大家既真心話，令我提早結束逃避期。
我解決到自己就解決到佢地，最大問題都係依賴性。
既然而家可以全心投入家庭，再無工作繁忙既理由或藉口。
我唔夠堅強，不過會繼續一步步改善。
再次對唔住，浪費大家好意。
我鍾意睇書同學習，知道既方法有好多。
只係我軟弱，貪戀佢地既笑容，無好好堅持。
好抱歉，內疚中。
4個讚
我慶幸細個窮，向上心好強，鬥心好強，我鍾意做嘢，唔鍾意懶，鍾意乾淨最怕污糟，生活有規律，唔會縱容自己吃喝玩樂
只係體力唔夠做唔到勞力，但一定捱到其他
後生時亂買嘢去彌補窮，但而家已經唔會，因為諗通了，要珍惜資源，控制慾望
所有大洗，浪費，遲到，善忘嘅習慣，有決心改，亦改到九成。你肯做，冇嘢唔得。當然有啲嘢冇得改，或者困難，例如脾氣，性急
從來冇唔見電話，跌爛一次整＄1000已經肉痛到死
呢隻性格一半阿媽教，一半自己向上心，想改變生活，但相信人生先苦後甜
我唔係讚自己，我人生都有好多不完美，性格都有好多缺陷。但我想講：你縱一個人只會累死佢，佢大個一啲責任感都冇，亦唔會享受到苦功後獲取收成嘅甜果，有幾多錢幾叻都冇用
呢個世界對我嚟講，冇嘢開心及自豪得過靠努力改變命運，克服自己缺點，所有嘢係靠自己雙手得返嚟
個人對人生睇法啫
5個讚
樓主成日講「問題、問題」，要去解決。
首先呢d唔係問題，至少暫時唔算係問題。
這是你的傷痛，你的痛處，需要的唔係解決，
而係撫平傷痛
有父幹嘅人唔使同我比較，一來我冇，二來我睇唔起佢哋。我係偏見，但我鍾意
冇父幹嘅人更加唔好恃住少少中產就由得仔女冇責任感仲唔覺得錯
就當我老土同扮曬嘢：樓主冇錯，老婆同仔女都每三個月跌電話，三個字：痴Q線
我好怕甩漏嘅同事，下屬甩漏對我嚟講，一次冇問題，兩次我已經黑面，三次我一定發脾氣，請佢返嚟製造問題？你不如返屋企抖
我自己唔比自己甩漏
我唔知一個甩漏嘅人點生活，仲係覺得自己冇錯嘅人，你冇承擔冇責任感冇反思，身邊嘅人好辛苦
你愛佢容忍佢，唔好曲解佢冇錯，同愛係兩回事
人生唔一定要啱曬，我唔係話唔好遷就要下下片佢哋，但人唔該要進步要向前，要知錯要克服困難。尤其做咗人老母，甩漏唔係好cute，係低能低智
其實大家都有唔同的觀點與角度
樓主所講的情況，在我角度算係「問題」
只不過係屬於小問題 而唔係大問題
因為樓主仍然負擔到、應付到
難道 可以被接納就變得不成問題？
家人可以接納 咁外人、朋友、同事呢？
我之前舉例老公開曬全屋燈 無手尾去熄
看似小問題 但其實都發生過 無熄車燈而電池無電 撻唔著 
小事唔改 會慢慢變大事
2個讚
樓主，佢跌乜你買乜梗係唔say sorry啦，物質，一定要等佢死過先知衰
叫佢三個月唔好用電話囉，跌得咁易
我老公試過幾次煮完野食唔記得熄火 
幾次都係我發現先無事,但佢一次都無道歉
最好嘅擋箭牌唔會比人鬧