我嗰次部機啱啱買咗兩日就唔見咗
驚到差啲唔夠膽番屋企 
平時我媽都會鬧同哦
反而嗰次好平靜，攞部nokia出嚟話：屋企得番依部，一係用一係唔用
我有少少俾佢個反差嚇親
不過同一個方法用係我爸度就唔得
因為佢哋一齊做生意
所以我媽都接受（放棄）咗 
1個讚
係，我經常會被身邊人話連係咪笑話都分唔到。
經常好認真同好小心，因為遇過好多黑暗事，被嫁禍商業犯罪都試過，最後無事但學會即使係灰色不明地方都要小心。
若要人似我，除非兩個我。
唔會無理到，強把自己價值觀套到別人身上。
但最基本的責任感，知錯能改，珍惜事物，好想細路學會。。。 不過我而家明白喇，既然大部人都認為無問題既事。就係我過份緊張，係我既問題。
只要唔會令佢地有生命危險，我唔會再出聲的了。
我媽都係咁，銀包，電話都有試過唔見過。
試過佢自己跌咗銀包番黎鬧我，
打電話比佢害佢跌銀包。
佢自己係大陸唔見電話，
佢自己知道自己放左係餐廳唔記得攞。
但都有鬧佢啲朋友唔提佢攞。
害佢唔見左電話。
又話佢啲朋友無幫佢打番去餐廳找佢個電話。
總之瀨得就瀨。
佢鬧你可以大大聲，
你話佢一句佢就覺得你針對佢。
鬧番你轉頭。
有啲人就係咁。
多謝你，解答左我既煩惱，原來不知不覺我變左老人家！
無辦法簡單界定既野，通常我無意見，例如乾唔乾淨，好唔好食，好唔好睇。
我之前著眼既地方，都係浪費問題，寬己嚴人，言行不一致，哩類品德問題。
原來係我老了，變得囉唆煩人了。
我唔應該判定其他人岩定唔岩，只管好自己就好。
我覺得可以提但對方唔肯聽，
嚴重啲鬧番你轉頭。
咁當然廢事講。
廢事聊交嗌拉。
睇對方態度。
我就係咁做囉。
1個讚
明白了。
未至於要放棄晒自己既想法，不過會輕鬆些唔使再咁堅持。
為免爆mon一定要貼保護貼， 這個很重要呀
1個讚
呢句話意思令我諗起有次聽早霸王森美教打上去既聽眾，唔好對一件事做法太過極端（即係放棄狀態或過度執著緊張狀態），而要係搵番件事中間位。
例如跌爛電話，我個人認為比唔見電話已經好好，而且可以用錢解決買部新就得就唔好再執著個件事煩惱。跌得太多次我會唔鬼拎錢出黎換新，如果對方唔介意用部爆電話，等到對方開口話換新先同佢講番個問題同你既諗法，咁你就可以慳番好多口水。
1個讚
貼左mon貼唔會咁易爆，個個都係咁打機㗎喎，一係叫佢哋返屋企用ipad打啦
我睇晒樓主回覆, 都唔太get到樓主點解咁嬲, 唔係話唔應該嬲"唔認錯"、“整爛手機”,
而係我角度"錯誤" 係好嚴重嘅行為/態度,
但跌手機最多只係"粗心大意"、“唔識珍惜”, 點都上升唔到"錯誤",
如果樓主係嬲家人粗心大意、勸極唔改善, 咁我明呀,
我相信好多人都唔會覺得粗心大意嚴重到係錯誤、要道歉(apology=/=i’m sorry)
即你係覺得跌電話次要, 反而say sorry、然後繼續跌(ie 完全冇真心反省) 都冇所謂?
點解唔諗用咩方法令佢跌少D、或即使再跌都冇咁傷? 少D整電話機會, 你咪少左一個concern “佢做乜唔say sorry” 囉
呢點突然令我諗起，會唔會對至親既人先會咁？
某啲事我老公都會好執著，當事人覺係小事唔小心啫，但對佢地嚟講係唔應該發生或再次發生。
我覺得好正常(但唔代表咁樣對親人係"正確")反應 
講左幾次出房門要關燈, 都唔關的話, 我都會跳制啦,
但我唔會覺得冇手尾、唔關燈呢D叫"錯誤"
我都明白樓主
某程度上我都係呢類人 甚至更甚
即刻諗到個例子
老公習慣性 無論咩時間 入每間房都開燈
然後離開又唔熄燈
每次我提佢熄燈 or 而家白天唔需要開燈
佢都悔氣地"alright alright fine!" 咁樣 又話轉頭要入返去嚟做藉口
擺明你係無手尾又壞習慣喎 講咁多藉口
好地地講聲 “係喎 唔記得左添” 咪好囉！
4個讚
我都係呢類人呀 
平日我可以好嬉皮笑臉 好容易知足
但一講起浪費 我唔得囉 呢方面去比較執著
2個讚
如果老婆係咁就無辦法，佢有好老公會幫佢
而且可能你屋企負擔到，所以對佢黎講唔係問題
如果小朋友未到成年，可以分享一下點解你咁嬲，例如你的經歷，畢竟佢地出黎社會工作，咁論盡大頭蝦班確實會比較辛苦，需要多些時間先適應到社會
2個讚
如果係電話袋得「樣衰」，係講緊袋落褲袋，咁呢點就要平反下。
女人褲嘅空間細得好緊要，有時候半部電話都擺唔得，動作大啲都會跌電話。我都跌過幾次，好在有 mon 貼加保護套。
小朋友先得嗰幾歲，都未見過「社會」，又好多野啱啱學識，做錯，後知後覺，係好正常。放鬆啲 
，咁容易繃緊囉嗦，佢又唔開心你又唔開心，得不償失。
想教好仔女好正常，但有時輕輕提下就夠，比啲空間佢哋 
我阿妹都係超大頭蝦，由細到大不停唔見銀包，電話，樂器，usb drive……. 全家不停幫佢執手尾 
佢每次都會內疚+say sorry, 但無轉變。到結左婚要自己負責返啲銀包電話，就會自己揾方法減少意外發生 
每個人成長既時間都唔同，睇開啲大家關係都好啲
2個讚
跌電話唔係問題，重複跌都唔係問題。
而係重複跌都唔肯用保護套 (mon 貼我有貼的)，最令我覺得有問題既係，眉頭都唔郁一下，跌爛電話，叫阿爸買過咪有，又唔係特登整爛，有咩問題？
我之前執著既係態度錯誤。
不過而家明白，我太執著。
如果會內疚+say sorry, 保證一句都唔會話佢，仲會安慰佢意外唔使唔開心。
係，每個人成長年代唔同。
我以後都唔會再提，舊時只能食麵包渡日，哩類咸豐年代既野。
自己都唔想變成囉唆既老人家。