星期四開始日日瞓得四個幾鐘 
星期四果日返醫院覆診醫生叫我坐輪椅
我個病真係好折磨，由一個識行識走嘅退化到坐輪椅
6個讚
係發生意外？ 定係身體出現問題？
加油!!!
其實我好多年前已經知自己有病，我個病係遺傳無藥醫，係小腦萎縮症，係我爸傳比我地，我哥都有佢嚴重過我好多，已坐左好耐輪椅以家住係老人院！
我記得果陣啱啱有左 BB，果陣啱啱排到期見遺傳科，醫生都覺得我爸個病係遺傳，但要抽血確定，醫生幫我爸抽血驗左十條基因，知道邊條出問題我就主力驗果條，好不幸我都有，即通知產科，等夠期我就抽胎水驗，好不幸 BB 都有，同老公商量過決定做人工流產，個 BB 最後無要到！
兩年後又有左我囡，佢抽曬胎水驗過曬無事我先生出黎，安樂左幾年，早三年前我開始病發，行路出問題，前兩日返醫院覆診，我同醫生講以家行幾步隻腳就無力，醫生建議我坐輪椅
25個讚
媽媽加油! 無得醫好都要盡量減慢惡化，我唔識講啲咩，不過為咗自己為咗囡囡，要撐住呀!
仲有一樣野好煩，我仔唔知我有遺傳病，佢只知我腳痛，係屋企同出街要攞拐杖，當年生佢時我唔知自己有病，佢無檢查就出世，因我個病每次有 BB 都會有一半機會傳到 BB，初初問過遺傳科，醫生話要等佢夠 18 歲知道咩事先會幫佢抽血驗，即我一定要話比佢聽，但之前問過老公佢唔想比熙熙知，驗到無就話啫，萬一有嘅驚佢接受唔到 
我仔今年 19 歲，我當然想佢抽血驗，有無都得個知字，但老公唔想 
6個讚
如果驗完都冇幫助，或者唔好驗
但你都應該講你情況佢知
佢知唔知舅父都係咁？
求主賜力量
和家人商量下，大家的想法都要考慮，只有合適的大家選擇，無人會知咩係正確的選擇。
祝願你一家人平安，幸福。
7個讚
佢知我哥坐輪椅住老人院，但唔知佢咩事，佢無問我地亦無特別講比佢聽
1個讚
首先比個大擁抱你先，遇到遺傳病每個人都會好渺小，我唔識得點樣去安慰你，唯有比個大大力擁抱
我覺得要比囝囝知道，其實佢如果知道公公同舅父發生咗乜嘢問題，到你而家都要坐輪椅嘅話，佢應該心入面有一定嘅疑問，你要解釋清楚比佢聽當佢出世時你並唔清楚自己有遺傳病，係生妹妹之前先知道，所以妹妹之前其實你做過人工流產
老公方面你地真係要傾一傾，19歲仔，話大唔大話細唔細，就算佢驗血報告如何，你仔仔一樣要比其他人強大起來，無事嘅話仔仔其實都要面對屋企嘅轉變….大吉利是嘅話佢可能有好多事情想做/唔想做
起碼你同你老公要有共識要比仔仔知，但個仔之後去唔去驗，就等仔仔自己決定
祝福你地
20個讚
19歲成年了，唔再係細路
佢需要知道屋企發生咩事，同計劃以後點行
Hug
8個讚
我老公就係咁諗，因為係無藥醫，驗到有又醫唔到，但我好想知佢會唔會有，早 d 安排第日嘅生活
題外話，點樣引用回覆留言 
禁實你想引用果句字，就會彈咗「引用」兩個字出嚟，再禁「引用」就會quote咗句說話向回覆度
1個讚
得左，唔該曬
2個讚
我覺得你老公都有壓力，因為嚟緊太太生活上有所轉變，touch wood仔仔驗完係壞消息，佢一個要照顧你哋都唔容易，可能因為咁唔想阿仔而家要去驗
你哋有冇其他關係親密的家人或朋友？呢啲時候好需要更多人支持你哋，有其他人喺身邊支持，你哋會有力量做最合適的決定
希望你哋逐個難關跨過，祝福你哋
4個讚
無藥醫係一件事，但安排生活好緊要。陣間阿仔有曬計劃夢想要出國要結婚生仔，後來先知道呢個消息就打亂曬計劃。
話俾仔仔聽，佢可以唔驗，但要諗定
9個讚
我真係好煩，呢幾晚即頭瞓唔著，晚晚點幾兩點好眼瞓先瞓到，但第二朝我要六點幾起身叫囡返學
最壞情況，仔都19歲，陣間搞大左人地個肚生多個，又無去驗，就害多條人命。
仔仔有知情權
10個讚
你諗得好詳細，老公又真係壓力大喎