要成球，有都留俾仔女啦。
你唔好講呢啲，趁樓主未睇到del左佢啦。
13個讚
你無意，但都真係無必要咁問人，未瞓就改改留言啦，樓主已擔心到瞓唔著
10個讚
阿仔大個，佢有權揀自己想行既路，真係有需要去比佢知。
如果個病控制唔到，唯有正面d等自己可以放鬆d，心理健康都好重要，祝福你！
祝福你同你屋企人，希望醫學進步你個病有機會醫到，而家有基因改造呢樣嘢（香港有個後生仔因此醫好癌症，費用好貴佢都係眾籌搵醫藥費），希望你呢個病都有得醫。
我覺得應該要同阿仔講，雖然佢仲細，但都應該俾佢慢慢思考清楚將來要唔要bb，衷心祝福佢唔會遺傳到呢個病
希望樓主嘅仔女冇遺傳到，但當佢哋成人有權知道自己嘅風險，以便人生規劃。
咁樣真係要同仔仔講
都唔知講咩好， 上天係好好嘅， 願上天祝福你
聽到你的情況也感到很難過。
生離死別，老病死，這些都是人生最痛。
轉變真係太快。
仔女有權知情家中所發生的事，可以用他們能了解的字眼告，
你好細心
樓主仔都成年有必要知、真係遺傳避唔到、早啲安排想點過自己生活好
唔知講咩好、祝福樓主一家
2個讚
身體有朋友有類似嘅病，對病人同家人都真係唔容易
覺得點都要同仔講（其實係一家人就算無事，連個囡都要知），因為萬一唔好彩佢有，都真係要好好規劃條路點行，當然最希望佢無事，不過講完，決定去唔去驗就等佢自己決定，我諗佢都需要時間消化，等佢覺得需要先去啦。
或者先講咗自己同你哥哥嘅情況先（好似樓上有人提議先去睇套戲），等佢地慢慢接收依件事。之後先再講佢嘅情況。
如果可以，唔知可唔可以搵定一啲醫務社工幫手back up，始終一時間聽到依件事，相信大家都有唔同情緒要排解。
4個讚
無論發生咩事，樓主你諗下你有屋企人，有你愛及愛你既人，已經好幸福
我每次人生有不如意都靠呢個信念支撐落去，你都要
1個讚
仔仔已經 19 歳好大個應該要知… 我明白好難開口, 但個病咁大機會遺傳, 如果仔仔知左, 可能會對結婚生BB有另一個諗法…
呢一刻驗左可能係無用, 無藥醫, 但醫學既野好難講, 可能遲啲有藥延遲病發/減慢差既程度 
我覺得一家人最緊要係坦誠, 如果你媽媽一早同你講左, 你會唔會做好準備先生仔仔?
雖然仔仔出左世先知, 但係好明顯你係會為走左嘅囡囡做決定。唔好俾仔仔面對多一次你而家呢個難題, 俾個機會佢自己將來揀, 好可能佢冇事呢。
加油呀, 我都唔識講咩鼓勵人。為家人諗下, 有咩唔開心唔好鬱埋自己度, 因為咁樣係幫唔到佢地架。
1個讚
我都覺得同仔仔講番會好d，驗左冇事皆大歡喜唔洗再擔心，就算有事早d 知都好，可以盡早做好人生規劃。
啱啱google 下呢個病，見到近2年有新聞話研究緊既新藥有進展，而家醫學昌明，話唔定之後有得醫，希望樓主可以放寬心，祝福你。
2個讚
你應該要同仔女講的，佢有知情權，而且佢第時如果咩都唔知，結婚生子，又不幸遺傳比下一代。原來當初你咩都唔講，佢會怨你架。
2個讚
樓主，為你祈願有日呢個病可以有藥可醫，亦希望你家人唔會受呢個病折磨 
祝福你，抱抱
1個讚
加油呀樓主!
仔仔都成年人, 我覺得可以話俾佢發生咩事
點都好 祝福你地呀!!!
1個讚
琴晚又眼光光瞓唔到，將近三點先瞓得著，六點九就醒左，今日個頭好痛 
多謝大家對我嘅祝福，我會再同老公傾吓講比仔仔知，驗唔驗就等佢自己決定
4個讚
呢個病除左活動能力有問題外，連吞嚥都有困難，去到後期連講野都唔清楚，只可臥病在床 
1個讚
有錢都留番比對仔女，我唔知以後身體會點，我無諗過離開老公同仔女，我女仲咁細
2個讚