遇到做錯野被人發現，即時的反應一律係反駁否認，證據明顯就不斷搵藉口，連合理些少既藉口都編唔到才肯認。
先唔講人渣如7婆哩類，人渣係自覺永遠是對的。
但身邊九成既人，同事朋友家人，而家連細路都係咁。
例如太太同細路，平均每三個月跌爛一部電話，算可接受損失範圍，唔想再囉唆袋得或擺得幾衰。我自己成世人只跌過一次電話落地。
朋友仲無奈，如果為人係差，早就絕交了。
其實做錯野，一定會有，咪接受錯誤下次小心些。
下次又錯，咪再提醒自己。
反而同事錯而唔改，我仲接受到，因為錯誤率同人工掛勾，尚算公平。
我倦喇，非致命性的錯誤，以後要學會睇唔到。
…唔係好明你想講乜,但跌左個電話落地咁小事, 其實你想對方要點, 跪地認錯嗎? 同埋點解跌左個電話落地係一件"錯事" ??
對於我來講,老婆的錯事係出軌, 小朋友的錯事係出貓, 其他可以有乜野"錯事" 要道歉要你原諒咁大鑊??? 
5個讚
其他人唔知，如果係自己個小朋友會咁，要諗下係咪佢做錯野，大人反應太大，或者太執著小事，小朋友要教，細個會因為驚有後果，正常反應係會否認，所以要話俾佢聽，做錯道歉，承認再改進
3個讚
凡事過於緊張的人, 會否未適合有小朋友…
(細個搵老母簽張通告 / 跌野落地都好大件事被佢小)
1個讚
多謝你地，我有懷疑過係自己問題。
所以先想上來聽下意見，我會反省下係自己過份緊張。
保護殼阻住打機散熱，所以唔用得。
iphone 都照樣爆 mon，不過都係每三個月幾千蚊，既然負擔到就唔應該過份緊張，我唔需要認為係浪費，會照舊爛左就買。
出門口無鎖門，既然無被爆格，都係小事。
無關煤氣爐頭，無發生火燭，都係一樣。
會認真教育自己，抱歉。
不如轉個方法，例如爆mon就去換mon，唔好買新
如果佢問點解唔換得，就話想留返啲錢做更有意義嘅事
其實我明，樓主係嬲對方冇坦誠面對自己嘅錯
有時好簡單一句sorry，起碼表示歉意…咁我會受
1個讚
唔係話你身邊家人朋友做錯事係啱，做錯事認錯都係必需。
只不過人無聖人，好似你自己咁講做錯事一定會有，你平時諗嘢係咪好負面？所以成日睇人地做嘢，好似只係睇到做錯嗰邊（或者將啲錯嘢放到好大），咁樣你會好辛苦。朋友嘅可以由佢，如果身邊人，不如放鬆啲，對方做錯一件事時，不如試下諗下對方做過乜嘢值得稱讚嘅事。
1個讚
如果成日跌電話，我反而覺得買部平啲
回正題，其實跌電話又真係不算大件事。
我成日係屋企倒瀉嘢，打爛杯。。。
我已經盡量小心喇，但都。。。。
我唔想㗎
唔講小朋友嗰part，太太係咪次次爛電話都係你包底搞掂？
我娘家三個人（包括我）都係不停跌爛電話/唔見電話
每次都係我媽搞掂維修同買新機，仲要好快手安排第二日就有新嗰種
後來有一次我又唔見電話，我媽故意俾咗部nokia舊機我用，用咗一個月
依家我都係會跌電話，但就用得小心咗好多
有時要有啲實際嘅consequence，先會識下次小心 
4個讚
我老公正正就係類似你咁，話我唔肯認錯，仲要俾埋d唔合理既藉口。
舉例，我煮餸overcook，佢話我，我第一下反應係「特色煮食法～」。在我黎講係想講笑緩和下自己個尷尬，在佢黎講我係唔肯面對錯誤。
之後我地攤開黎講。見佢咁想我道歉，我就當口頭禪咁，下下講聲sorry先羅。誠意就無，不過佢buy喎，是旦啦。
7個讚
其實我明你諗咩，你平時係咪都係比較理性嘅人？我以前其實都好怕承認錯誤，因為要面子/怕比人鬧/覺得好少事/覺得唔關我事。
但我老公好惡，佢最怕聽籍口，一聽到人解釋就會閙人，反而認完錯後佢就好好脾氣叫我下次唔好再做。但呢個方法唔係人人啱用，好似我老公話我奶奶同一個問題話咗好多年，佢到而家都仲係會重複做返，仲要講好多理由
對住呢類人個人真係會好𤷪
7個讚
我又係次次一發生嘢就講咗sorry先，之後喺背後無限反白眼
有換 mon 呀，換太多次，後來我直頭學會自己換。。。
原廠 mon，可直跌好幾次都無事。
但替換 mon 通常跌一次就爆，所以換一次後，第二次再爆都係要買過部。
屋企有三部電話經常跌，所以平均三個月買一部。
我之前係希望簡單一句 sorry，不過而家明白左，唔再過份緊張反而自己輕鬆左。
平既電話打唔到機呀。。。
我知道佢地唔係有心，都無鬧過佢地。
只係好似囉唆老人家咁成日提住，不過而家知道唔應該，唔會喇。
我有排都係咁… 之前同你傾開計，我覺得我和你太太同一type。個排會買d平/二手電話，買個好d既殼。
後來我換左手袋，方便我攞電話既。又係電話加個扣方便我攞。然後儘量坐定定先攞電話出黎。幾招一齊落就好左。
唔整爛電話後，我就開始唔見/唔記得帶電話。例如去完奶奶屋企都一定漏電話係佢屋企。於是老公要求我在離開奶奶屋企時負責call車，call車一定要用電話，就唔會唔記得帶。
我又換左個細手袋，得銀包鎖匙電話紙巾。如果無帶電話，個袋身會輕左一半，出門時會覺得唔妥。
我換袋時又會唔記得將八達通鎖匙過袋。老公又係好激氣，最後要我配多set鎖匙和八達通，一袋一set。
2個讚
你應該係做事認真+好小心既人? 所以唔明白點解佢地可以成日跌而唔改變?
我覺得睇對方真係唔小心 / 求其做。
如果長老嗰啲, 我會有得佢地, 可能真係人老左手腳唔靈活。
但如果係仔女, 我會提多啲, 或者買頸繩, 係手機殼整個勾勾住手指之類。又會叫佢比返換 mon 錢 
會試下訓練佢做野小心啲, 培養下責任心
1個讚
係呀，唔至電話。
佢地經常會整跌打爛各種物品，全部我包底。
試過刻意比部舊機佢用，打唔到機唔開心，但知道自己錯又唔敢出聲。
最後都係心軟買過部新既。
你有小心左好多，真係好。
真係同我太太好似，哈。
所以佢教出來既細路都係咁，我無嬲佢地，仲好鍾意佢地咁單純。
不過自細窮開，唔想浪費。
無孤寒佢地，幾千蚊以下既野，唔使問我隨便買就得。
總之買左返來唔係玩一次兩次就放雜物房就ok。
我覺得浪費係錯誤。。。 不過，我反省左輕鬆左，唔會再話同囉唆佢地。
1個讚
其實。。。網上傾計時，常常被誤會為負面。
可能因為我會為好小既事，煩惱疑惑。
另一方面，其實代表我根本無其他煩惱。
九成以上既時間都過得好開心的，我鍾意生活絕大部份事情，即使係每日有飯食，我都會覺得有飯食真係好。
我屋企日日都嘻嘻哈哈的，生活所有野佢地都搵我攪掂，係我死之前九成九既時間都可以無憂無慮。
不過我會囉唆，認為浪費唔岩，唔好做可能有危險性既活動，例如女仔一個人去夜街，而唔叫我去接佢等。
不過我知錯喇，自己都唔鍾意囉唆，以後大家都更輕鬆吧。
4個讚
越係上左年紀越係咁，
我好明白因為有屋企人都係咁。
有時我細佬會話我洗碗洗得唔乾淨，
我會認咪話下次做好啲。
會聽下係咩事。有啲真係無理取鬧的事。
例如：話我煮野好難食，我煮野係倒既。
明明我已經好努力進步緊。
話我陀bb食唔夠野bb智力會有問題果啲。
又話我老公揀老婆無咩所謂，
先會揀到我。
好多好多呢啲說話。
咁你想我點姐。
有啲時候有人啲長輩一啲做錯事，
佢哋會覺得你係到針對佢。
呢啲時候當然廢事出聲啦。
1個讚